" ما همني ردك "

أعيش بين العرب ما ينقصر مدي


ولاانت ويش انت ولا ويش هو مدك


أحيان ودي وبعض أحيان ما ودي


أكشف خفاياك وادري ما هو بودك


أعطيتك الحب ما فكرت في صدي


واعطيتني درس في هجرانك وصدك


جيتك من أقصاي واقصى جد من جدي


وبالرغم من ذا ترى ماقلت وش جدك


تخطي واسامحك وانسى منك وتعدي


يستاهل اللي يحسب حساب ويعدك


الله من ليلتن دمعي على خدي


ويا قل دمع العيون اللي على خدك


سود الليالي ترى ما بيحت سدي



سرعان يا صاحبي ما ينكشف سدك


من قبل عامين وانته واقفن ضدي


إرتاح واليوم انا اللي واقفن ضدك


أقبلت واقفيت وانا ماسكن حدي


واشوفك بها السنه متعدين حدك


قلبي على شوفتك ما هوب منشدي



خلك مع اللي خذاك بعقلك وشدك


إبعد وانا ابعد واقول أحسن لك تهدي


وتطيح في إيدين من يتعبك ويهدك


هذا جوابي ولو ما زان لك ردي


لو تعتذر لي سنه " ما همني ردك "

اررررحب يامحمد وبيض الله وجهك على الكلام الجميل قصيده وافيه وانت وافي

الى الامام وانا خووووك
تقبل مروري

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

السلام عليكم
اشكرك على النقل المميز

يعطيك العافية
تقبل مروري

لاهنت على الطرح المتميز

ارحب يابن مشتح

شاعر يصعد الى السحاب تعجبني قصايدك وآلاحظ عليها انها لاتاتي من فراغ بل من وجدان شاعر سريع البديهه وسريع التآثر والتاثير

تقبل مروري المتواضع وكل عام وانت بخير

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

محمد ال مشتح مثل الصقر منهدي....الشعر لازم فيك ماظن بيهدك

قصيده متميزه مثل قايلها
تحياتي
راس قرناس

صح لسانك والشاعر وفالك الطيب ونترقب الجديد

اررررحب يامحمد وبيض الله وجهك على الكلام الجميل قصيده وافيه وانت وافي


تقبل مروري

__________________

بيض الله وجهك و سلمت على الطرح الرآئع