المليون و ابن ساقان * والتصويت وقحطان

بسم الله الرحمن الرحيم

السلام عليكم جميع

ياجماعة الخير صلو على النبي

أنا دخلت المجالس واختلعت ؟

ابن ساقان أربه حي ؟

الصراحه قريت بعض المواضيع وشرهت

على الي كتبها ( اشره على الطيب ويشره عليه )

وشلون واحد من قحطان ويقول القحاطين : خذلو ابن ساقان

في المسابقه يا خوي القحاطين ماخذلو الرفيق في الشده فيخذلونه

في الرخا .

والدعوى حض ونصيب ( على كف القدر نمشي ولاندري عن المكتوب )

( قدر الله وماشاء فعل )

ابن ساقان أجتهد ولاقصر وبيض الله وجهه

وعوال الشايب سووا الي عليهم ولا قصروا وبيضان اوجيه أول وتالي

وهم أهل الحميــــــــــا والوقفه والنخوه والفزعه والشهامه والتكاتف

والبرنامج هذا ماهوب الي يبين طيب الرياجـــــــــــــــــيل من رداهم

..... وبلا شك أن ( برنامج شاعر المليون ) (( لعبة أذكياء )) ولا أعتقد أنه

يخدم الشعر والموروث الشعبي برنامج يجمع الصالح والطالح الصاحي

والمجنون وصدق الشاعر :: فلاح القرقاح :: في قوله .

لعنبوها حياه ولعنبوها غناه ** لجلها بجلس الرجال جنب المره

والبرنامج ,, يأخذ

مليون ريال من القحاطين

مليون ريال من العتبان

مليون ريال من المطران

مليون ريال من المناصير

ومليون ريال من (الفزاعه )

والنهايه >>>> مليون ريال لواحد من من هذه القبائل


يا واو

يا حض

ياتصويت ,, الله أعلم أنا ما أقوله بقصد مانصوت لرفيقنا بالعكس بنصوت ونخسر

ونتسلف عشانه لكن المقصود من الكلام أنها مثل ماتقول ( مقلب ) من أول حلقه

الى أخر حلقه

وأريد أن أسأل سؤال ؟

هل أحد منا تصدق بقيمة .. رسالتين على فقير @ أو محتاج @ في الاسبوعين

الماضيين

أريد من مر على الموضوع يعلق ويرد خاصه على هذا السؤال با لأمانه والجديه

على العموم نبارك :: ليوسف العتيبي

وأتمنى لكم التوفيق
وشكررررررررررررررررررررررررررررررا

__________________
[center]



alsamey2010@hotmail.com

لاهنت يا مشخص وابيض وجه


واللي فات مات وانا اخوك

التصويت لابن ساقان كثير

ومن قحطان ومن قبايل ثانيه

والدليل الشات شف كلهم يصوتون لابن ساقان

واللي يرسل للشات اكيد بيصوت


فهي لعبة عشان يكون في المسابقه عراقي

والا انا كنت متوقع ابن ساقان والا المطيري

لأنهم حديث الشارع الخليجي والعربي

__________________

اقولـ الا فيـ ذمتيـ انهمـ يستاهلونـ عتيبهـ لدرجهـ انـ اكبر تجارهمـ ورجالـ اعمالهمـ راحوا للاتصالاتـ واعطوا فلوسـ مبالغـ هايلهـ لجلـ ترشيحـ ولدهمـ ولذلكـ ما يبونـ ايـ شيـ منـ ناحيهـ الشعر يروحـ عليهمـ همـ ما همهمـ الفلوسـ والخساير كثر ما همهمـ


اللقبـ


يستاهلونـ وتاكدوا انـ التصويتـ الليـ شفتوهـ من الشبابـ الليـ فيهمـ نخوهـ وارسلوا سواء من قحطانـ او غيرها بسـ رجالـ اعمالنا بسمـ اللهـ على الكيبورد لا يهجـ

