&& الفـــــرس الدهمــــــــاء &&

هذي مالدي عن سلالة هذا الفرس حسب طلب أخوي ( عاشق الوطن ):

أصل الدهماء من أبي شهوان فما بعد معروفة عندنا – نحن قحطان – أنها إلى عبيدة وشهوان من عبيدة وهي وشهوان من عبيدة وهي محفوظة من شهوان إلى الآن ، ومن شهوان إلى عصرنا سبعة عشر جد ، ولما صارت لكنهر من العجمان انقطع الرسن منا – نحن قحطان – ومن كنهر فاض رسن على حشر بن وريك من قحطان ثم انقطع ، ومن كنهر فاض على عبدالله الخليفة راعي ابحرين ، وتباركت عند آل خليفة إلى الآن . وانقطع الرسن من كنهر ، ومنا قحطان .
ولهذا فليس من المستغرب أن تكون هذه القبيلة ذات عناية خاصة بالخيل كما يتضح من أشعار شهوان وعرار وغيرهما.
وهذه قصيدة من شعر شهوان في فرسه :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
غزينا غزوٍ قـدر ستيـن فـارس = وشفنا شويـفٍ فـي ذوابـة ريـع
وقالوا ياشهـوان قـم ارقـب لنـا = ومثلـك راعـي الطيبـات يطيـع
يوم اشرف المرقاب راسي وروسها = للجمـوع تزبـر وللطيـاس لميـع
فقالـوا ياشهـوان ردهـا سـالـم = علـى العمـر والا فالجـواد قليـع
فقلت إنها الدهما جواد ابـن عامـر = وزودها على جري المهار جزيـع
غدت بي وبابني وابن عمي ودرعنا = والخامس من بين الضلوع جضيـع
ضراب يامٍ لحقـت الركـب كلهـم = واتلاهـم اللـي بالسليـل منـيـع
وصبحتهم والعلم ماوصـل حيهـم = واخذنا قضا الخرمة وفـاه سريـع
وغيرها ترى الدنيا علينا رخيصـه = ورباعـنـا للمحلـيـن ربـيــع
عليها نقلنا غيـظ الاشـراف كلهـم = ولو زعلوا سكان الحجـاز جميـع
ولا بالهدايا هولـس القلـب مـره = ولا بالسحـوت المغنيـات نبـيـع
عليها ندور الحمد فـي كـل هيّـه = وانـا للجهامـه بالصبـاح وديـع
كما النجم لا انقضت على وجه غاره = تـرد مغيـره والكميـن جمـيـع
ويرجوننا التالين واللـي مطـرف = ومن طـاح بالساقـه عليـه نريـع
حفيظة عن الادناس من خيل العرب = وعند العـرب بيتهـا ثنـاه رفيـع[/poem]

يقول الأمير/ عرار بن شهوان الضيغمي في وصف ركض ((الدهم الشهوانيات)) دهم شهوان ودهم أم عامرخيل الضياغم ويقول في حصانه مشهور:


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كنه إذا ما صف ذيله وراسه =غنوج تراضي ليا لعب البنات
أمه الطفوح كما البارق يلوح =وأبوه الأدهـم مـع الأولات
لولا عنانه وقبضـة بناتـي =غدابي حصاني مع الطايرات[/poem]

أخوكــــــــــــم / أبوطـــــــــــارق

__________________

لاهنت واحسنت على هذا الموضوع القيم عن مرابط الخيل عند عبيده

وبا الاخص الدهم الشهوانيات خيل الضياغم وهي من اشهر سلالات الخيل العربيه الاصيله


وفوق يا راعي العلوم الغانمه

السلام عليكم ورحمة الله وبركاته

لاهنت بابو طارق على هذا الموضوع
عن الفرس الدهماء

ولكن عندي سؤال عما ذكرته
بقولك

هل تقصد في عصرنا هذا ام العصر الذي كتب فيه الكتاب

__________________

الخيل الدهم الأصايل معروفه لشهوان والضياغم من خيول عبيدة جنب وهذا شي معروف
ولاهنت على المعلومات والقصيده الطيبه

بسم الله الرحمن الرحيم

السلام عليكم ورحمة الله وبركاته

الله لا يهينك ويعطيك العافية

تحياتي

__________________

بسم الله الرحمن الرحيم
السلام عليكم ورحمة الله وبركاته



لا هنت


وبيض الله وجه عااااااااشق على الدعوه

__________________

تــــــحـــــيـــــاتـــــي لــــلـــــشـــــعـــــب الـــــســـــعـــــودي

بسم الله الرحمن الرحيم


السلام عليكم ورحمة الله وبركاته

لاهنت على الموضوع

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

السلام عليكم
لا هنت على
الموضوع الجميل

__________________