عبدالله الفهري + خالد الحصين / سعيد ابو ديه + خولان بن عامر (( بدووون ردود ))

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله بن عايض الفهري :
الليله الملعبه حلوه وممتازه =كل(ن) خطب ودها ويدور إلـ / عازه

واللي على قاز يطفي لا قضى قازه=واليوم موعد وبكره موعد(ن) ثاني
////////////
يا خالد الخطه هجوم(ن) في هجوم(ن) في هجوم = خولان معه سعيد في الميدان . والساري سرا

خالد الحصين :
الملعبه جادل .. وسرجوفها ضامر = ولا ضمّها الا خفوق العاشق السامر
وسعيد ابو ديه .. وخولان بن عامر = كل من الشوق قام يسابق الثاني
////////////
ابشر بها .. لو الخطط ماهيب في ليل .. ويوم = تحتاج نار مالها دخان .. والساري سرى!
سعيد ابو ديه :
البنت مالدت الا يم عاشقها=وتصد منكم حيا لا لاح براقاه
واحلام ليلك نصيحه لا تصدقها=واليوم موعد وبكره موعد ثاني


////////////
اصحابنا يمكن يابن عامر يسدون اللزوم= وين انت رد الصوت ياخولان ... والساري سرا
خولان بن عامر :
ياكثر الاوصاف وعيونٍ توايقها =سبحان ربن خلق خالد وخالقها
ذليل ذليل يابو نجد فارقها=ماهو بيمديك تذكرني وتنساني
////////////
ياوالله اللي مابقى ذليل به حبة خشوم=مادام فيه محاورة واعلان.. والساري سرى
عبدالله بن عايض الفهري :
الصين سكانها يا سعيد تتشابه = واللي دخلها تقول انه دخل غابه
ويا عزتي للذي ما حسّب (ا)حسابه = واليوم موعد وبكره موعد(ن) ثاني
////////////
لا جا اللزوم انته تريّح يا السنافي ومخدوم = الزند يقدح لا ضرب صوان . والساري سرا
خالد الحصين :
انا اعرف انك كريم .. وللعرب منصى = وان عودّت للفتن .. تقصي ولا تقصى
واثرك تدوّر الاجر فالمسجد الاقصى = اخفيت وجهك .. وجيت بوجهك الثاني

////////////
حاول تمرجل .. غير لا تنسى العوايد والسلوم = المرجله .. ماهيب صح السان .. والساري سرى!
سعيد ابوديه :
اركد تركد يابن عايض على هونك=ون كان طال المدا لا تشطح اضنونك
انا ادري انك جبل لا شك ياهونك= واليوم موعد وبكره موعد ثاني

////////////
انا لها لما احتما الميقاف وحصاني عزوم=افطن لها يالفاضي المليان والساري سرا
خولان بن عامر :
تدري لشك الخواطر سرها غامض=واللي ماناش العنب قال العنب حامض
حاول تشاور ابونواف ابن عايض= العلم الاول سمعته واسمع الثاني

////////////

مانبتلش في حكمة العاقل وتفسير الحلوم=واللي يكون يكون مهما كان ..والساري سرا
عبدالله بن عايض الفهري :
لا تحذف الناس وبيوتك زجاجيّه = فتجيك يا صاحبي مني حجاجيّه
وتروح روحه ولاكن ما لها جيّه = واليوم موعد وبكره موعد(ن) ثاني
////////////

يا صاحبي وش منزلة نجم الجدي بين النجوم = كذا كذا يا الجايع العطشان . والساري سرا

خالد الحصين :

ابيض وجه يا سفير النيه الزينه = العلم واضح .. لكن ضاعت براهينه
الرجل لا راغ من ربعه .. طفت عينه = هذا كلام .. يعرفه كل قحطاني
////////////
سجيّت رجلك في صحاري نجد ثم جبت العلوم = لكن حسب ما أوحيت .. ماشن زان .. والساري سرى !
سعيد ابو ديه :
ياحكمة العقل وين الشعر والمعنا=متى متى نفترق ولا تجمعنا
ون رادها الله قبل ناصل توادعا= واليوم موعد وبكره موعد ثاني
////////////

