من قائل هذه القصيده:


لي بنت عم ن مامشت درب لدناس.........الخ


وش سالفتها..


الله يعطيكم العافيه..

اررحي يا الرفيدي

والله اني اسمعها من زمااااااان بس تصدق ما اعرف من قائلها لاهنت على طرح الموضوع لتعم الفائده


في انتظار الاخوان


تقبل مروري

__________________

أخي عبدالعزيز بن طالع
السلام عليكم ورحمة الله وبركاته
هذا ما أعرفه عن هذه القصيدة

القصيدة منسوبة لشاعر من قبيلة بلي وكذلك لشاعر من قبيلة الرمالات من شمر
قصة الشاعر البلوي
وقعت القصة على وجه التقريب حوالي عام 1283 هـ
قائل القصيدة هو الفارس الشجاع ( سعد بن مشعل بن شاحن من فخذ الهلبات من قبيلة بلي من اهالي طريف عاش الى عام 1309 هـ كان يرحمه الله شجاعا وفارسا لا يشق له غبار وكريما الى ابعد الحدود ومناسبة قصيدته انه في يوم من الايام حل عليه ضيوف من الحويطات واقام لهم الوليمة وذبح الذبائح ودخل الى الضيوف وجلس معهم وترك الزوجة تشرف على اتمام الوليمة وعندما حان موعد تقديم الطعام الفى اليه ضيوف اخرون وقدمة الوليمة ( وقلط ) الضيوف وزاد عدد على ( الضيفة ) وحس في نفسه التقصير بالواجب وبعد ما رحل الضيوف ودخل على زوجته وهو يهدر مثل الجمل الهائج وضربها وطلقها وارسل الى اخيها لياخذها الى مضارب ابيها وفي اليوم التالي سافر الى مكان قرب حائل لانه لايستطيع الاقامة في ارض طلق زوجته وابنة عمه التي احبها حتى الموت وعاش بعدها حياة تعيسة لانه لا يقدر ان يعيش بدونها وفي سنة من السنين مر على طريف في طريقه الى الشام وبالذات مر على مرابعهم التي تحمل اجمل واحلى الذكريات عندها فاضت قريحته بالابيات التالية التي منها :
لي بنت عم ماوطت درب الادناس

ياراكـب ثنتيـن يشـدن الاقـواس = مـن دار ريضـان الحجـر حركنـي
مافوقهن كـود الدويـرع وجـلاس = وسفايـف بيـن اربــع يلعبـنـي
تحركن مـن عندنـا حيـن الامـراس = ومضـى سـواد الليـل مابركـنـي
حكن علم عذفا يسارن مـن الـرأس = والظهـر مـع ورد الحفـر يشربنـي
وحطو لهم مع هقلـة الحضـر بـلاس = عن الحضر واللـي بالخـلا يسرحنـي
وليا لفيتوا عنـد مدقـوق الالعـاس = الجـادل الـلـي بالمحـبـه محـنـي
قولوا على حبل الرجا نطـوي اليـاس = ولبيـض غيـره كلهـن يحرمـنـي
ولو يندوي جرحي دويتـه بزفـواس = ولا بني رفاف البيـت منكـم ومنـي
والله يعلـم بالخفـايـا والآجــاس = حيث مضى من صغر سنـك وسنـي
وياعم اللي طعت بي هـرج الانجـاس = طاوعت هرج الناس واخلفـت ظنـي
طعت بـي ياعـم دايـس ودربـاس = وعـوارض صدقتـهـا وابعـدنـي
ومن لااخذ من درس الاسلاف نبـراس = تمضـي حياتـه بالرجـا والتمـنـي
واقفيت ادير بظامري كـل هوجـاس = على وليـف بالحشـا غـاب عنـي
تكبي خواطرهم ليـا جيـت عسـاس = ولاتقل انـا منهـم ولاهمـب منـي
ومريت دار ماتقـل جنـة الاونـاس = وونيـت ودمـوع العيـون ذرفنـي
جيت المراح اللي بالعشـب محتـاس = العشب في مضـرب وسـادة معنـي
محذا شبة النـاس ومشتاقـة الـراس = وثــلاث لايبـكـن ولاينبكـنـي
لي بنت عم ماوطـت درب الادنـاس = ولادنسـت يـوم النسـاء يدنسنـي
ضربتها وانا احسب الضرب نومـاس = طلقتها يـوم اخفـت العقـل منـي
ياناس كيف العين تبكي علـى نـاس = وكيف العيون بـلا رمـد يسهرنـي
لو ينشكي حبي على ذيـب لاخمـاس = يسـرح مـع الطليـان مايجفلـنـي
ولو ينشكي حبي على طيـر قرنـاس = اضحى الضحـى بمويكـره مستكنـي
ولو ينشكي حبي على قـب الافـراس = عيـن نهـار الـكـون لايفزعـنـي
ولو ينشكي حبي على الميـت مانـاس = يثـور مـن بيـن النصايـب يونـي
ولو البيـوت مشددينـه بالامـراس = عيـن مـع الخـفـرات لاينبنـنـي
وحتى النجوم اللي مع الليـل غـلاس = لـو ينشكـي حبـه لهـن وقفـنـي
ولو ان غوطة (دم سلمان ) واضـراس = يـدرن بماقلـبـي لقلـبـه يكـنـي
تلقى سهل جبـة هضـاب ومنحـاس = وحتى الجبـل بالقـاع صـار متثنـي
اشرفت رأس ضراس من فوق الاطعاس = ولالـوم طـراد الهـوى لـو يجنـي
هليت دمع العين واوميـت بالـراس = ورافقت كور العيـس يامـا ابعدنـي
ورفعت نفسي عن شبا كل وسـواس = البعـد احلـى مـن حيـاة التمنـي
انا زبـون الحـرد للخيـل مدبـاس = ياكلشـن شهـب الشـوارب نخنـي
نفسي تشوم عن التدلبح مع السـاس = ولاعاش من هو عـن رفيقـه يكنـي
من شيدوا (زينة ) على غيد واغـراس = ليـا نسيـت رسومهـم ذكـرنـي
ياعم انا لي طلبـة الـراس بالـراس = ياعـم شـوف رسومهـم ماانمحنـي
ولو صرت ان القلاع ماشلت الاضراس = والمـوس مايقطـع بلـيـا مسـنـي
ياصار ماربعن علـى الـرائ جـلاس = وجنحـان طيـر السعـد يلفحـنـي
نصيـر دوم للصقاقـيـر مــدواس = مثـل اللـي يسمـع صفيـر المغنـي
والله يـلـولا بـكـرة يبـوونـاس = حبه سكن باقصـى الضمايـر محنـي
والله لـو هـي ماتبينـي فـلا بـاس = لاشـك خبثـان النفـوس طردنـي
وانا احمد اللي خالـق كـل الانفـاس = وجعل وسـاع القـاع مافيـه منـي
دار بـدار ولامناخـات الانـجـاس = ياصـار مايمنـاك عيـنـك تـزنـي
في بلدة الغـراف مـن جملـة النـاس = ولا نيب من يرجـي الخلايـق تحنـي
دار به الاكرام والطيـب بـه سـاس = دايـم تذكـرنـي لـيـال مضـنـي



