نصيحة للمجتمع فيها العجب = مضمونها حول القضايا المعضلة

[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نصيحة للمجتمع فيها العجب = مضمونها حول القضايا المعضله


ترى المشاكل في عواقبها نشب = حاول تجنب عن وقوع المشكله


ولايجيـلـك في جوانبهــا سـبب = كم واحدِ طيشــه يسبب مقتلــه


البطر حمل الزود مامنه ذرب = يرجع ذليل الراس من يستعمله


والنار تـوقدهــا مجاهير الحطـب = بـيـّـت حسابك قبل نار مشعله


تراك ماتــدري بالايــام الغيـــب = حيــل تلاقح في الليــال المقبلـه


ولاتحزم الراي في وقت الغضب = عند الزعل كم ضاع رأي من هله


اخذ المشــورة من حكيم ينتـدب = لما ألتبس راي الخصوم يحللــه


ولا تقول فـــلان في علمه كــذب = ولاتصــدق بــه ولاتســتعجلــه


كم فيه من الانباء كثير مكتسب = من مصدر غير الصحيح مسلسله


ولا تواطن في مواطين الجرب = فإن الجرب عدوى سريع المرحله


وابعد عن المشبوه صوبك لاقترب = خلك بعيد عن صداه ومنهله


واخـذ الدلايـل من تماثيل العــرب = تجـارب تنبيك عما تجهلـه


ولا تعلل في الحيـــاة من النصب = فإن الحيــاة بشكلها متعلله


احدٍ نجح بدروسها و احدٍ رسب = والرابح اللي طاب حظه وعمله



وزلـة رفيقـك عدهـا مثل المطب = في الاولـــة والثانيــة تحمـلـه


والى انثنى لرضاك تم له الطلب = يكفيـك تقديم اعتــذاره فاقبله


وان هازك العايل ترى حقه وجب = صكه على راسه قبل ماتسأله


ولاتلاحـق واحـدٍ منك هـرب = يكفيـــك خوفـه راح وانت مـذللـــه


ولا تلوم النفس وتزبد العتب = لما حصل بعض الامور المثـقلـه


واحرص على اللي لابدا شانك حضب = مثل الجمل يبرك وحمله ينقله


واختر من المجنى شواميخ النسب = تاتيك في عوج العلوم معدله


خطلان الايدي في مضاربها العطب = سوء على راس الخصيم مهلله


واترك قراقيـر الضرايب والنجب = ياخذ خلفها من سلفها المهزلـه


مثل الحدايــا فخرهـا طول الذنب = من طبعهـا ماتملك إلا البلبلـــه


واعلم تــــرى للــه شـأن لاوهــب = أوامــره تأتــي بعلمه مرسلـه


المانع المعطي له الامر استتب = له شئون في خلقه وما شاء يفعله


الرافــــع الخافض إليــه المنقلـــب = لاحـب عبــده بالمكارم جــللـــه


وختامهـــا صلوا على سيد العرب = شفيع الامة في نهار الزلزلـــــه[/poem]

من اشعار: الشيخ علي بن وازع بن علي بن شديد ال مخثله

.

وان هازك العايل ترى حقه وجب = صكه على راسه قبل ماتسأله


ارحب يابن شديد

والله لايهينك على النقل

وصح لسان الشيخ علي بن وازع آل مخثله

قصيده فيها من الحكم الشئ الكثير

تقبل ودي وتقديري

__________________

البقا يابو عساف

وصح بدنك

اسعدني مرورك المشرف لاعدمتك


لك مني خالص الود والاحترام

صح الله لسان القايل والناقل


لاهنت يا ابن شديد على النقل والابداع في الاختيار


تحياتي

أنعم وأكرم فيك وفي الشيخ علي صح الله لسانه

وبيض الله وجيهكم جميع ,,,

__________________

لاهـنت ووبيض الله وجهك
علـىـا هآآذي القصيده

مــع تحــيآآتي

ودمـــت بــــــــــآلــووود

بيض الله وجهك يا بن شديد
انا من محبي قصائد الحكمة

مشكور

صح بدنك ياابراهيم

ومن قال مايهون

اشكرك على مرورك وردك المميز

لاعدمتك

بيض الله وجهك على النقل

__________________

الله يمتع الشيخ علي بن وازع بالعافيه والستر والخاتمه الطيَبه

عود مجالسه وممالحه ماتمل

وياليت ياخوي ناشر تجيب بعض ماعنده

قصيده مجرب وراس عرب والله ونعم ياخيالة الظبطاء خوان حمساء

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم