[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
عـبـدالله بــن عـايـض الـفـهـري
يا سلامي والقوافي بين جـزر وبيـن مـد = جزرهـا ينـزاح عنهـا ويتطـاول مدهـا
هاك يا مشخص علومي وانتظر نفـداك رد = السوالـف جرهديـه مـد كفـك مـدهـا
مــشــخـــص الــفــهـــري
مرحبا يلي تسلـم فـي محـل العـز عـد = عـد دورات الدقايـق والثوانـي عـدهـا

العلوم الي تجينا بيـن مـزح وبيـن جـد =هات بيض علومك الليلـه وتاخـذ ردهـا
عـبـدالله بــن عـايـض الـفـهـري
الحكايه سلط الله واحـد(ن) ملعـون جـد= سلطه ربـي وقـام النـاس يلعـن جدهـا
ما لظلمه يا السنافي فـي عبـاد الله حـد= والمصيبه ما عرفنـا مزحهـا مـن جدهـا
مــشــخـــص الــفــهـــري
ابك هذي سوسة ٍ قامت تحد النـاس حـد = واكثر اصحابك يخاويهـا ويكسـب ودهـا

ويش حيلة مشخص الفهري ولو للسيف حد = العرب مثلي ومثلك يابـن عايـض ودهـا
عـبـدالله بــن عـايـض الـفـهـري
ودنا تجعل ما بين الفرقتيـن اليـوم سـد = سكـر البيبـان دونـه والنوافـذ سـدهـا
والله انه ما بقى يا صاحبـي للنـاس سـد = الاوادم بـاح مـن كثـر المشاكـل سدهـا
مــشــخـــص الــفــهـــري
ويش اسوي يوم بعض الناس كلمته وصـد = لامتى والنـاس تسمعنـي ويكثـر صدهـا

معظم الحراس جاته كورة الشايـت وصـد = والدعيع فاتتـه عشـره ووحـده صدهـا
عـبـدالله بــن عـايـض الـفـهـري
يـوم بديـت الجزيلـه بدهـا ياهـوه بـد = كلمة(ن) ترفع مقامك يا الشقـردي بدهـا
لا يجي بيني وبينك حرب بد(ن) ضـد بـد = والعوارف تنكر الغلطـه ولـو مـن بدهـا[/poem]

__________________