مشاركه الشاعر حسين بن شتوي الحبابي




القصيدة

http://www.youtube.com/watch?v=ewda7GIarkQ

موال

http://www.youtube.com/watch?v=YHp_H0ZK4UY

موال 2
http://www.youtube.com/watch?v=QMqBKboLM5U

هذه القصيدة بمناسبة المشاركة في برنامج شاعرالعرب

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
حان ميقافي ولاشك ماني بمعذور=ولحية الرجال تقلط على مقدارها

يابوفيصل هد نفسك ودمك لايفور=وخلهاعندي وعطني مجال اختارها

من صغرسني وانالي مع الشعار دور=واعرف جنية الشعر ويش اسرارها

ان بغيت النظم شعري مثل قطف الزهور=وان بغيت القلطه اسرفت في شعارها

قبل عشراسنين للشعروالشعارسور=واعتزيت وجيتهاواقتحمت اسوارها

مالقيت الارجال بنادقهاتثور=والمعارك كل يوم يثوراغبارها

وان حضرت الحفله ابدعت واعجبت الحضور=والمعزب والجماهيرواللي زارها

والمواقف مالها غير رجال صبور = ومايقدم من هل الشان كون خيارها

احتمي ميقاف ربعي ولاني بمعثور=واضبط البندق بنيشانهاواعيارها

قدسبحت وعمت وابحرت في سبع البحور=البحوراللي تحَيرفكربحارها

الزلامي قال ياحسين خذ كرت العبور=وابن شايق قال ياعمهاحجارها

وغيرهم شعارواجدولافيهم قصور=من هواميرالجزيره ومن تجارها

والرجال اتقول وش فيك ماتبغى الظهور=قلت ويش الحل في حية في غارها

اعتقدالاعلام منهاجهم دهن السيور=وبعض الاشياءتفقدالذوق من تكرارها

كم ظلم ناس وخدم ناس واعطاهم غرور=من وراعين المدارس ومن شطارها

في ظلام الليل يحتاج للسارين نور=وشجرة ماتشرب الماءتقل اثمارها

غيربعداليوم يازين تجبير الكسور=بعدتعقيب الجماهيرواستفسارها

يابوفيصل لازم اطلع مطاليع الصقور=الصقوراللي بروس الطوال اوكارها

والعشاءمضمون بين الذيابه والنمور=والمواقف لي حضرناندوس اخطارها

الهجوس اتجول فيني مثل جول الطيور=وفاحت الدله وبهرتهاببهارها

لي ثلاث اشهوراعد الليالي والشهور=وانتظر شاشه رواسي تبث اخبارها

وجيت أشارك وأتشرف وانا كلي سرور=والقريحه كلفتني بكتب افكارها

جيت من دارالنشامى وسيعين الصدور=السعوديه مقرالحرارودارها

ديرتي وعصابة الراس لي شانت الامور=دولة بالدين والسيف قام اجدارها

دارابومتعب وابومتعب امحنك غيور=ودولته للجارفازت بحسن اجوارها

السعودي والكويتي على مرالعصور=العلاقه بينهم ماامحا تذكارها

قصه عظمى واناباختصرهافي سطور=حافظ تاريخ فرسانها واديارها

شجرة متفرعه والفروع من الجذور=ورحلة تمشي ولاينقطع مشوارها

كل شاعريكتب الشعرمن واقع شعور=والجواهركل لحظه تزيداسعارها

اتكلم باسم ربعي طويلين الشبور=اقحطان اللي على العزشبت نارها

ياعيال العودوالظن فيكم مايبور=اكثرالشعارقامت تلدانظارها

واحمدالله لي لحقني من الايام جور=انتخيت اصغارهاوانتخيت اكبارها

ولولزومي من وراءالقدس ولادارفور=في دقايق والاعادي تدق ازوارها

وابن شتوي لي وقف لايلف ولايدور=وفي المطارالطايره جت وهوطيارها

والختام اهدي سلام معطربالعطور=عدماتنشي السحابه حقوق امطارها[/poem]

الشاعر حسين بن شتوي الحبابي

__________________

صح اللسانك

الله يوفقك ويجعل التوفيق حليفك
شاعر نظم وقلطه
ونتمنى يكون لك حضور جيد وتفاعل من الجمهور
ابو فيصل

لاهنت

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

علي بن مسفر الحبآبي.,.,


بيّض الله وجهك وجمّل الله فآلك.,.,


لاهنت يآبومسفر.,.,


وصح الله لسآن حسين الحبآبي والله يوفقه.,.,

تقبل مروري مع فآئق الود والتقدير.,.,

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

اررحب يابوعلي ولاهنت

__________________

بيض الله وجهك يا بو مسفر ..

صح الله لسان ابن شتوي ..

شاعر جزل وابن عم يستحق التصويت ..

اررحب يابومحمدولاهنت

__________________

الف الف شكر يابو فيصل

والاخ حسين شاعر كفو وبإذن الله ان التوفيق حليفه

ومشكووور للجهد الذي بذلته يابوفيصل وافي وافي

__________________

هلا وغلا يابن نملان ولاهنت

__________________

هلابك مليون ولاهنت

__________________

علي بن مسفرالحبابي


أرحب يا بو فيصل ..

بيض الله وجهك يا ذيبان ..

الصراحة موضوع رائع ومميز .. كيف لا وكاتبه ابوفيصل وعنوانه مشاركه ابن شتوي في شاعر العرب ..

مبدع ومتألق دائماً فيما تكتب .. ..



والشاعر حسين بن شتوي الحبابي شاعر جزل ومبدع في كل ما يطرقه من بحور الشعر ..

وأحد شعراء قحطان الشباب اللي نفخر بهم في الساحة الشعرية .. ..

كما يشتهر بصوته العذب والشجي .. خصوصاً في الشيلات والزوامل ..

مشاركته فب شاعر العرب من وجه نظري رائعه بكل ماتعنيه الكلمه تطرق للاعلام ومايدرور خلف كواليسه

ولاقت القصيده قبول جماهيري كبير واعلاميعكس ماكنا نتوقع بحيث كتبت

عنه الجرائد الكويتيه وعكاظ واليوم والصحف الاكترونيه والله يوفقه وحنا معه قلبا وقالبا

هو و باقي شعراء قبيلة قحطان ..

تقبل تحياتي