قصيدة الشيخ عبدالرحمن بن مشلح بن سفران في اخيه سلمان

04-04-2012, 05:35 AM

راعي المصنه

عضو نشيط

تاريخ التسجيل: Jan 2005

الدولة: الرين

المشاركات: 321

قصيدة الشيخ عبدالرحمن بن مشلح بن سفران في اخيه سلمان

قصيدة وجهها
الشيخ /
عبدالرحمن بن مشلح بن سلطان بن سفران
لاخيه الملازم /
سلمان بن مشلح بن سلطان بن سفران
بسم الله يالمعبود جزل العطايا = أبدا بذكره واذكره بين الأشهاد
... واستغفره من خافيات الخطايا = وأرجيه عفوه لا قلطنا باالألحاد
ان ما وقانا ما تفيد الوقايا = اليه مرجع كل نفس بميعاد
يا راكبن جيبن فريد المزايا = صنعة يهودين على الصنع معتاد
في صنعته ما هوب يبغا وصايا= مبدع ولولا فكرته كان ما ساد
لا دارها ما قال باقي بقايا =يدرك مدى اللي تجهله روس الأسياد
صمم عديمن ما وجد له حلايا = لو حده الحادي عن الصعب ما حاد
عليه يا المندوب زبن الونايا = وصل كتاب اللى ذبحه التوجاد
صوب الشجيع اللي يقض السرايا = لا عودت بين العرب نهب وطراد
حفيد قومن فالملاقا جرايا = نارن سناها في سما المجد وقاد
لا جيت أبو مشلح زبون الونايا = تلقى تراحيبن على العز تزداد
وتلقى الشحم في دار سمح النوايا = سلمن تسلسل من على روس الأجداد
سلم عليه اعداد وبل الرفايا = واعداد ما غنى على القاف قصاد
سلامن أجزل من جزيل الهدايا = وأبلغ من الترحيب في طبع الاجواد
واثن السلام و بلغه بالتحايا = وعطه الكتاب اللي من الجاش منقاد
عزالله اني في كثير القضايا = ما سقت هجسي بين صادر ووراد
واللي على قول الحقايق زرايا = تشعب ضعنها في ذرى الضلع من غاد
مالي ومال امزيفين الحكايا = صدام راح وما صلح حال بغداد
للعز قومن يشعبون المطايا = والعز يلزم صاحبه صبر و اعناد
ولا الهزايل و الردى و الدنايا = ما هيب في حاجة معانات واجهاد
الحر ما يرضى الوطا والدنايا = لو جور وقته من على منكبه زاد
والاوله ما هيب مثل التلايا= قد قيل من لا يسبر الصيد ما صاد
يا حر يا اللي ماكرك فالعلايا = طبعك عديم ولك مخاليبن إحداد
طرقت دربن يتعب أهل الحكايا = للي مراجلهم على مكلة الزاد
والرجل يصبر وان بلته البلايا = يسطى ويبجد له على العز ميراد
وإليا صدف له في طريقه حيايا = ياطى عليها بالقدم لين تنباد
لعل غمرن ما يسوي سوايا= اتنومس أعياله وربعه والاحفاد
ياتيه من سود الليالي شظايا = تفنيه ما له بين الاشبال مقعاد
ويذفن وهو حي بقاع خلايا = لامنه لاعز ولا منه افواد
العز يطلب في جميع النحايا = وعمر الفتى مره ولا فيه معواد
ايه افتخر بك يا كريم السجايا = مثل تفاخر عبس في نجل شداد
لانك تذكرني الشيوخ الدهايا = شيخانا اللي روحو دون ميعاد
أهل المواقف والوفا والحمايا = مشلح وأخوه أذياب كساب الامجاد
ما مت يا مشلح وسيع النهايا = دام ان أبومشلح لنا درع واسناد
سلمان سعد اللي وطته الرزايا = أمجري الهياب وقت الترداد
هاذي حقيقه من بنوك الخفايا = أبديتها من منطلق حق وأحياد
وأنا على خبرك عزومي رهايا= ما لدني عن سكة الطيب لداد
حتى لو اختلفو كثير البرايا = تبقى مبادينا على ساس واشداد
اصارع الدنيا على كل رايا = وتطيعنا لو هي صعب لين تنقاد
نجعل على كبد المعادي كوايا = وكلن يحدد منهجه كيف ما راد
و الطيب يجزى بالكفوف السخايا=ينطح ابمثله ما يجازى بالاضداد
واللي يلقط له علومن عرايا = ما همنا وسيوفنا وسط الاغماد
عمر الفتى يقفاه سيل المنايا= ولا يدوم إلا الذكر بين الأشهاد
وختامها مني جزيل التحايا = يا معرب الجدين يا الساطي الحاد
عيد الفطر يقفاه عيد الضحايا = وشوفك نعده ثالثن بين الأعياد

__________________

اللهم اغفر ولوالدي ووالديهم والمسلمين اجمعين

انا حس كني مالك الارض واهل الارض ***** وكن الملوك اللي على الارض خدامي
ليا قمت من نومي وصليت قبل الفرض ***** وسبحت واستغفرت والناس نيامي

#
#
مشلح بن حسن بن سلطان بن سفران

04-04-2012, 02:19 PM

ناصر آل جمان

..::شاعـر::..

