ام نايف من رحيمة وقصيده ابكت الجميع !!!!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أصيح باعلى الصوت نايف فقدنـاك=عساك تسمع صرختي يـوم أناديـك
أنا أمك اللـي عيدهـا يـوم لقيـاك=يا سعد نفسي لـو عيونـي تلاقيـك
والقلب ناره تشتعـل عقـب فرقـاك=ما تطفي النيران يـا كـود أياديـك
لبست ثوب الحزن بعدك ولا انسـاك=والنـوم ودّع يـوم غابـت لياليـك
تاهت بي الخطوات وادروبي أشـواك=والدمع من عيني على الخـد يبكيـك
أراجـع الماضـي واعيـد ذكـراك=تشدني الذكـرى وابكـي لماضيـك
سجيـن بالغربـة وياكبـر بـلـواك=الله يعينـك دايـم فــي بـلاويـك
هذا القدر مكتوب ... مكتوب ما جاك=اصبر عسـى الله بالنهايـه ينجيـك
بديار ( بوشٍ ) سجنك الموحش هناك=ياليت لي قدره على الـدرب واجيـك
يا سجن ارفق مسندي وسط مبنـاك=ما شاف شمس ومظلمـات مبانيـك
مدري يا عمري كيف الأحوال ويّـاك=طمني عنـك طمـن امـك تحاتيـك
من يغسل اهدومك ومن قام يرعـاك=ومن يطبخ الوجبات منهو يواسيـك
ومنهو الذي بالليل لا نمـت غطـاك=خوفي عليك البـرد بالحيـل يوذيـك
ودي قبـل موتـي مشاهـد محيـاك=ودي أضمك فـي يدينـي وحاكيـك
يا حافـر قبـري دخيلـك رجينـاك=تحط فوق النصب نيشـان بوصيـك
يمكن يحين الوقـت ترجـع لمربـاك=وتزور قبري مسرع فـي خطاويـك
يا سيـدي سلطـان تكفـى طلبنـاك=يا راعي الفزعات تشكـر مساعيـك
شـلال طيـب منبعـه دوم يمـنـاك=خيرك مغطي كـل بيـت باراضيـك
وقت الشدايد ما لها غيـر شـرواك=يبشر بعزه كل مـن جـاك ناصيـك
يـا سيـدي سلطـان حنـا فدايـاك=بارواحنـا نفديـك نفديـك نفديـك
الجود وانت الجود يمشـي ببمشـاك=يمشي وراك ويتبعـك مـا يجاريـك
يتعبني مدحك لـو أعـدد سجايـاك=والشعر يرفـع رايتـه مـا يوفيـك
يالله عسى المولى يصونك ويرعـاك=ويعود نايف يـا عسـى الله يخليـك
أبختصرها يا ذرى كـل مـن جـاك=شكوى تجيلـك تنتهـي مـا تعديـك [/poem]

لاهـنـت ياســليـمـان على النقل الرائع

وجريتنا يوم علمتنا إنك خشعت وحنا والله خشعنا

الله يقر عينها بولدها

ويفك أسره وأسرى المسلمين جميعا

وولي العهد أهل للمدح ولا بيقصر أبوخالد

__________________
[poem font="Simplified Arabic,6,white,bold,normal" bkcolor="transparent" bkimage="backgrounds/38.gif" border="double,8,black" type=1 line=0 align=center use=ex num="0,black"]
أنا ليا قالوا هل المنع مقـروع=أغيض راعي المنع مالتف يمه
أنا كعام القوم غصب بلا طوع=في ضمتي تسعة وتسعين ضمه
كل(ن) يجيه الحرب غصب بلاطوع=ويشريه إبن حازب بماله ودمه [/poem]

جعلك والله تسسسسسسسسسسسسسسسسسسلم


يالغالي الرائع لايأتي الا بكل رائع




لاهنت وابيض وجه

__________________
« اللهم كما أحسنت خَلقي فحسن خُلقي »

لا هنت يا سليمان

الله يفك اسر ابنها انه على كل شي قدير

اكرر شكري يا بو سعيد

__________________

شيء جميل ومميز وسلمة يمناك يالغالي ووالله العظيم بكيتنا

__________________
[poem font="Simplified Arabic,5,red,bold,italic" bkcolor="transparent" bkimage="backgrounds/21.gif" border="none,medium,gray" type=4 line=0 align=center use=ex num="0,black"]
وانايغانيني مغاني حمامه=تمسي وليس الا العشاء في وريدها
ان كان مغناها من الجوع والظماء= فلموال لاتبقى ولا من يفيدها
وان كان مغناها سرور ونعمه=لابد صياد المنايا يصيدها

ابو طارق [/poem]

قصيده مؤثره وانا اشهد ان عيني دمعت والله يصبرها ويرجع ضناها وياجعل ربي كل بعييد يجيبه والله لايهينك على القصيده الأكثر من رائعه

__________________
(((إخــتــلاف الــراي لـو عـنـد الـقـضـاه..صـدق مـايفسد قـضــيه بـجـلـهـا..كـذبة التـاريـخ مـن بـعـض الـرواه..تـقـنـع الأجـيـال ليــن تـضـلـهـا)))
[grade="00BFFF 4169E1 0000FF"]مـــعــــــانـــــق ســــــحـــــــاب[/grade]

السلام عليكم ورحمة الله وبركاته

أسأل الله أن يفك أسره وأسر من معه من إخواننا المضطهدين والمظلومين ,,,

ولا نقول إلا حسبنا الله ونعم الوكيل ,,,,


مشكوووووووووووووور وما قصرت والله المستعان .


أخوك / المنسجم

لا اله الا الله محمد رسول الله

اسأل الله العلي الكريم أن يفك أسره وأسر ى جميع المسلمين

أبو سعيد

نقل رائع وموثر بارك الله فيك ولا عدمناك

وتقولون ليش الحزن والله الحزن راحه

الطائر الهايم الحزين

__________________

الله لايهينك ياكحيلان على هذا النقل الرئع والذي بلفعل قطع قلوبنا وجعلنا نسكب الدموع دون شعور منا

وأسئل العلي القدير أن يفك أسر((( نايف )))وجميع أسرى المسلمين في ديار الغرب...




أخوك/

__________________

حيالله الجميع واسئل الله ان يجزاكم كل خير ويستجيب دعائنا