ارحب ولاهنت

انا مدري ردي هذا هل هو متاخر او في وقته ..

بس نفداك تراك ظلمتنا ان كانك اختصرت شيء ممكن تطرحه ,,,


انا يا محاكيك لي فتره طويلة عن الشبكه .. ويعلم الله اني مقصر في دخول الشبكه مير مشاغل الله لا تشغلنا الا في طاعته

اكون صريح معك ان هذا اهم موضوع قريته وماضنين بقرا اهم منه ,,,

جالس اقرا الاعلام واقول ماشاء الله علينا ماخلينا ديره الإ ورجال منا حكم فيها

اصبهان ومصر .. إلخ

مير طال عمرك ضيق صدري هالرد .. وكلي عتب على المتواجدين

الموضوع وثاقي وجميل .. ومدري اذا كان نزل في كتاب .. لإني احب الكتب اللي تتكلم عن كذا ,,

اذا فيه كتاب الله لا يهينك هات اسمه ووين احصله ( لطفا لا امرا )


الموضوع كبير وعميق ووثائقي .. مدري اذا احد سبقك لهالموضوع .. الوكاد انه بالمفضله فوراً ...

أحاديث تتكلم عن بر الوالدين & وعن فضل الاسره واحاديث تمس حياة المسلمين لتحقيق مراد الله بالحياه

حاجة تدعو فعلاً للفخر انها كانت من اجدادنا .. هذا هو الفخر الحقيقي من منظوري القاصر ,,

بيض الله ولا هنت .. وتراني بكثر الدخلات هنا .. ارجوا ما اضيق عليك باسئلتي قاد الايام ,,,


ولاهنت ...