سعيد الفهري وحمدان العصيمي باختصار

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
سـعــيــد الـفــهــري
هلا مرحبا في منتدى رايته فوق = شمولي ديموقراطي ثقافي حيادي

اعزّيك يا حمدان فالخيل والنوق = وابشّرك حدّوا لك سيوف حدادي


حــمــدان العـصـيـمـي
يدوم البقا ياعالي الفن والـذوق =ولاهي غريبه منك والنور بادي
صبرنا وقلنا كل مطرود ملحوق = وطال العزا والجو ماهو بهـادي
سعيد الفهري
ابشّرك ماني من ضحايا اسهم السوق = لواني بعض الاحيان رجل اقتصـادي
ترى ما يخدمك طيب برقـا ولا روق =اذا ما خدمك اسمك وظهر الجـوادي

حمدان العصيمي


ليا صار مالك مع هل السوق مسيوق = ترى الوضع فيه وفيـه ماهوبعـادي
يبا يظهر الواقع على كـل مخلـوق = وأنـا مكتفـي بالله وملحـي وزادي

سعيد الفهري

لعب في مصر حسني بعد مات فاروق = وغرقت سفينتها وجاهـا الجـرادي
لسانك حصانك وانت لازلت مرمـوق = تعيش القياده فـي زمـام القيـادي

حمدان العصيمي
ترى الشجره اللي مالها جذع وعروق = نسيم الهوى يعطي بهـا كـل وادي
ليا سلم أبوزيد الهلالي مـن العـوق = تبا تسمع الاخبـار فـي كـل رادي

سعيد الفهري

ابو دقن سكسوكه وابو دقن محلوق = يحسبون سمن البدو قشطة بـلادي
نجاة الحمامه يالعصيمي من الطوق = هذا حسب تفكيري وحسب اعتقادي

حمدان العصيمي
ليا صار عندك علم ماهـو بماثـوق = ترى القرص فوق النار ياسعيد جادي
يبي يضحك السابق على كل مسبوق = ويلبس من الفرحـه ثيـاب جـدادي


سعيد الفهري


ليا كثرت الابواق مع راعي البوق= تحرك وكنك وسط سجن انفـرادي
انا اشوف لي دخان ورعود وبروق = ومستور يضحك والزلامي ينـادي

حمدان العصيمي


أنا اظن قلبك يااحمر العين محروق = تحاول تحط الجمر تحت الرمـادي
ترانا عرب مانعرف الغدر والبوق = نعرف المطيه والرسن والشـدادي

سعيد الفهري

عسى الله يفرّج زنقته كل مزنوق = ويدهن على خشمك بعنبر وكادي
وحنا فتحنا للفخر كـل صنـدوق = علمنا ماينزل حتى يوم الحـدادي


حمدان العصيمي


مع اهل الوفا يلزم مشاريه وحقوق = ولاهي بسلعه تنعـرض للمـزادي
نصيبك يصيبك كل ماهزك الشـوق = ورزقك مهيّـا حـر والا بـرادي



[/poem]

__________________

اررحب يابن مسفر

الله لا يهينك على اختصار هذه المحاوره الجميله الذي تشرفنا بمتابعتها مباشر

الشاعر سعيد الفهري والشاعر حمدان العصيمي شعراء لهم مكانتهم الشعريه

تحيتي لك ولاهنت يا ابومسفردائماً مبدع ومواضيعك مميزة

__________________

محاوره مايحتاج شعار كبار وجمهور

لاهنت يابو مسفر


اخووووووووووووك

اشكرك جزيل الشكر

يابو مسفر

على هذا النقل الرائع لهؤلاء الشعراء المميزين

وحقيقة مرادات قويه وجميله


لك تحياتي

__________________

لاهنت يابو فيصل على النقل

لاهنت والله يطول عمرك على هذا النقل الطيب وبيض الله وجهك

__________________
[web]http://[/web]

محاوره كايف لنجوم مبدعين

__________________

ابداع منقطع النظير


سلمت يابو مسفر


وصح لسان شاعرنا العملاق ابو علي


وصح لسان ابو راكان


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ابداع مميز لشعراء المميزين

تشكر يا بو مسفر على النقل

ابدعت يا سعيد الفهري وصفك قوي في ذي وفي غيرها

__________________


( لمراسـلتنـا اضغط هنا )