[poem=font="Courier New,5,black,bold,italic" bkcolor="black" bkimage="backgrounds/17.gif" border="double,thick,chocolate" type=4 line=1 align=center use=ex num="0,black"]
والله أني فوق نظرات الردي راعي الرديه=معتلي نظرات عينه معتلي عينه وراسه
بوي وصاني وانا سقت القدم حسب الوصيه=ماكتسيت ولاكتسى جسمي ثياب ألامقاسه
ماسريت الليل حافي مامشيت المهمهيه=ومن تقهوى دلتي فنجالها يجلاء عماسه
ماعتزيت بسيف تثنيه الهبايب في يديه=ولالبست ألا السلاح اللي يشرفني لباسه
والخوي اللي يدور للمصالح من خويه=يوم ياخذها ميانه يوم بدروب الخساسه
دامه أمقيط أعطيه أرشاه بخلاصً ونيه=ماحسبته من يكون ولانشدت من ساسه
الليالي علمتني بعد روحه بعد جيه =كيف أخلي الاش يقطع راسه بمفتوق فاسه
خير من خوته واسمه ياعرب خوة بنيه=تزرع بصدري مكان الجرح والضيق الوناسه
الجبين وجنته تشتب فيها نار حيه= تشتعل نورٍ قمرخمسة عشر منه أقتباس
كسرته لطرف تدخلني الحياة النرجسيه=وأن تبسم للي نسيت اللي لقيت من التعاسه
له سوالف كان سولف لي تسويبي سويه=عذب صوته طيب هرجه خمرةً والفم كاسه
وأن نثر مجدوله الخمري يسوي لي قضيه=الفطين الحر منها مايظهره أحتراسه
طول عنقه فوق عنق الوعل وقصر من المطيه=زينته خالي من عقود الذهب وعقود ماسه
وأن نظرت الصدر قلت العز وارفعه هنيه= رفعةالسلطان ويعزز مكانه قو باسه
والنهود الفارسين اللي تلاعبهم حميه=والعدو جموع والذل المميت ألانتكاسه
ظامر الخصر أن نظرته قلت بيدً جرهديه= تتعب أصيل الخيول وفارسه يفقد حماسه
تحت خصره ردف ماشاله سوى ذيك البنيه=والردوف أن رمست للخصر ياطيب الرماسه
ترتعد من مشيت الساق وتحرك مثل ميه=ترتعد مثل الغدير أن شرب منه الطير حاسه
أن مشى قلت أيتراقص مع لحون السامريه=وأن وقف علمني شلون الغنج فن ودراسه
أن تواضع قلت مافي الناس ياهناس زيه=وأن تغلا قمت أدور له ومرباعه وناسه
الصحيح أني نسيت من الخوي بعد الخويه=وبصراحه ناسيً حتى أسمه ومن فين ساسه
لين فاجاني خويٍ ثاني بفعل الرديه=مادرى أن الحل عندي مايبي جهد وفراسه
ليتردى لي خوي أخاوي أبداله بنيه= لين تزرع في مكان الجرح والضيق الوناسه [/poem]

صح لسانك وبيض الله وجهك ويشرفني ان اكون اول من يعلق على موضوعك

مبدع كالعاده ولا تأتي إلاّ بالفريد النادر

تقبل تحياتي

أخوك

لا هنت يا ابو محمد صح لسانك وبيض الله وجهك

تحياتي0000000اخوك

بصراحة ابدع الاخ ابو نملان وهذ لا يستغرب من الرجال اللي مثله وشرواه

__________________
[frame="1 80"]الطيب فرصه والجمــــــايل توافيق @@ ومن لا توفق ما كتب له جماله
ومن لا رقى للطيب روس الشواهيق @@ ما زان له وقته على ما بدى له[/frame]

صح لسانك

صح لسانك يا بو محمد ..

دائماً جزل فيما تكتب ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح لسانك يا الذرب ..انا جيتكم شاعر وافحمتوني تقبل مروري

خالد الجروي
أشكر لك مرورك والإشادة الطيبة ولك خالص التقدير

خادم والديه العبدي
الشكر لك مرورك وتحياتي لك

ابو بتار الزهيري
أشكر لك إطلاعك و مرورك وتحياتي لك ...............