درست بمدرسة بوي وخوالي

«®°·.¸.•°°·.¸¸.•°°·.¸.•°®»درست بمدرسة بوي وخوالي«®°·.¸.•°°·.¸¸.•°°·.¸.•°®»
من قصيدة للشاعر / ذيب بن عايض بن غيدة ,
هذه الأبيات يفتخر فيها بمستواه الشعري وانه استفاد من والده,فهو شاعر من ابرز شعراء المنطقة وكذالك خاله ايضآ,وفعلآ الشاعر ذيب له مكانته بين شعراء منطقة الجنوب وكذالك يصف حالة الشعر في هذا الزمان
ويتأسى عليه من اناس تقلدوا مسماه وهم بعيدين كل البعد عنه,,

يقول فيها:
[poem=font="Simplified Arabic,4,red,bold,normal" bkcolor="transparent" bkimage="backgrounds/21.gif" border="groove,medium,gray" type=4 line=0 align=center use=ex num="0,black"]
قبـل ما قول وابدى في كلامي= اببدي باسم ربي وانتهي بـــه
بعض الاوقات يصفقني طــواري= تهز القلــــب وتزود لهيبــــــــه
افـــــكر فـي زماني واتــــذكـر= مواضيع على مثلي تعيبـــــــه
سهرت الليــــل واجر القنيبــــي= كمت ذيب السحر قنب قنيبـــــه
كما ذيب طــــوال الليـــل ساري= يجر عواة من راس الجذيبـــــــه
تحــدته الضــــرايا والشــــواوي= يطالع للقمــــر وابطى مغيبـــه
سبب جور الزمان اللي جفانـــي= جعلني بالمثل هاوي قليبـــــة
ومع الشعار معـــروف رصيــدي= وكل قو سيلة من شعيبـــــــــه
على قـــدي وعندي ما كفانــي= قصيد ليدعى الداعي نجيبــــه
درست بمدرسة بـــوي وخـوالـي= وعرفت الشعر صافيه وسريبه
ونا ما قول في جيبي شهـــادة= تمداح الرجل نقص ومعيبـــــــه
وترى الاشعار ما فيها تجــــاره= ولا تفــزع مع صيــــاح ريبــــه
لا شــــك بـها تعابيــــر ثمينــــه= لما انه قابل الطــالب طليبــــــه
وترى بالشعـر ورث وبه مواهـب= وشعر الورث خير من الوهيبــه
وترى الاشعار طلعات ومهافــي= وبعضها هافي ما ينبدي بـــه
وقصيـــد مايثبت له قواعــــــــد= يخســر من يبيع ويشتري بـــه
مثل جــــم على البطحـــى تصبه= يضيع الماء ولو يكثر صبيبــــه
لصــــار السالفه ماتنعسف لـــك= تجنب دربها ما هي غصيبــــــه
ونا اشوف الشعر باخر زمانــــه= تحدوة البشر واصـــبح نهيبـــه
تحدوه الخنافــــس والدنافــــس= ونا ماني على العالـــم رقيبــه
مع درب العواجــــه والسماجـــه= لقيت الشعر يا معجـــل خبيبـــه
تعلــــم فيه جهــــال وعثوبــــه= وفي كل مسجل جالــه حطيبــه
وخفيف العقل يفتخـــر بكلامـــه= مع السكة وصوته يلتـوي بــــه
يرفـع صوتــــه ليأخر مسافــــه= لما عرض على منـــزل حبيبــــه
تعلــــم كشف عورات المحـــارم= يوصف من عرينه ليطـــري بـــه
عسى ناب الحنش يلزم لسانــــه= صبــــي شفرته تقطع سليبـــه
وكل انسان قسمــــه يقتنع بــه= وردي الساس حبله يرتخــي بـه
ولا به كامل الا وجــــه ربــــــي= ولا حـــد نقص نفسه يدعي بــه
حد في النار مثــواه وحســــابه= وحد يسكــــن بجنات رغيبــــه
وختمت القــــول ونهاية كلامــي= أببـدي باسم ربي وانتهي بــه[/poem]

صح لسان من قالها

وبيض الله وجه من جابها

لاهنت على القصيده

__________________

صح لسان الشاعر ذيب بن غيده

وبيض الله وجهك ياحمد على النقل

صح لسان ابن غيده

وشاعر شهد له شعّار كبار مثل الأمير خالد الفيصل

ولاهنت يا حمد

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

بيض الله وجيهكم على الرد واحب ان اضيف لكم بان الشاعر ذيب بن غيده انه اعم الشاعر عائض بن غيدة الذي شارك في شاعر المليون من دولة قطر

السلام عليكم


صح الله لسان بن غيده وهو شاعر كفو ومن عربان كفو وناقل القصيده كفو


والله قصيده تملى القلب والعين

ولا هنت يا الذيب

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح لسان الشاعر اشهد انه كفو وبيض الله وجهك ياحمد وتكفون اللي عنده قصايد لابن غيدة لايبخل علينا

بشر بعزك ونا ابن مفرح

لو سمحت يا حمد انا سمعت لبن غيدة قصيدة في شريط زمان واتذكر من ابياتها قوله

لو كان في لنذال يظهر علامات 000ما كان غشونا الضعوف الهزايل


ياليت اذا هي عندك كامله تنزلها هنا واكون لك من الشاكريين

ولا به كامـل الا وجـه ربـي ولا حد نقص نفسه يدعي بـه
حد في النار مثـواه وحسابـه وحد يسكـن بجنـات رغيبـه
وختمت القول ونهاية كلامـي أببدي باسم ربي وانتهـي بـه


صح لسان بن غيده

ومشكور على النقل المميز

__________________