أنا مهبول وجايز لي هبالي،،،هبال طيب ولاصحاوة رخامه و رد ضيدان بن قضعان

بسم الله الرحمن الرحيم

هذي قصيدة للشاعر مسلط بن شعيفان ابو اثنين السبيعي
موجهها للأمير الوليد بن طلال

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامير انا عندك حشيـم وغالـي=ولا احب انا شي يمس الكرامـه
نفسي تروم المرجلـه والعوالـي=هذا هدف نفسي وهـذا مرامـه
تاجرت في باب الشكالـه بمالـي=بعت الرخامه واشتريت القرامـه
أنا مهبول وجايـز لـي هبالـي=هبال طيب ولا صحاوة رخامـه
هاذي تفاصيلي وهاذي خصالـي=يقوله الي مازهف فـي كلامـه
وانا مقامي من عزيـز الجلالـي=للعـز عنـوان وللمجـد هامـه
معرب الجديـن عمـي وخالـي=مانيب من زرقـان وادي تهامـه
ان جزت لك فانا الرفيق الموالـي=وإن عفتني مسموح ومع السلامه
دور وتلقالـك رفـيـق بـدالـي=وكل يبي رفقتـك ترفـع مقامـه [/poem]




عندما سمع الشاعر الكبير ضيدان بن قضعان هذا البيت

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنا مهبول وجايـز لـي هبالـي=هبال طيب ولا صحاوة رخامـه[/poem]

قال قصيدة راااائعة جدااا يتمنى لو كان له



يقول الشاعر الكبير ضيدان بن قضعان

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
حييت يا مسلـط كريـم السبالـي=من هول بيتٍ يستحـق الزعامـه
بيتٍ تمنيتـه وهـو مـا ينالـي=ودامه خطف قبلي فلا لي ملامـه
(( انا أتهم أنك سارقه مـن خيالـي=في ليلة قلبي غـرق فـي منامـه ))
لو كان وقتـي غرنـي عزتالـي=وغديت طير شابكٍ له حمامه
وقت ٍ على كسابه الطيـب مالـي=يلعب بشيخان العرب لعـب دامـه
من اول تذرى خشـوم الجبالـي=واليوم يغني عن ذرا الضلع خامه
ومع كل هذا مـا جمعـت الريالـي=ويهون موتي دون جرح الكرامـه
واجود باليمنى وتجهـل شمالـي=وهبال مسلط يعطي الراس زامه
حي (( مهبـول )) صامـل مـا يبالـي=ولا صاحي وقت الشدايـد (( هلامـه ))
الشعر بنتٍ لابـو زيـد الهلالـي=وبيتك يلوح بخدها كنه شامه
(( أنا أشهد انك سارقه من خيالي=في ليلة قلبي غرق فـي منامـه ))[/poem]

__________________

اشكرك


جزيل الشكر

__________________

تسسسسسسسسسلم يامبارك


اختياااااااااااااارك رائع جداً

وصح لسان الشاعرين

ابداع

__________________
« اللهم كما أحسنت خَلقي فحسن خُلقي »

تسلم يامبارك تسلم

وصح الله لسان السبيعي والعجمي

مرحبا بالجميع

والحقيقة شرفتوني

فشكراً لكم ،،

__________________

مبارك آل حاضر


جميل جداً هذا البيت الرائع اللذي إستثار المبدع ضيدان

وجميل جداً تفاعله مع هذا البيت وإبداعه في قصيدته

والأجمل هو إختيارك العذب ومشاركتك الرائعه

تقبل أطيب المنى ودمت بخير.

الله يعطيك العافيه يامبارك
وتقبل تحياتي وتقديري

سلمت يمناك يامبارك

اختيار موفق

لاعدمناك

اررررررررحب يامبارك وصح لسانك ولسان مسلط وضيدان


حقيقه عمل ادبي رائع ومجهود تشكر عليه لكن انا عندي ملاحظه او تنويه ان جاز اللفظ

ببعض الاخطاء المنقوله في القصيدتين وانا سمعت القصيدتين هذا من الشاعر ضيدان في كست

قبل ثمان سنوات تقريبا وبيت مسلط الصحيح يقول



قالوا هبيل وجايز ن لي هبالي**************هبال طيب ولاصحاوة رخامه


وكلمة(( قالوا)) في مطلع البيت ابلغ من كلمة(( انا)) لو لاحظت من ناحيت الوزن



وبيت ضيدان في مطلع القصيده اللي يقول فيه ((حييت)) والصيحيح انه قال


وليت يامسلط كريم السبالي**************من هول بيت ن يستحق الزعامه



وكلمة ((حييت)) لا تتوافق مع مطلع العجز ابدا ولاحظ في قراءة البيت الصحيح توافق المعنى



والبيت الذي يلي هذا البيت مباشره ويمكن انه سقط منك سهوا


بيت ن يجوز لطيبين الرجالي **************شرواك يارمز الكرم والشهامه



ايضا العجز الاخير اللي يقول(( في لليلة ن قلبي غرق في منامه))

الصحيح انه قال في(( لحظة ن)) او انه قال في(( حزة ن)) قلبي غرق في منامه


وعموما ماقلت للافاده لكي يعم النفع ولا ابخص حقك اخوي مبارك في هذا المجهود الرائع


تقبل خالص تحيااااااااااااااااااااااتي

اخوك عبدالله البشري

__________________

أخوي عبدالله

بالنسبة للبيت لملاحظة على

أنا مهبول وجايز لي هبالي = هبال طيب ولاصحاوة رخامه
أو
قالو هبيل وجايز لي هبالي = هبال طيب ولاصحاوة رخامه

صحيح ،، ويكون في علمك أنا سمعت هذا وهذا



أما بالنسبة

للبيت الاول


حييت يا مسلط كريم السبالي = من هول بيت ن يستحق الزعامه

فهو ابلغ في المعنى من ولييت
لأن ضيدان يحيي مسلط على البيت الرائع
فالمقصود من التحية في البيت هو الإشــــــادة وليس الترحــيب



بالنسبة للبيت الأخير
أنا أشهد أنك سارقه من خيالي = في ليلةن قلبي غرق في منامه
أول شي البيت سليم في المعنى والوزن
وأنا اشوف أنه ابلغ في المعنى من ( لحظة )

الشي الثاني أنا سامعه من ضيدان نفسه


على العموم شكراً لك أخي العزيز
وإن شاء الله القادم أجمل

__________________