بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين............


قصيده للشاعر الكبير/عبدالله بن رزن آل كليفيخ الخنفري القحطاني ........ هذا الشاعر كبير في السن وقد عاصر الوقت الذهبي للشعر النبطي وله قصائد جميله تفوق الخيال وتطرب المسامع ولكن الاعلام لم ينصفه وهذه من روائعه وهي قصيده موجهه الى ابنه يريد منه العودة والعيش الى جواره بقية العمر.......



هاض الضمير وهلت العين عبرات***** وعيّت عيوني من عناهـا تباتـي
والله لـولا ساعـة بعـد ساعـات***** حرام مـا تسـوى ريـال حياتـي
ياما صبرت وشفت بالوقت ميلات***** والامـر للـي كـون الكاينـاتـي
وياما بدعنا من جديـدات الابيـات***** وياحيلـة الله مـا تهيـت مناتـي
اومي لطيرٍ جال بالجـو جـولات***** يطرد لجول ولا نـوى للالتفاتـي
ابدي له الملواح وارمي بالاصوات***** مع الطمـان ونايـف المشرفاتـي
وياما دعيت الطير مـره ومـرات***** والله لا يقطـع رجـاي وشفاتـي
طير السعد طيري ولي فيه هقوات***** يشفي الضمير وينطـح الواجباتـي
ويا ناس قولوا له ترى الوقت فوات***** ولا حيـاة الا وراهــا ممـاتـي
صبرت صبر ايوب واليوم هيهات***** ردوا نظر لـي واسمعـوا بيناتـي
السِّيف مالي يمـة السيـف نيـات***** ابـواب صـدري يمتـه قافلاتـي
خلوني اخذ فاخر العمـر سجـات***** معا بني عمـي هـل الطايلاتـي
في ديرة مهيـب دار الخواجـات***** بين الخشـوم النايفـه والحصاتـي
واللي سكن بالهضب واللي ابانـات***** واللي على شط البحـر والفراتـي
كل كفل رزقـه رفيـع الدرجـات***** حتى خشاش الارض والحايماتـي
الرزق ما ياتـي بحيلـه وقـوات***** رزق البشر مضمون من حيث ياتي
ويا وامن الدنيا ترى الوقت دورات***** ياما رمـت ببحورهـا المظلماتـي
ويا ربعنا كم فرقت من جماعـات***** ونسيوا قبايلهـم وراحـوا شتاتـي
مع الاسف يا مشيديـن العمـارات***** وين الوطن ووين راحت وصاتـي
تنبهوا يا عيال واللي مضى فـات***** اخذوا حسـاب ايامهـا المقبلاتـي
وختامها منـي صـلاة وتحيـات***** على النبي عـد الحجـر والنباتـي

يعطيك العافية يابن اليتيم على موضوعك الرايع ..

قصيدة رايعة ..

ونعمن ببن دراج ..

__________________


http://www.qahtaan.com/works/up/get....fmnp1261962149

صح الله لسان القايل والناقل



لاهنت يابن اليتيم



تحياتي