[poem=font="Simplified Arabic,5,#FF0F00,bold,normal" bkcolor="" bkimage="" border="double,4,#400000" type=2 line=0 align=center use=ex num="0,#400000"]
سم الذي خلف المحاجي...تفافيق = قومن تبي تنزع عن الراس تاجه.[/poem]



-------------------------------------------------------

[poem=font="Simplified Arabic,5,#000DFF,bold,normal" bkcolor="undefined" bkimage="" border="groove,5,#0300FF" type=2 line=0 align=center use=ex num="0,#400000"]
اليا نوا لي والي العرش توفيق = بابن من الرحمن شفت انفجاجه.

اللي خلق كل الملا دون تفريق = ويلقى التقي عند الحساب انبهاجه.

قالو شدايد...قلت من دونها طويق = عبدالله الكايد...ذراه وسياجه.

أنت المليك اللي ملكت المخاليق = فايض وفاكم والعدل من نتاجه.

في نظرتك حكمة زعامه وتدقيق = بعد المدا فيها صواب انتهاجه.

نظرة تأني... في مداها التوافيق = ولا هنت ياعدلن رفضت ازدواجه.

فضايل الرحمن في ذاتك اتليق = الحق طبعك... والتصنع سماجه.

شمس الوفا منكم شعاع ومشاريق = تغنيك عن ليلن شعاعه سراجه.

الكايدات المبهمات المغاليق = اللي بها العارف يزيد انزعاجه.

تمسي مماليكن... وتصبح معاتيق = وردت قراح الما... وعافت هماجه.

يغسل عناها وابلن نوه امويق = تسمع وحيف السيل.. قبل اندراجه.

هذاك ابومتعب زبون المطاليق = طب الجريح... اللي تعذر علاجه.

سم الذي خلف المحاجي تفافيق = قومن تبي تنزع عن الراس تاجه.

وانت الملك عز الخوي... ساعة الضيق = ولايرسم اوسوم الجفا في حجاجه.

ترجح موازينك على الصدق....تصديق = والصادق اليا جاك عندك خراجه.

القلب من دونه ضلوع ومعاليق = والنور ما غط السحاب انبلاجه.

وانا بعد طوقني الحمل تطويق = منصاي من يصمل نهار المواجه.

أمظلل المشراف....راس الشواهيق = أتعب محيطه من مشابه وداجه.

امشرع ابواب الحظوظ المواثيق = ومن شاف عبدالله يشوف انفراجه.[/poem]
-----------------------------------------------

__________________
[align=center]


ثواب بن زيد الحارثي
THAWAB1398@HOTMAIL.COM [/align

صح لسانك ياثواب


قصيدة رائعه جداً
والقصيد النادر والراقي لا يستغرب عليك فشاعريتك جميلة جداً ومن النوع الفاخر


ملك القلوب يستاهل المدح والثناء
وواجب على كل شاعر ان هذا العادل الصادق

بيض الله وجهك ولاهنت


اخوك

أرررررررررررحب يالحارثي تراحيب الحيا

وسلم راسك

وصح لسانك

والجزل لا تشكيك في جزالته


تقبل تحياتي

__________________
[poem font="Simplified Arabic,5,red,bold,italic" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
والله أنااا مرتوين للزرار =و والله إنااا أطوال وأشهر من علم[/poem]

sehman_a@hotmail.com

ارررررررررررررحب يالحارثي تراحيب المطر ..



قلته من اول .. وجود شرواك مكسب ..


محلك واخوانك ..



بالنسبه للقصيد فأنت جزل ولا نشك في جزالتك


صح لسانك ياكحيلان

__________________

لسماع قصائد الشاعر : سعيد بن مانع
اضغط هنا

الله يبيض وجهك

وصح لسانك

من كريم لامستحق

انت شاعر وابو متعب يستاهل القصيد

شرفتناااااا