فبركة بلوتوث !!

مساكم الله بالخير جميع
هذي بويتات قديمه بعض الشي .. قلتها على عجاله في وقتها
وهي بعد ان فبرك المفبركون مقطع صوت فيه سب لقبيلة يام العريقه والعزيزه على قلوبنا جميعاً
حيث نسب لشاعرنا الكبير / فلاح القرقاح ( ظلماً وزوراً ) !!


المهم حبيت اعرضها عليكم .. واسمحولي على تواضعها !! :-



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اثر الظليمه شرّ .. واقسى من الموت = خصوص فاللي كل ما جا مجاله
يرتاح صدر اللي به الصدر مكبوت = لا نسّف شماغه .. وميّل عقاله
جمع : مزارق طيب .. ومصامخ بيوت = ودماثة اخلاق .. وجميل .. وجماله
اليا تكلّم .. يجعل العالم سكوت = بسحر الكلام .. ومنطقه .. واختزاله
كم زلّةٍ لا مرّته .. شاتها شوت = وبمخلبه ياكل .. ويكّل عياله
جدّه عقيد ايام زيد ابن شفلوت = اليا احتمى الموقف .. وقف واعتزى له
هذاك ابن ريفه ولانيب ملفوت = فلاح ابن عمي .. وهو لي .. وانا له
يا مقطع الفديو .. ويا مقطع الصوت = تفننوا .. في فبركتْك الحثاله
من عولمة ناقص .. وتشجيع سربوت = كلٍ على الفتنه .. يسابق ظلاله
ناسٍ سوالفها حتاحيت حتحوت = دايم تعلّك .. عند باب البقاله
ما هي غريبه .. تخلط الثوم بالتوت = هذي نتايج .. ما تسوّي البطاله
تبقى محلف رمزٍ على المجد منحوت = ونبقى لهم حلفٍ وثاقٍ حباله[/poem]