أنا حصان وسط حصن وانت حصان وسط رمك

لاهنت يا متعب الهاجري

والله يجمعنا على العز

والله لا يباغض بينكم ان شاء الله

ولا هنت على الرد الطيب


وبيض الله وجهك

اسمحولى اخوانى ادلو بدلوى بهالقصة بالذات لانى اسمعها من شيبانا اللة يرحم من مات منهم ويطول فى عمر الباقين منهم -- وانا رجل من قحطان --- هذى القصة اسمعها وانا عمرى 10 سنوات وهى ان شيخ مطير الدويش جالس ومعة ابن حثلين قال الدويش انا اذبح المطيرى واقص راسة واروح ارقد عند مرتى ولا احد يكلمنى من مطير رد علية ابن حثلين وقالة اما انا واللة لو الطم واحدن من عيال عجيم على وجة وما ارقد الا وانا فى وجة واحدن منهم(( العجمان )) انت يالدويش حصان وصط رمك والا انا يا ابن حثلين حصان وصط حصن ونعم فى العجمان عيال مرزوق يستهاهلون المدح اما انها للشيخ محمد بن هادى فكبير العمامة لاهى بمزيدتة ولاهوب فى حاجتن لها --شيخ الشيوخ --- حاكم نجد وتاريخة يشهد بما هو اكبر من هالسالفة هذا ان اصبت فتوفيقن من اللة وان اخطات فمنى ومن الشيطان---- عبدالمحسن مبارك

اسمحلي اخوي عبدالمحسن اقولك انك خلطت بين سالفتين او اللي ذكرولك

السالفة خلطوا بين سالفة ابالتمر محمد بين فيصل الدويش مع الشيخ محمد بن هادي بن قرملة

وبين سالفه راكان مع فيصل الدويش التي تتعلق بندبة في وجه راكان ولاداعي للخوض فيها من قبلنا.

عبدالمحسن بن مبارك حياك الله

ومثل ماقال اخوي الضويري فيه امور وخلط حاصل

وسالفه ابن هادي والدويش اقرب للصحه وهي الي استفسرت عنها بموضوعي


واشكر كل الاخوه الضويري وابا الذموم وكل من هو مهتم بموروث وتاريخ قبيلة قحطان المجيده

القمصه معروفه من اولهاوالمشاده الكلاميه بين الشيخ محمد بن هادى وبين شيوخ القبايل الذينا بينه وبينهم نزاع الذي توضحه القصه القصيده ونا سمعت من احد كبار السن انه قال لبن هادي لو تضرب واحد من قحطان اصبحت في وجه جوير والجيره لاتوجد الا عند قبايل قحطان هذا والله اعلم وستغفر الله العظيم

لا هنت يا متعب



تحياااااتي

ابن مداوي لاهنت وتسلم على مرورك الجميل واظافتك للموضوع

السلام عليكم ورحمة الله وبركاته

بيض الله وجيهكم جميع وما قصرتوا في هذا الموضوع

لاكن انا اختلف معكم في هذا الموضوع بذات

القائل انا حصان وسط حصن هو راكان بن حثلين رحمه الله

فانا اعرفها من الصغر ومتاكد منها

ه

__________________

خالد ال سعد لاهنت على مرورك


المظفري ارحب ياوجه بني هاجر لك وجه نظر فيما قلت وحياك الله

أخوي محسن العجمي وجه محلف أرحب مليون وانا راح ابين السالفة وهي أقرب للصواب وقد سمعتها من كبير سن ويعتبر مؤرخ ومرجع تاريخي لعلوم قحطان والجحادر خاصة وتوفي وعمرة فوق 120 سنة *****
وهذا الكلام أوجهه لمنتدى قحطان وكل أخواني صبيان قحطان وعلى رأسهم ابا الذموم والضويري وأخواني الباقين
من غير قصور في جميع الاعضاء فكل المنتدى وأعضاءه على راسي ولهم التقدير والاحترام***


الاخ محسن العجمي الشيخ راكان بن حثلين غني عن التعريف ولكن السالفة هذي لا بن قرمله محمد ولد هادي
وكل القبائل تنسبها لابن هادي ما عدا العربان القريبة الى العجمان من نواحي ديار العجمان كزعب وال مرة وسبيع اهل رماح لا نهم سمعوها من العجمان عن قرب والا هي طال عمرك لا بن قرملة


والسالفة كالاتي*****
أن الدويش شيخ مطير أتى ابن هادي في وسط نجد يريد منه المساعدة في حرب على قبيلة من قبائل نجد فقال
ابن قرمله ابشر يالدويش ولكن يجب أن اخذ راي شيوخ الجحادر فقال الدويش الله يعيني أصبر **
فقام محمد بن هادي الله يجعل عظامه الجنة واستدعى شيوخ الجحادر والدويش معهم يسمع ما يجري في الاجتماع
الحاصل **فقال بن هادي السالفة على شيوخ الجحادر وقال نفداكم يا أخواني ان توافقون ان نساعد الدويش
فألتف الدويش على ابن هادي وقال يا محمد ان تفدا ربعك وترجاهم فقال بن هادي نعم . اتفداهم واحبهم ايضا
فهذولا ربعي واخواني وعزوتي يالدويش **

فقال الدويش أماأنا يا بن هادي ماني مثلك أنا أذبح المطيري وأمن وارقد في فراش المراءة ولا احد يستجري
يقولي شي فرد عليه ابن هادي وقال انت يالدويش حصان وسط رمك ******** والا انا حصان وسط حصن
والله لو اضرب راعي من رعيان قحطان ما امسي ذاك اليوم الا انا في وجه رجال من قحطان من الراعي


فهذا الكلام يا اخ محسن أكيد وموثق عن الشيبان والجيرة عند قحطان لذا اليوم

__________________