السلام عليكم
قصيدة رائعة للشاعر ناصر البراق تتكلم عن وضع العباة وما حصل لها من تعديلات سافرة

( العباه)



العبايه عولموها وانفثو فيها السموم

ـــــــــــــــــــ من ملاهي الرقص جابوا فكر تخصير العباة

ضيقوا صدر العباة ووسعوا طرف الكموم

ــــــــــــــــــ ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم

ـــــــــــــــــ والغبية تحسبنها زايده زين وحــــــــــــلاة

والبراقع دلعوها لين عام الخد عوم

ـــــــــــــــــ لازم القرضه توسع والكحل يلقى الحــــياة

طوروا شكل النقاب وصارت الدعوه علوم

ـــــــــــــــــ صار شفاف (ن) يوضح خدها ويا الشـــــــفاة

وآخر الصرعه لثام(ن)يفتن الرجل العزوم

ـــــــــــــــــ والفتن قالوا ضلاله للقلوب المؤمنـــــــــات

وش علامك بنت حوى تستبيحين السلوم

ـــــــــــــــــ أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم

ـــــــــــــــــ جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم

ـــــــــــــــــ وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم

ــــــــــــــــ قايمه تحت المعادي لجل عين الشامخــــــات

من ظلمها يوم قام المعتصم من عز نوم

ــــــــــــــــ قال وين الكافر اللي يستبيح المسلمـــــات

ثم ذبح لجل شعرتها من العدو كثر النجوم

ـــــــــــــــــ قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم

ـــــــــــــــــ يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم

ـــــــــــــــــ وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم

ـــــــــــــــــ وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم

ـــــــــــــــــ العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم

ـــــــــــــــــ لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم

ــــــــــــــــ أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم

ــــــــــــــــ (يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم

ــــــــــــــــ إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم

ــــــــــــــــ أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم )

ــــــــــــــــ عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم

ــــــــــــــــ يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم

ــــــــــــــــ عولمتهم لو أعرفها طلع معنى الشـــــــــــتات

ضيقوا صدر العباة ووسعوا طرف الكموم

ــــــــــــــــ وبيجي يوم(ن) نشوف شقوق في وسط العبــــاة

دمتم في حفظ الله

صح لسان الشّاعر

أشكر الشّاعر على هذا التّناول لــ قضيّة هامّة

نقدر نقول انها ظاهرة بدينا نشوفها في المجمّعات التجاريّة

مزين القصيد اذا كان الهدف منه رسالة ساميّة

تناقش قضيّة من قضايا المجتمع

لاهنت يا موسى على هذا الاختيار


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

السلام عليكم

بيض الله وجهك يا ابن شاهر

على حسن الاختيار والنقل

والعبايه ذا اليوم الله يخلف بخير على بنات المسلمين والله يسترنا بسترهـ


ولا هنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أخي العبدي
صح بدنك وقايل مايهون وشكرا على مرورك الكريم يالغالي

دمتم في حفظ الله

أخي سعيد الجهيمي
قايل مايهون ووجهك ابيض يالغالي ونقول اللهـــــــم آميــــــــن
شكرا على مرورك الكريم يالغالي

دمتم في حفظ الله

الشعر رسالة

وهذه الرسالة جميلة جداً


بيض الله وجهك يابو محمد على النقل المميز والراقي


اخوك