السلام عليكم ورحمة الله

هذه أولى قصائدي وقد كتبتها في أحد زملاء الدراسة أقول :

الله من هاجسن بالصدر مكنون
عجزت عن كنه ولا ودي أبديه
بنات فكري لاسرا الليل يسرون
ويهدفون لي الثمر من مجانيه
الليل ياشعري ولو كنت مسجون
غصبن عليك تجيب ماكنت مخفيه
كتابة أبيات وجر مواويل ولحون
ماحققت ياشعر ماكنت ترجيه
وياشعري لو كنت للناس مديون
أن ما قضيت ا لدين مامن مشاريه
لكن ابن مفلح يطالبك مليون
حق عليك ترد دينه وتقضيه
لو قلت مليون بيت ما يكفون
في مدحه تضيع الأبيات وتتيه

كم صار لك تكتب فلاح

بدايه جيده ولاكن اتوقع هناك خلل في بعض الابيات من حيث الوزن

ولاكن خلل بسيط يمكن تعديلها

على سبيل المثال هذا الشطر

ويهدفون لي الثمر من مجانيه

انشاء الله نشوفك من كبار الشعار قريبآ

طبعآ وجهة نظر

الف شكر

صح لسانك يا فلاح

وانا مع اخوي فارس في ملاحظة على البيت والله يوفقك وبدايه قويه وجيدهـ

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

مرحبا أخوي فارس وشرفني مرورك

بالنسبة للقصيدة فهي أول محاولة لي
وإن شاء أتلافى الكسور في الوزن في القصائد القادمة

وملاحظة في محلها

هلا أخوي سعيد

والقصيدة مع اللحن قد لاتظهر فيها الكسور

والشطر المذكور /
يكون بالنطق : إليا الثمر


مشكوور مرة أخرى وترقب المزيد إن شاء الله

صح لسانك وبداية جيدة

صح بدنك ومشكور على المرور