اقرا اصعب موقف لي والرجاء انكم يالربع تكتبون اصعب المواقف لكم

ابغى كل واحد ياشباب يكتب اصعب موقف مر عليه وبصراحة وبدون احراج وانا اول واحد فيكم




بالنسبه لي اصعب موقف هو

رحنا مرة معزومين انا وناس من خياي رجال على كيفك شروا من يقرا بس انه كان معانا واحد تشرهون عليه شوي والمشكلة انه كان اكبر واحد فينا المهم جينا عند معازيبنا وقامو بالواجب وزود بس الموقف يام انا قلطنا في المجلس جلسونا في صدر المجلس وجلسو خوينا السبيكة جنب الشيخ وقد قالوا خياي من اللي بيرد على الرجال اذا عزموا سكتنا شوي احترام لاكبرنا لكنه قال ازهلوهم ويام انا جلسنا جاب اخو خوينا ومعزبنا سحلة ماء كبيرة مليانة ماء وكنا في حر عداها علينا ونصي بها اكبرنا يبغاه يشرب لكن ابو الشباب قام وطمر يده في الماء وغسل وكتمنا الضحك وضحك بعض المعازيب بس انها عاد حصلت ثم بعدها يام قومونا على الغداء قومونا لحالنا وكان هذا سلم لهذه القبيلة ويمكن بعضكم يعرفهم وهم العساريه وهذا من زود الكرم وعز الله وافين قال خوينا الكبير والله ما نسمي الا والشيبان معنا قال معزبنا هذا سلمنا وسموا قال لا انا حلفت راح المعزب لشيبانه وقال الرجاجيل حلفوا قوموا معهم قالوا ماحن بقايمين رحب بضيفانك وخلهم يتغدون رجع وقال سموا يالربع الشيبان عيو قال الموكل منا اللي هو الاكبر والله مانسمي الا وهم معنا رجع المعزب مرة ثانية الى ربعه وقالو ربعه ياولد هذا سلمنا انت صاحي رح رحب بهم طبعا حن ساكتين تقدير لخوينا ولا معاد ورانا شي وكنا مانمون عليه مرة المهم رجع معزبنا للمرة الثانية وقد هو زعلان قال سموا يالربع قال كبيرنا والله مانسمي فصاح المعزب من زعل وقال سموا بصوت عالي فانخرش رفيقنا وقال السلام عليكم يبغى يقول بسم الله المهم المرة هذي ما عاد مسكنا انفسنا متنا من الضحك والمعزب معنا ورفيقنا قال الله لا يعيدكم لا عاد حد يوكلني في شي وتراني ما نزلت السالفة الا قد استاذنت منه



وسلامتكم ارجو ان كل واحد يكتب اصعب موقف له

الله يرج ابليسك يالذيب أنشهد إنه موقف محرج






انا ماضحكني إلا يوم خجه بطنه وقال السلام عليكم



لاهنت لاهنت ياذيبان

__________________

لاهنت على المرور يابو مريع

انت تبعني في كل مكان الله يكفيني شرَك


سلم واسلم

ههههههههههه

عز الله أنه موقف محرج من جد


يعطونه الماء ويغسل في السحله ههههههههههه



ــــــــــــــــــ

مره معزوم على زواج ومتشخص من صلاة العصر والعرس بعد العشاء المهم أني متكلف في الشخصية

وداق ذيك الغترة البيضاء اللي ماعمري لبستها إلا في ذاك الزواج وكاوي ثوبي مرتين من زود الحرص

مالك بالطولة يوم إذن العشاء وأصلي من دون القصر عشان أجيهم عقب الصلاة على طول ( فيني عجلة )

وألبق الموتر قبل باب القصر وأنزل من الموتر وأقفل الباب وأقعد مقابل قزازة باب السواق عشر دقايق

أشخص وأدق في الغترة الجديدة وأسكبها وأضبطها وأجيك مقبل على المعازيب وحسيت أن رجلي خفيفة

يوم أناظر وأنا أخوك إلا إنا لا بس ( زنوبة ) الله يكرم من يسمع وأعطيها ( الوراء در ) وأقرب محل أحذية

وأشتري لي وحدة جديدة ( والحمد لله لحقنا على العشاء ) .


ــــــــــــــــــــــــــــــــــــ

تحيتاتي لك يالغالي

__________________



ممصمنا المبدع
تركي العلياني
ألف شكر لك

ههههههههههههههههههههههههههههههههههههههههههههه

والله موقف لكن عسى المعازيب ما شافوك


لو اني بدالك كان حطيت الغتره وجيتهم تقول مجهول ههههههههههههههههه


تحياتي يا ابن غفره

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

لو شافوني جيتهم حافي أزين


تحيتي

__________________



ممصمنا المبدع
تركي العلياني
ألف شكر لك

هههههههههههههههههههههههه

لالالاهنت


حلووووووووووووووووووووه

منـــــــــــــــــــــــــــــــــــــــك

لاهنت على المرور يا وحيد الجنوبيه



تحياتي

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

ههههههههههههههههههههههههههه

<< مع الخيل ياشقراء ههههههههههههههه


أصعب مووقف يوم قريت موقفك << فاضي


شكراااااااا

__________________

ولد مسرد لا يشرفني مرورك وامثالك

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها