المشاركة الأصلية كتبت بواسطة ماجد الخليفي

السلام عليكم وكل عام وانت بخير اخي السعدي ...

قبل عدة سنوات كنت نازل من الجبيل للخبر ثالث ايام العيد مع زوجتي لزيارة زميل ساكن في احد المجمعات السكنية في الخبر ...

ومن عادة الحريم اليابانيات انهن ما يجلسن في المقعد الامامي للسيارة وانما في المقعد الخلفي ...

وانا لابس جينز ذاك اليوم ...

فعندما وصلنا بوابة المجمع سالني رجل الامن السعودي ... وين رايح ... قلت بيت فلان .

قال لي وصل الحرمة وارجع انتظر في البوابة ... قلت له ليه.

قال والله يا اخي السواقين ممنوع ينتظرون داخل المجمع .. يا اما تنزلهم وتطلع او تنتظر في البوابة ...

المهم الرجال ماهو مصدق ان المره زوجتي ومصمم اني سواق عندها ...

بعد مزح وضحك معه طلعت له بطاقتي واقامتها ...

بالاخير صدق ...

اعطيته ايميلي ولازلنا نتبادل الايميلات ...

المشاركة الأصلية كتبت بواسطة الحرررر السعدي

عطيك العافيه أخوي ماجد على المرور و المشاركه ..
لكن الظاهر إن الجنز مهو السبب في شك رجل الأمن إنك سواق عند الحرمه لكن الظاهر و أنا أخوك الشكل له دور ..هههه