[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
بـديـت بـأسـم مـنـزل الـحـق تنـزيـل=الـواحـد المـعـبـود مـنــزل كـتـابـه
مـن قدرتـه رد ابـرهـه ووقــف الفـيـل=عـن بيتـه اللـي سـتـر ربــي حجـابـه
اللـي لـه مـن الخلـق سـجـده وتهلـيـل=مــن يسـألـه مايحـرمـه مــن ثـوابـه
اللـي خلـق لـه مــن عـبـاده حلاحـيـل=نـصـارة التـوحـيـد سـتــره ثـيـابـه
اللـي عـطـا صـقـر الجـزيـره دوالـيـل=عبدالعـزيـز الـلـي سمـعـنـا جـوابــه
عـبـد العـزيـز مـعـدل المـيـل تعـديـل=قــز الطـريـق المستـقـيـم ومـشـابـه
عبـد العزيـز اللـي رفــع كــل تضلـيـل=اللـي رفــع سـيـف القـضـا واعتـزابـه
عبـد العـزيـز مـذلـل الصـعـب تذلـيـل=ســاس الـوفـا راس الـوفـا والمهـابـه
نـوراً طلـع فجـره وقـفـا عـلـى اللـيـل=وشـال الـظـلام الـنـور وانـفـك بـابـه
تشهـد لـه الصحـراء وتشهـد لـه الخيـل=ويشهـد علـيـه الـعـدل سـاعـة نـوابـه
ساعـة مشـى مـن يمـة الجـدي لسهـيـل=مـع صحصـح البـيـداء تـبـارى ركـابـه
قـفـا عليـهـن مــع حــزومٍ مصاقـيـل=الـهــم زاده والـمـشـاكـل شــرابــه
مـابـه مـمـاريـح ولابـــه مقـايـيـل=الـكـور يـصـرخ والـذخـيـرة زهـابــه
سـبـع لـيـالٍ والاصـايــل جهـاجـيـل=أقـبـل مغـامـر مــا حـسـب للمهـابـه
ان بركـوهـن بـركـن سـلــه شـعـيـل=وان ثــورٍ مـثـل القـطـا مــن غبـابـه
كنهـن عـلـى قـطـع الفيـافـي مغالـيـل=مــع تخـتـخٍ قــام ايتـقـادح سـرابـه
مـن فوقـهـن قــومٍ تـعـرف الدوالـيـل=أهـل الـوفـا والـعـدل وأهــل الصـلابـه
يتلـون أبــو تـركـي زعـيـم الرياجـيـل=منـهـم ســؤال وهــو مـنـه الاجـابـه
يشيـرهـم وإن جنـبـوا عــدل الـمـيـل=يسبـق علـى غلـطـه لسـانـه صـوابـه
رايــه يـحـل معـقـد الــراي تحـلـيـل=حــلال عـسـرات الامـــور الصـعـابـه
متـوكـل بـمـديـر الـخـلـق تـوكـيـل=طـلاب حـق ومـن طـلـب حــق جـابـه
شـرب المصايـب مثـل شــرب الفناجـيـل=يـقـول كــل انـسـان يلـقـى حسـابـه
حتـى دخـل فـي نجـد زيــن المداهـيـل=واعـتـز بــه نـجـد وتبـاشـر تـرابـه
حـول عـلـى عـجـلان بـيـن المحابـيـل=بشلفـاً حنـاهـا مـثـل قــوس الربـابـه
وتواجهـو فــي سـاعـه تـذهـل الحـيـل=مافـيـه ظـالـم غـيـر يلـقـى عـذابــه
وتباهلـت لــه سلطـنـه نـجـد تبهـيـل=وكــل القـبـايـل بـايـعـوا والـقـرابـه
وخذهـا بعـزم وحــزم جـهـد وبهـاذيـل=مـافـيـه درب الابـرجـلــه وطــابــه
ماجـت لـه بصـوت انتـخـاب ومعـاديـل=خـذهـا بسـيـف مــا تـراقـل نصـابـه
وارسـل عـلـى كــل القبـايـل مراسـيـل=كــل يـرجـع سلـتـه فـــي قـرابــه
من قبـل ابـو تركـي فـي حـرب وغرابيـل=مابيـن سلـب ونـهـب واخــذ وحـرابـه
مـراً صبـاح ومـر مــع هجـعـة اللـيـل=هــذا يـمـوت وذاك يـنـقـل صـوابــه
سفـك الدمـاء مـن بينهـم كـنـه السـيـل=شــيٍ طبيـعـي مـافـي هــذا غـرابـه
حتـى طلـع مـن بــدل الـوضـع تبـديـل=وشـال الخـراب وشـال ســاس الخـرابـه
ليـن ثبتـت شبـه الجزيـره عـلـى حـيـل=واهتـم فــي الـشـرع القـويـم وبـدابـه
مـعـاد بــه جـاهـل ولا بــه جهاهـيـل=ولا عـاد بـه بغـضـاء ولابــه عصـابـه
من عهد ابـو تركـي ليـا آخـر هـذا الجيـل=خــلاص مـابـه لابــه ضــد لابـــه
امـن وامــان وذكــر خـالـق وتهلـيـل=نمشـي مــع الاســلام ركـنـه وادابــه
هـذا وصـلـوا عـلـى وبــل الهمالـيـل=عـلـى رسـولـه عــد منـشـا سحـابـه [/poem]

__________________