رسالة الشاعر الكبير/عوض بن شفلوت المنادية الى طارق الحبيب

يا طارق الحبيب كيف انت ماجور
على سلوم ورثوها أهلنا
اهل الجنوب ادميْهم منك اتفور
وحنا ليا فارت دمينا ..جهلنا
صدورنا لا ذمنا الجاهل قبور
جاهل .. والى من ذمنا ما اشتحنا
والزله اللي منه ما تجرح شعور
انحنّ حتى من جنوبه اعقلنّا
جبالنا الحما من الطور للطور
خلقت لنا وصمودها خلق منا
وعاداتنا ما نحسب لكل معثور
اليا همل تحت الثرا ما هملنا
لكنّك انت انسان عالم ودكتور
وش مجبرك على انتمانا اتجنّى
علمك فضل ولا على مثلك قصور
لكنّ فضلك ما يعادل فضلنا
ما ذكر لك في حماية بلادنا دور
يومك تشكك بانتمانا لوطنا
حنا رجاجيل خِلقنا على ثغور
وسيوفنا بدمي الاعدا تحنّا
قبل امس يوم الحوثي يحور ويدور
وانت بدبي .. مثل القعود المثنّى
على جبل دخان فوق اربع شهور
الدم مانا ... والمشوك اكلنا
جانا تقول انه على الموت مامور
جانا كذا .. والله لو إنّا انتمنى
ما نكعمه إلا على شلعة النور
وأمسى تحت جنح الظلام يتونى
دايم علمنا بقمة المجد منشور
وآجالنا لا جت .. علمنا كفنّا
قبايل ما للردى عندنا شور
وزمايل الهزله ما جت في ظعنا
اصل وفصل و أنسابنا فروع وجذور
واللي يصامخ روسنا ما تهنّى
اليا زعلنا ارماحنا تفري نحور
يروب البحر الاحمر ليا من زعلنا
واليا رضينا صدورنا كنها بحور
الطيب للغالين فينا مثنّى
واليا صلحنا مع عدانا على الفور
انكف الاذى عنهم وكانوا وكنّا
والجود فينا دايم الدوم مخبور
ما تملك ايدينا يضمه صحنا
والا انت في لحانا مذرّا ومستور
وعمايرك في ظلال غيرك تبنّى
اتعالج اللي عقدته علت الزور
ومن عقدتك .. في وجهي انك معنّى
فكانك من زحول الرجاجيل ممرور
فالله يكافينا .. ويبعدك عنّا
ولو تعتذر يا الاجودي ما انت معذور
وش عقب ما بانت علوك وبنّا
حنا لوطنا لا حضر يومنا سور
لا قد خذلنّا به .. ولا قد خذلنّا
في ارضه ذيابه وفي جوه صقور
وبامجادنا نسمع وطنا يتغنّى
وانت تخبرنا وعندنا .. ما انت مخبور
لنّا نظرنا فوق الانظار لنّا
بنفنى .. وحنا ما نزلنا عن الكووور
وبنفنى .. وحنا اهل المواقيف .. حنا
وهرج السعه يفنى ولا هوب مذكور
لا شك حنا كان قلنّا فعلنّا
وفعولنا اللي مشرفتنا يا دكتور
اكبر دليل لانتمانا لوطنا

__________________
محمد بن عبيان آل سالم الفهري

كفو كفو والله قصيدة قوية وجزلة من شاعر جزل أبو عبدالرحمن دايم يبين لا بان الحدث.

لا هنت يا ابو عبيان على النقل

ارررررررررررحب ياابو صالح

الف الف الف الف شكر على المرور المميز

__________________
محمد بن عبيان آل سالم الفهري