تحياتيـ

ابنـ فحسـ

اررررررررحب يامشخص

وفيه أعضاء الله يهديهم متهورين جداً
والله اني توقعت ان فيه حرب بين قحطان وعتيبه ومطير وخفت يجي امر من وزارة الدفاع بالمرابطه


تصدق ان بعض الأعضاء وصلت به المواصيل انه يقول سود الله وجيه قحطان عند بن ساقان هل لهذه الدرجة وصلت انه يقول ذا الكلام امام الملا وفي منتدى مفتوح للجميع


ابن ساقان امامه مشوار طويل والله يوفقه ورايته بيضاء ولا قصر وربعه ما قصرو معه وفزعوله


أما سؤالك وطلبت الأجابة عليه بجديه

هل أحد منا تصدق بقيمة .. رسالتين على فقير @ أو محتاج @ في الاسبوعين

لو علمتك راح اجر الصدقه



تقبل تحياتي يامشخص ولاهنت التذكير وبيض الله وجهك يالوافي

مشخص والله كلامك وافي يالذيب



والدعوى بسيطه

أبن ساقان وأشتهر أما المليون فما هوب راس خبر

والناس كلهم عرفوا ان هناك شاعر متمكن اسمه أبن ساقان


أما بالنسبه للتصويت فاللي صوت جمل الله حاله وماقصر

واللي ماصوت فأتوقع أنه عادي الوضع (( مع اني والله صووت أكثر من مرة ))

النخوة والفزعه في غير التصويت ذا والخرابيط اللي كل الناس يعرفون أنها فلوس
تكب في رصيد القائمين على البرنامج عيني عينك

بعدين ابن ساقان ما جا طاري قحطان على لسانه من يوم بدا لين انتهى


وهذي محسوبه بعد لييييه هو الوحيد اللي ما جاب طاري ربعه

حتى بعض الشعار اللي قبيلته ما تجي مثل فخذ من فخوذ قبيلة قحطان ذكر ربعه

أنا أشوف أن كثرة المواضيع هذي ما لها لزوم شي أنتهى


وطرد للفايت نقص فالعقل


هذي وجهة نظر وتقبلوا تحياتي جميعا

السلام عليكم ورحمة الله وبركاته

قولوا لا اله الا الله ....

ابن ساقان قالها أكثر من مرة ..... أهم شي أكسب ملايين القلوب

و أكيد كان يبي يكسب اللقب و ياخذ المليون .. و والله انه يستاهل

و أنا متأكد ان اللي صوتوله كثييييييييير سواء من قحطان ولا غيرهم ... لكن ما حالفه الحظ

و اللي يهونها عندي انه هو الوحيد اللي عطته اللجنة 27/30 في المرحلة هذي حتى الآن لأنه فعلا يستاهل

أما من ناحية انه ما طلب فزعة ربعه ... فالمسابقة مسابقة شعر يا جماعة الخير

ابن ساقان سوا اللي عليه و جاء يقدم شعر و أبدع في صياغة شعره بشهادة الجميع

اللي صوت له بيض الله وجهه و ما قصر ... و اللي ماصوت له يمكن عنده وجهة نظر ثانية

و أنا قريت كم موضوع في المنتدى بعد خروج ابن ساقان ما اعجبتني ... مع اني و الله مقهور من خروجه

على العموم .... ابن ساقان حصل على مراده و هو ملاييييييين القلووووووووب

و الله يوفقه انشاء الله ... و الله لا يجعل خروجه من البرنامج يأثر عليه

=================================

أخوي مشخص مشكووور ولا هنت على الموضوع

و جزاك الله خير ...





أخــ ابن شطفان ـــوك

__________________

BB PIN: 21CD7379

الموضوع انتهى وإبن ساقان الله يوفقه ولكن للأمانه والحق خذلانه جميعاً

ارحب يامشخص


والله اني اتفق معك في اللي قلته


والقهر اللي بياخذ الملايين نشوا الرويني وغيرها ولافاز ابن عمنا ولاسلمنا من كلام الناس


لاهنت يامشخص