عبدالله بن شائق وحسين بن شتوي الحبابي(محاوره)

هذا المحاوره جرت بين الشاعرين الشاعر الكبير والمعروف عبدالله بن شائق والشاعر الشاب حسين بن شتوي الحبابي في الخرج بحضور الشاعر الكبير ملفي المورقي ولعدم تطبيقه الموال قام ابن شايق مع ابن شتوي بدلا عنه



[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="double,medium,teal" type=4 line=0 align=center use=ex num="0,black"]
حسين الحبابي =

سلامي علي اهل الحفل والصف والجمهور=
اقوله وانا شاعر وعندي ذكاء واشعور=
وملفي نبي نلعب معه والرجال احضور=
ياطيب الرجال اللي تحكم ضمايرها=

ياصفوف الحفل تكفون في عز الصفوف = ودي العب للجماهير واكسب ودها

شفت ملفي بين ربعأ يعزون الضيوف =بلغوه ان القضيه تعدت حدها

عبدالله بن شائق=

الا يابن شتوي ملفي اهدا علي مسباح =
وانا بالنيابه قمت والمورقي يرتاح=
اشوفه علي راس الجماعه يصيح صياح=
ياطيب الرجال اللي تحكم ضمايرها=

ياصفوف الحفل قوموا من اجل الفليسوف=والرجال الصابره مايبح سده

كم حروف بلا نقط والنقط تبغي حروف= ياحسين ان كان جبت الرساله ودها

حسين بن شتوي=
انا ياشنب عارف دخولي ومطلاعي =
وانا اعز نفس واعرف الشيخ والراعي=
وتبغي الحقيقه والله ان مالها داعي=
ياطيب الرجال اللي تحكم ضمايرها=


انت ابن عمي وحيت ياشوق الهنوف =غير انا قد المهمه وراسي قدها

اكثر الشعار ياطير شلوي مايشوف = والليالي مقبله لين ناخذ ردها

عبدالله بن شائق =

ياوالله كفو يعني كفو والكفو منهو=
يقول الكويتي شنهو اللي كفو شنهو=
لكن انهو الي صار بين الاثنين انهو=
ياطيب الرجال اللي تحكم ضمايرها=

ادري انك ذيب والذيب مايصبح خروف= والمسامه فوق ظهر المطيه شدها

ادري انك يالحبابي مع الناس معروف=للجماعه عز والقوم تلعن جدها

حسين بن شتوي =

ياطيبك يابن شائق ولو انك تتفلسف =
لكن قل له الليله من الناس يتسف=
قبل لايروح بخاطره شي ومكسف=
ياطيب الرجال اللي تحكم ضمايرها =

الذيابه كل ليل علي الوادي تحوف = واحمد الله كل كلمه نحصل ضدها

انت يامعجز عتيبه تحزم بالسيوف= وانت شاعر للقبيله ونفسك هدها


عبدالله بن شائق=
اجل اسف اسف وايش تبي ياحسين اسف =
عسي شمسكم تشرق وتسلم من الكاسف=
وقمركم عسى ربي يجيره من الخاسف=
ياطيب الرجال اللي تحكم ضمايرها =

ياقمر ياشمس ما ابغي خسوف ولاكسوف =وانت حر ومن حرار ينومس هدها

العرب شينين والمرجله حسب الظروف = كل غارات توجه علي اصدها

حسين بن شتوي =
تري ما انت بالمخطي وكلن بميزانه =
لكن الكبر معروف لله سبحانه=
وعانه سرى يابوشنب ياشنب عانه=
ياطيب الرجال اللي تحكم ضمايرها=


احمد الله مايجني من الشعار خوف = لكن ظروف البدايه تجيس لابدها

وابرك العربان ياصاحبي رجل عروف = والبحور الطاميه جزرها في مدها

عبدالله بن شائق=

ياخوي الله يعافيك وايش لك بخلق الله =
جلس ملفي الشاعر وقابلك عبد الله =
ماشاء الله يامشاء الله مشاء الله يامشاء الله =
ياطيب الرجال اللي تحكم ضمايرها=

اما انا لا والله اخاف من بعض الصدوف = دون حدي والرجاجيل تحمي حدها[/poem]

__________________

الله لايهينك على المحاورة الرائعة

__________________

لسماع قصائد الشاعر :
اضغط هنا

محاورة رائعة جدا

أبو فيصل


بيض الله وجهك على النقل الرائع والأختيار الموفق للشاعر حسين بن شتوي


محاورة رائعه وأعجبت فيها بشكل كبير


صح لسااان بن شايق وصح لسااان بن شتوي

وشكراَ لك يالغالي على النقل المميز


في أنتظار جديدك ومواضيعك المميزه


أخوك

بن غفره

__________________



ممصمنا المبدع
تركي العلياني
ألف شكر لك

المحاوره هذه حضرتها و كانت في الخرج .... في العطله الصيفيه لعام 1424 هــ ...

محاوره جميله وممتعه و المواااال كان اكثر من رااائع ,,,,

__________________

لاهنت يالحبابي



بس مافي تسجيل صوتي

مشكور على هذه المحاورة وان كان عندك شريطها يكون افضل وانت الافضل


تحيات اخيك الزهيري المغترب

[frame="7 80"]مشرفنا القدير ابوفيصل يامرحبا الف والله يحييك ويحيي ماجيت به

الحقيق محاوره من النوع الفريد والمميزبين الشاعرين الشاعر العملاق هضبه طويق

عبدالله بن شائق العاطفي

والشاعر الرائع والمحبوب

حسين بن شتوي الحبابي

وكنت احد حاضرينها في الخرج والموال مجنون وله لحن مميز وتفاعل معه الجمهور كثيرا

وكانت بشكل عام حفله ناجحه وممتازه جدا جدا

عموما يعطيك العافيه علي النقل الطيب[/frame]

شكراً لك اخي الكريم على هذا المشاركة

ارررررررررررررررررررررررررررررحب يالحميداني وياهلا ومرحبا

__________________