[frame="9 80"]



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله المهداني
إقبلو يابني عمي جزيل السلام = من هواجيس قلبٍ زادت شطونها
إبن عايض عليه ملاحظات وكلام=والعرب ما درت عن سر مضمونها
عبدالله بن عايض الفهري
يا هلا مرحبا بك عد وبل الغمام = والجميله من اجلك فلت قرونها
ابن عايض حضوره زاح ستر الضلام = وان حضر يجمع الجمره وغليونها
عبدالله المهداني
البقا يا المرحب وانت درع وحزام=والمواقف لها ناسٍ يعرفونها
خابرك يا عبيد ما تزل النظام = وش حصل في هوى ليلى ومجنونها
عبدالله بن عايض الفهري
انت وسط الرياض (ا)وشفت كيف الزحام = خل دار الدواسر لا تطرونها
اترك الثلج عنّك لا يجيك الزكام = وصيدتك رميتك لا تنقصر دونها
عبدالله المهداني
خلت برقٍ جنوب وهل وبله بشام = عزتي للبلاد اللي تخلونها
والله انها أمور يشيب منها الغلام= مشكلة والعرب عيوا يحلونها
عبدالله بن عايض الفهري
ابشر بفزعت(ن) تقطع خيوط الملام = والنفوس الشقيّه نفقع (ا)عيونها
لجعل المشكله تركع وفا واحترام = عند رجلك وخلق الله يشوفونها
عبدالله المهداني
انت وافي ولكنه علي الحرام = صار غير العلوم وخرب قانونها
كيف كانت تمام وكيف صارت حلام= والمصيبه كبار القوم يقرونها
عبدالله بن عايض الفهري
المرض لا دخل بالروس قص العظام= والنفوس الثقيله ويش طاعونها
مالها كود كيه لين ترجع تمام=والمزامير ترجع تعزف لحونها
عبدالله المهداني
انت تعرف ونعرف كل ماهو يقام=في زمانٍ رجاله كبرت متونها
ما يفيد النفاق ولا يفيد الواءام=ولا تفيد العلوم اللي يسوونها
عبدالله بن عايض الفهري
نزرع الطيب والمعروف يابن الكرام=والعلوم الرديه نقلع سنونها
والصعب نعسفه ثم نلجمه باللجام=والدعافيس للي تفتح بطونها
عبدالله المهداني
يبن رده بلشنا في سهير ونيام=ما عرفنا سريرتها ومكنونها
لا طرحنا حلال ولا جمعنا حرام= وان بغيت الحقيقه صدق يا هونها
عبدالله بن عايض الفهري
الموارد كثيره والمطايا حيام =مير صون الوداعه يا ولد صونها
ساكنين الفنادق حولوا للخيام= والمشاهيب به ناسٍ يطفونها
عبدالله المهداني
من دخل حلة الجذمان جاه الجذام=والمهابيل بذت من يلاحونها
الطبايع لو انها عقب تسعين عام=ثابته والعرب ما ترتجي عونها
عبدالله بن عايض الفهري
بين حل المشيب وبين حل الفطام = رحلة العمر يا رجّال وش لونها
روّح العمر ما بين الرضى والخصام = والليالي تقطع سلك طبلونها
عبدالله المهداني
من يزل الدروب نعدله بالحسام=لين ينسى من السلعه وعربونها
ذي حياتك ما بين الفعل والانتقام=لاتبيح السدود اللي يبيحونها
عبدالله بن عايض الفهري
فيه مسواك راك وفيه مطرق بشام=مير عينه كريمة طافـيٍ نونهـا
الثنا للـذي لا قـام قـد المقـام=يبذل الروح لجل يفـك مرهونهـا
عبدالله المهداني
كل شيٍ يزول الا ولي الانام=والعيون الحزينه ذبلت جفونها
الكفو من زمانه والله ان ما يظام=يوم غيره تلفلف به دركسونها
عبدالله بن عايض الفهري
في زمان العجايب جا الرجال انفصام=والكبود الجريحة تنـزف طعونهـا
الجمل ما تساوى غاربـه واسنـام=والمشاكل تغربـل مـن يناحونهـا
عبدالله المهداني

في الحديد المصدي ما يفيد اللحام=فالسيوف الصقيله لا تسلونها
دام طاحوا فمن قد طاح ما عاد قام=الفريضه لابد انكم تصلونها
عبدالله بن عايض الفهري
الرجل راح عمره بيـن بيـت ودوام=والسلوم انتهـوا نـاسٍ يحفظونهـا
صار مطلق يسمى قيس مدري عصام=قلدوا لبسة اللـي تمشـط ردونهـا
عبدالله المهداني
عن كثير العلوم أفضل إلك الصيام=العوايد حذاري لا تكبونها
صار في وقتنا من صار مثل النعام=والله ان روحت ما أضن يردونها
عبدالله بن عايض الفهري
طال غصنك ولكن بشره بالصرام=سوق جزيتك مع ناسٍ يسوقونها
واستلم بعد ما تدفع سند الاستلام=وإخذ لك جايزه في وسط كرتونها
عبدالله المهداني
شد حيلك وثابر والهمام الهمام=والعزاوي لها من يخلف ضنونها
لا ذبحك الهيام ولا طعنك الغرام=وش تسوي ليامن رحتوا بدونها
عبدالله بن عايض الفهري

بعد ما طاح عن وجه النوايا اللثـام=والسلوك انكشف عنها شطرطونهـا
طحت من راس برج ودوخك الارتطام=مير طعني ونفسـك خفـف ديونهـا
عبدالله المهداني
النوايا سليمة خام بنزين سام=مخطرٍ عالعرب من ضيم قيلونها
صار طبعك يابو نواف مثل الشوام=تنزل ديار والعربان يرقونها
عبدالله بن عايض الفهري
ارق راس الطويل ولاح ورق الحمام = لك لحون(ن) وخلـق الله يحبونهـا
انت قلبك يجي له 500 مية جـرام =وش بلاكم قلوب الخلق تشوونهـا
عبدالله المهداني
إختلاف الهقاوي وإبتعاد المـرام = يفهق علوم واجد مـا تدلونهـا
ثورة في خباها يلله حسن الختام = انزح ستارهـا حـذرا تعلونهـا

[/poem]


[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة