في بيت شيخ الشمل جلاي الكدر..ناصر بن حمود وربعه وأهجره

قصيده لراية الشعر علي بن حمري بمناسبه زياره الامير جلوي بن عبدالعزيز بن مساعد نائب امير الشرقيه للشيخ قبيله بني هاجر ناصر بن حمود بن شافي رحمه الله قبل وفاته

[poem=font="arial,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
يامكون الأكوان ياعدل النظر=يالله طلبناك العفو والمغفره
هون علينا وقفت يوم الحشر=يوم يشيب به الغرير بمنظره
اللي خذا بشماله كتابه عثر=واللي خذا بيمينه فخير يره
تعيني على الكلام المعتبر=في ماقف غلطته غير مبرره
النادره ندفع لها غالى المهر=واكيالنا في بر والاّّ في ذره
أحب قنص الريم والظبي العفر=الأخذ مما لاق والقطف إزهره
ولا انزل إلا في مراتعه القفر=ولااشتحن لعمى القصيد ولعوره
نيابة عن نسل شافي بن سفر=يامرحبا مـ الراجحه لين انقره
ترحيبة تكتب وتنحت في صخر=امنسقه ومهذبه ومعطره
بك ياجلوي ترحيبتن تجهر جهر=تطرب لها أهل الدار بدوه وحضره
في مثل هذي نعذر إلي ينعذر=العذر منا كنه ثوب يستره
أما أنت مالك عذر ولاهي بأمر=نبغي الفخر ومجيك أكبر مفخره
عند الرجال إلي لهم علم وخبر=هواجر سيف الإمام وخنجره
في بيت شيخ الشمل جلاي الكدر=ناصر بن حمود وربعه وأهجره
في طاعة الحكام والدين الأغر =من دون ربعه قاطع كل اشعره
في دبرة الله لو يمشيها الوعر=متقدم وجهه وربعه في ظهره
وليا زهم قحطان فالموت الحمر=عن الحصان إلي يوسـّى مطمره
إن قدموني خادمنهم في الشعر=وعليهم الأفعال في كل اصوره
والفعل خير من الكلام وله ثمر=لو إن مال الميمنه إلا الميسره
أنا أشوفه دم من تحت الظفر=وغير يشوفه شي ثاني واشكره
لأن حسن الظن من أغلى التجر=ولان سوء الظن فقر ومفقره
وأنا لاجيت أقول فكيت الصرر=إللي عن انصاف الرجال مصرره
لمثلك وشرواك ياحر شهر=حر مواكيره حرار موكره
ماضاع مدحي فيك لو ضاع القمر=بين النجوم منوره ومدوره
ياجعل قلب مايحبك مـ البشر=عود وسط عينه وعود بنحره
على مرواك الله يعطينا المطر=لو إن قيعان الصدور مخضره
شاركتنا في فقدنا راس الشهر=واليوم شاركنا الغلا والمقدره
اشرب من الفنجال واقدع من التمر=واقلط على مذبوحه ومنحره
ياعود يالي مايفوحك الجمر=عز الله إن مكاسرك من مكسره
تواضع الحاكم لنا درس وعبر=كبير لكن التواضع كبره
واللي براسه فكر وعيونه بصر=يدري بفعل ابائنا ما ينكره
قد قال عنا معزي خزنة الظفر=الظافر اللي مايشكك بظفره
وحب محبة اجداد وابوك لنا قصر=الله يرحم من بناه وعمره
قل للمليك اللي على شعبه ابر=ابر من رجل على صلب اظهره
مليكنا يامال طولات العمر=للدين واهله جعل ربي يذخره
وولى عهده جعل عدوانه سقر=الي تـِقر عيون شعبه بنظره
وإن هبت الأنسام رفرف ياخضر=في راس رجم قو صوحه وحجره
الله خلق في روسنا طيب وصطر=ونشوش مـ الصياح لو انها مره
ولا نخون ولو مراقدنا جمر=نوفي العهد والكايدات ميسره
قولوا معي آمين وخذوها اجر=يالله ياقهار محد يقهره
سلط على اسرائيل طير من حجر=وجعل لهم في قلب غزه مقبره
إلي نصره الله ماتخذله البشر=والي خذله الله ماحي ينصره
ماهو بحكي حفاه وعراه ونور=لابد يجلى ظلمت الليل اسفره
والأدامي لوعاش حين من الدهر=لامقدِّمه ساعته ولا موخـِـّره[/poem]

__________________

صح الله لسانك

ولسان الشاعر الكبير


راية الشعر



على بن حمري



اشكرك على الاختيار الطيب


لاهنت ياسعود وتقبل التحيه

صح الله لسانك

ولسان الشاعر الكبير


راية الشعر



على بن حمري

__________________

أجمل شي في ألانسان قلب صافي يدعو لك

صح لسان ابو فواز
والهواجر يستاهلون ويفعلون الطيب
شكرا لك ياسعود

__________________