بـــســم الله الرحمن الرحيـم

رثاء في الفقيد الشاعر عبدالله بن شايق

رحمه الله و أحسن عزاء ال شايق وال عاطف والجحادر

وقحطان كافه ومحبيه وجمهوره ومنابر الشعر والشعراء ودواوين الأدب




( انا لله وانا اليه راجعون)

الـبقــاء لله والـعــمـر مـحــســوب

وكـل نـفـس في سـرا مـيـعـادهـا

الـعـزا والـفـقـد في نـجـد وجنوب

والاشاوس مـا تمـوت امـجـادهـا

القـوافي قـام يـجـذبـهـا جــذوب

ايحـداهـا وان عـصـت يـقـتـادها

شمس يالي درهمت صوب الغروب

بـنـدقــآ جــر الــزمـــان ازنــادهـا

انـتـهى الـمـشـوار للـنـجـم اللـهوب

و اقـبـلـت بـقعـاء تـهـز اشـــدادهـا

وردفـت في عــيـزهـا صلب الجنوب

فـادتــه مــدري هـو اللي فـــادهــا

دبـرت بـه غـصـب عـنا و مـغصـوب

وانـتـحـت بـه فـوق غـبـر اجـيـادهـا

جـعـل عــدنآ نُزل والـكــوثـر شروب

في ضـلال اغــصـونـهـا وبــرادهـا

الـحـكــم لـلـه عـــــللام الـــغــيــوب

والــعـوض روسآ تــضـد اضـدادها

كل صـلـبآ تــحـت جـمـرتـهـم يـذوب

الـجـحـادر من عـصـور اجــدادهـا

ال عـاطـف بـرق في عــزّ الـنصـوب

والاســود مــن الاســود امــدادهــا

أحـسـن الله يامقابـيــس الــحــروب

فـي عـــزاكـم والــحســاني زادهــا

وانزل الــتـقـوى بـ الانـفس والـقـلوب

وبالـيـقـيـن احـتـاطـهـا و اعـتـادهـا

......

أحسن الله عزاكم


( أنا لله وانا اليه راجعون )


محمد بن جريب ال سلمان الحرقان

اللهم ارحمه واغفر له