[[ويفرح به القناص وقت الهدادي ]]

بسم الله الرحمن الرحيم

إخترت لكم قصيدة الشيخ الفارس : راكان بن حثلين رحمه الله ,,


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يقول قوال المعاني ابقرطاس =بين الدلم وخشوم قصر الابجادي

حول الطبيعة ورا ذيك الأطعاس =وبين الحشوم النايفه والحمادي

والبارحة ما غضت العين بانعاس =الا وعلى خدي مطرها حشادي

وقلبي كما بن يحرق ابمحماس =عليه صالي لا هب النار زادي

يا الله يا قايد من النود نسناس =يا معطي يا رزاق كل الاعبادي

يا اللي ليا ناموا الحليلين الأوناس =قمنا ونطلبك الهدى والرشادي

إنك تبوح الهم عقب التعوماس =وتفتح لنا من باب عرشك منادي

وخلاف ذا يا راكب فوق عرماس =مقدم سنامه بابه الشدادي

رباع قطاع الفيافي بالادماس =يطوي بذرعانه بعيد الريادي

يشدي ظليم جفله صوت رجاس =بمثولث دافوه ربع عوادي

بدل ليا جيت الجزيرة على الراس =يمشي بموجات خفيف اسنادي

رز الشراع وهب له ضد الاكواس =يبوح نجم ياليماني قصادي

ملفاك دار اللي له الرب حراس =ديرة أمر وين السيوف الهنادي

ملفاك شيخ من قديم على ساس =أبو خليفة سقم عين المعادي

حرسنا عينه كما نور مقباس =أشقر أكبيدي عريض الثنادي

مضرب أكفوفه لا برق الريش نكاس =ويفرح به القناص وقت الهدادي

سور البلد صعب على روس الأنجاس =وحظه باخوه مساعده بالسدادي

سعد الرفيق اللي به الحبل محتاس =ومشاهده يجلي اهموم الفوادي

يا شيخ عيلات الدهر تقلب الراس =وياماجرى في الكون من عصر عادي

وفكر وبرق في معانيك باقياس =عسى لسلطانك من الرب هادي

اللي ضفا حكمه على ذيك الأجناس =وسخر بساط الريح له بالركادي

وصارت حكاياهم تواريخ وأرماس =وشيء سوا المولى مداه النفادي

يوم الجدى في اللي وجدنا من الناس =عدالة الميزان بين البوادي

زدنا وعدينا ورا الحق باقياس =وعشنا بحد السيف في كل وادي

يا طول ما صدنا على عوج الأضراس =وصيور من صاد النشامى يصادي

ما رزقنا في نور قصر بن دواس =اللي جنوده مثل وصف الجرادي

دار جفت ربع عمايمهم الطاس =لا حل باطراف الجهامة امنادي

والله لو أعطا بها مال عباس =وفراش الديباج والشكر زادي

من عقب مجفاها لمرذين الأفراس =ومن عقب ذولا ما بها لي قعادى

وصلاة ربي عد ما هب نسناس =على شفيع الخلق يوم التنادي [/poem]

__________________