تاريخ التسجيل: Dec 2010

المشاركات: 499

ناصر آل جمان is a glorious beacon of light

رد: قصيدة الشيخ عبدالرحمن بن مشلح بن سفران في اخيه سلمان

صح الله لسان الشيخ عبدالرحمن
وجعله مايعجم على هذه الشامخه
واخوه سلمان يستاهل
والاخوه والطيب جدية لهم ما هي جديده
وسلمت ياراعى المنصه على النقل وتحياتي
وعلى المحبه نلتقي

__________________

التعديل الأخير تم بواسطة ناصر آل جمان ; 04-04-2012 الساعة 02:21 PM

04-04-2012, 03:23 PM

ابو منصور ال سالم

عضو

تاريخ التسجيل: Sep 2011

المشاركات: 59

ابو منصور ال سالم is on a distinguished road

رد: قصيدة الشيخ عبدالرحمن بن مشلح بن سفران في اخيه سلمان

صح الله لسانك والله يديم بينكم المحبه

22-04-2012, 01:08 AM

راعي المصنه

عضو نشيط

تاريخ التسجيل: Jan 2005

الدولة: الرين

المشاركات: 321

رد: قصيدة الشيخ عبدالرحمن بن مشلح بن سفران في اخيه سلمان

اقتباس:

المشاركة الأصلية كتبت بواسطة ناصر آل جمان

صح بدنك يالغالي
وماعليكم زود الله يحييك
واسعدتني بمشاركتك الرائعه

__________________

23-04-2012, 12:59 PM

حمد الظلافيع

مشرف
مجلس الديار
و قصص وسوالف من الماضي

تاريخ التسجيل: May 2008

المشاركات: 886

حمد الظلافيع has a reputation beyond repute

رد: قصيدة الشيخ عبدالرحمن بن مشلح بن سفران في اخيه سلمان

الشاعر ومتسلسل من روس شيخان ونعم المادح والممدوح

__________________

07-05-2012, 03:38 AM

راعي المصنه

عضو نشيط

تاريخ التسجيل: Jan 2005

الدولة: الرين

المشاركات: 321

رد: قصيدة الشيخ عبدالرحمن بن مشلح بن سفران في اخيه سلمان

اقتباس:

المشاركة الأصلية كتبت بواسطة ابو منصور ال سالم

صح الله لسانك والله يديم بينكم المحبه

صح بدنك يبومنصور
والله يجزاك خير

__________________

29-05-2012, 12:55 AM

راعي المصنه

عضو نشيط

تاريخ التسجيل: Jan 2005

الدولة: الرين

المشاركات: 321

رد: قصيدة الشيخ عبدالرحمن بن مشلح بن سفران في اخيه سلمان

اقتباس:

المشاركة الأصلية كتبت بواسطة حمد الظلافيع

الشاعر ومتسلسل من روس شيخان ونعم المادح والممدوح

اررررررحب يبوسعيد
وشاكر لك على الرد الجمبل
وماعليك زود

__________________

12-04-2014, 10:53 PM

ابيض المشعاب

عضو

تاريخ التسجيل: Mar 2007

المشاركات: 54

ابيض المشعاب will become famous soon enough

رد: قصيدة الشيخ عبدالرحمن بن مشلح بن سفران في اخيه سلمان

صح لسان الشيخ عبدالرحمن بن مشلح وقصيدته في اخوه جزله جعلهم مايفترقون.

__________________

[flash=http://www.m5zn.com/uploads2/2011/9/18/embed/091811100935ydkyj5oxe.swf]WIDTH=550 HEIGHT=333[/flash]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشيخ عبدالرزاق عفيفي 1323هـ ــ 1415هـ	أبوسالم	مجلس الإسلام والحياة	11	23-05-2007 01:29 AM
خـذ كـلام ابن خـلـدون يالمنيفي وخل عنك البلادي	ولـد ام القبـايل	مجلس الأنساب	5	05-10-2005 04:35 AM

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى