........ سوسة الضرس ...........

قصيدة جديدة للشاعر المبدع حامد بن سمحه الحياني


اتمنى ان تحوز على اعجابكم ................صلو على النبي

صحبتك صحبة سوسة الضرس للضرس

في كل يوم تمرضه لين تنهيه

وانا تراني ماخذ عبرة ودرس

من بورة اللي كنت دايم مخاويه

واليوم بأغرس للثقة في الحشا غرس

غرس صفا نبع النوايا بيسقيه

ومادام للشعر النبط لاحن وجرس


في كل يوم لازم اكتب وأغنيه

بكتب كتابه تنطق الصم والخر س


ولا بلاش احسن لي ابعد واخليه


ودام المداد يدون المجد بالطرس


اكتب ياتاريخ نفاخر بماضيه


حاضرك يحملني وانا اقول له (ارس)


انا يحق لمثلي يقول انا (بيه)


وش قيصر الا ويش كسراك يا فرس


مجدي جميع اللي مضوا من مواليه


ان جت لحمل السيف و الدرع والترس


وان جت لمن يركع لربي ويرضيه


وحنا نهار المشكله عندنا عرس


نفرح بذكر الموت ونحب طاريه


ماكان ودي اعترف انني شرس


الين سدي صاحبي باح خافيه



وســـــــــــــــــــــــــــــــــــــــلا مـــــــــــــــــتـــــــــــــــــــــــــــــــ كـــــــــ

__________________
مايشاف الرجل بالعين الوسيعة
كود لامنه فزع لعيال عمه