اما كذا ولا كذا والناس معطا ومحروم=والله عطان نعمة النسيان والساري سرا
خولان بن عامر:
الغرب والصين ووروبا وسايحها=قامت تسوس سوايا في مسارحها
وانته عيونك تغمظها وتفتحها= ليتك تجامل يابو فيصل على شاني
////////////

ياصحابنا ياحبابنا عسى القيامة ماتقوم = الا على اللي يتبع الشيطان.. والساري سرا
عبدالله بن عايض الفهري :
امّا اجتماع(ن) على عز وعلى طاعه = ولاّ فيا صاحبي كل(ن) طوا شراعه
ويا الله عسى يخطي الرجّال ما راعه = واليوم موعد وبكره موعد(ن) ثاني

////////////
بيت(ن) رواقه مايذري من لواهيب السموم = يا الله عسى تهتز به لركان . والساري سرا
خالد الحصين :

مرّيت كل الخطوط .. وجيت باوسطها = والعالم اللي تبي الاعلام .. ما اغبطها
اصل البدو .. دايم يهايط مهايطها = وما عاد تدري من المجني من الجاني
////////////
يا ليت ابن شتوي يشتّي بين مكه والجموم = والا يجاهد مع هل الشيشان .. والساري سرى !
سعيد ابوديه :
مدري توهقت ولا جزف ومغامر=ياشاعر راح ليلك كله مطامر
واسلم وسلم على خالد وبن عامر=واليوم موعد وبكره موعد ثاني

////////////

تراك في حشمة هذا ك اللي على البال محشوم=ولا الرساله مالها عنوان والساري سرا

خولان بن عامر :
لاجيت منا ولامنا ولامنا= تكتب وتقراء ولا تقدر تكلمنا
يالله دخيلك من النكبات تامنا= لاعاد تنسى خوي الذيب سرحاني

////////////
انا هنا ولا هنا ختمي على كل الختوم= المشكله في اللي ورى خيطان . والساري سرا
عبدالله بن عايض الفهري :
ترا الاساسي ماهو يجلس على الدكه = واللي على الكتف لازم يلزم السكه
مير ابعد الظن يا رجال والشكه = واليوم موعد وبكره موعد(ن) ثاني

////////////

الصفر يحسب رقم لا من صار في جنبه رقوم = يا الشاعر المشهور والبطران . والساري سرا
خالد الحصين :
سجّلت عنواني وتاريخ ميلادي = على القمم .. ما نزلت امع اسفل الوادي
وجددت بين العرب .. قصة حمد هادي = يا كاتب المجد قل : صح الله الساني

////////////
يا طيب راسك عند صف القزوعي .. وانته تحوم=ما كنك الا الهايش الضميان .. والساري سرى !
سعيد ابو ديه :
اما تجاهلتها ولا انت ماتدري=مير الوكاد ان علومك ضيقت صدري
مادم ياهيه بحت السد من بدري= واليوم موعد وبكره موعد ثاني

////////////
واللي عثر في حومة الميدان جعله ما يقوم=والسالفه يالي لدانه دان والساري سرا
خولان بن عامر :
ونعم لكّن ماشفناك في الساحة =ماغير خوخه ورمانه وتفاحه
ولاّ حمد راح والملعب لقى الراحه=لاهان اخو معجبه لاهان لاهاني
////////////

القزوعي ما يلعبه غير النشاما والقروم=ولا انت ياطيبك مع الدندان . والساري سرا
[/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

لاهنت يا بو سعود ..


وصح الله السنت الشّعار ..

ومضواح بن شتوي .. وسعيد أبو ديّة .. وخالد الحصين .. وعبدالله ابن عايض ..

شعّار كبار ..

وهذي الأسماء في رباعيّة .. وش يتوقّع الواحد ..

إلا الإبداع ..

الله لايهينكم على تنسيق مثل هذي المحاورات ..

وننتظر الجديد ..


تحيّاتي ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

بيضان وجيه جميع

وصح الله اللسانهم


تحياتي

__________________

رباعية رائعه وجميلة


شعراء كبار وطارق في غاية الروعه والجمال


لاهنت يابو سعود

الله لايهينكم جميع وعقبال الميدان