والمراد ( بسمحه هي ناقته )

وبعد ان ارسل القصيدة الى عمه ووالد زوجته يطلبه العفو والسماح بارجاع زوجته اليه فعرض عمه الشيخ هليل بن شاحن بن هلال المطرفي على ابنته زوجة سعد بن مشعل ولكنها رفضت العودة الى زوجها الذي ضربها وطلقها وطردها واهانها بين القبيلة رغم انها تحبه حتى الموت ولكن كرامتها وشيمتها منعتها من الاستجابه فارسل اليه عمه هليل الابيات التاليه قال الشيخ هليل :



قولوا لابن مشعل خذ الهرج بقياس = ذي عـادة الايــام لادبـرنـي
اللي معه ميز ونامـوس بالـراس = يقدم لاهل عوص النضا كل فنـي
ويحط له بـن وهيـل ومحمـاس = ودلال في حـد الوريثـه ايجنـي
وحياة جلاب المطر مغني النـاس = يا فيك نيات الـردا مـا طرنـي
لكن ما ابغا اللمس في خاتم الماس = حيث ان فنك ما يباعـد لفنـي
اطو العزا يا مكرم الضيف بالياس = ودور بدلها يا حـراوي مضنـي
قبيلة بلي وكذلك منسوبة لشاعر من الرمالات من شمر واختلفت القصة عند كل من الشاعرين

وقصة الرمالي
كان شرعان بن فهيد بن فاران بن رمال الشمري يعيش في جبة قبل سنين عديدة في جبه وكان كثير الخلاف مع جماعته الأمور العامة فقالوا لماذا لا نرسل على زوجته من تقنعها بالتحدث إليه أثناء الليل فنفذوا هذه الفكرة ولما أرخى الليل سدوله جائته زوجته (ابنة عمه واسمها فزه ) فحدثته بهذه الأمور التي لا تعنيها فغضب عليها وضربها ورمى عليها يمين الطلاق فذهبت إلى بيت أهلها فلما هدأت أعصابه تندم على فعلته وذهب ليرجعها من أهلها فقال عمه البنت حرمت عليك واسأل المشايخ ( دايس ودواس ) فهم من حرموها عليك فذهب إلى العراق بعد ان ضاق ذرعاً بمن حوله فهاجر إلى العراق واستضاف شيخاً من شيوخ المنتفق وأمضى بقية حياته هناك
وشرعان شاعر فذ وتصور طريق عودته إلى جبه من نسج الخيال مبتدئاً من ريضان الحجر في العراق مروراً بعذفا وحفر النفود إلى أن وصل إلى قريته التي فارقها قبل سنين ويشرح معاناته فيها
وينفس القصيدة السابقة

دمتم في حفظ الله

جزاك الله خير يالرفيدي

وبيض الله وجهك.

وبيض الله وجهك يالرهالي على التوضيح والجواب الكافي

بسم الله الرحمن الرحيم
السلام عليكم ورحمة الله وبركاته


الاخ العزيز /الرهالي.


الله يبيض وجهك ويعطيك الف الف عافيه ومشكور ملايين على الرد الكافي الشافي..



اخوك/ ابوحـــــــاتم..

الرهااااااااااااااااالي



بيض الله وجهك على ها الاطلاله الجميله



ولا هان من أثاااار الموضوع


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

هاذي القصه تعتبر فيها من الوفاء للزوجه فقط هاذا رأي صراحه