علي بن شبله ال سلمان....... ذيب بن جريب ال سلمان

[poem=font="Traditional Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
صـــــــــــــــوت ...... وصــــــــــــــــدى

لا هاض فكري خذت من بيض الاوراق ... وكتبت ما يطري على البال ياذيب

أعسف بنات الفكر وتجي وتنساق ... وتشل ما شالته حرش العراقيب

البارحه ضاق الصدر والفضاء ضـــاق ... وعيني تخايل للنجوم المراقيب

أسمع عواء سرحان في كل الآفاق ... وعواه هيضني وجاوبت تجويب

أشوف في العربان جامع وفـــــراق ... والحظ مر يصيب وأمرار ما يصيب

وأشوف في العالم مكذّب وصداقّ ... والصدق قل وكثر هرج المكاذيب

وأشوف في العربان مغرم وعشــاق ... وأردي جروح الحب دايم معاطيب

ما يوجع الرجال ويجيه الإرهــــــاق ... إلا هــــــــــروج" تصدمه مالأقاريب

إليا سكت زادوا الطبق عشرة أطباق ... وإليا هرج يلحقه عيب وعذاريب

من ذاق صبر الهون والذل من ذاق ... قليل من ذاقه وذااااااق العــواقيب

لكن لي كلمه وعهدن وميثـــــــاق ... ولي واجب عالناس ولهم مواجيب

الخيمه اللي ما لها طنـــب ورواق ... ضيفانها تشره على لحاء المعازيب

جف الحبر وصكيت أنا بيض الأوراق ... وذا ما طرى عالبال يا ذيب يا ذيب





بن شبله




.................................................. ............


لاهاض فكري لاح بالراس براق

وارخى خياله بين عوج المحاديب



ترزم رعوده والمطر فيه ينساق

ويجر سيله لين تصفي المشاريب



البارحه نومي جفا سود الامواق

والقلب كنه فوق حامي الكواليب



ماهاض فكراً باعذب الشعر دفاق

صوت من اهل العز جاء بالكاتيب



ذيب عوى ماهو بحاديه الافراق

والذيب لا منه عوى جاوبه ((ذيب ))



والعز سيف ماغفت عنه الاحداق

والجور مايحمله غير الاشانيب



الغصن يبقى فرع من مطلع الساق

ياصاحبي مايعطب الغصن تهذيب



مادام راسك للوفاء دوم تواق

الطير مايحفر صخر بالمخاليب



اكتب بدايتهم على غصن دراق

وشذب شجر لصحاب مالشكوك تشذيب



واغرس على دربك من الطيب مالاق

واترك زمانك يبدل الغث بالطيب



ترى الصميدع عادته دوم سباق

صفح وتسامح عن كثير المطاليب



اشرب مرار الصبر تزداد باشراق

مادام مر الكاس جود المعازيب



المر في بعض المواقيف ترياق

ليا صار من سيف عليه اللواليب



ويشفيك في بعض المواقيف تفاق

مايعتذر لا صار قدح المشاهيب



ذيب العبيدي[/poem]

ياسلام ياسلاام

صوت وصدى رائعين

صح الله السانك والسان العبيدي

__________________

ارحبو جميع

وصحت ألسنتكم

صوت وصدى رائعين

بيض الله وجيهكم ياوجيه ولد الحارث

قصايد جزله ومعاني قيمه ولا يستغرب الطيب من هله

لاعدمناكم

الله لايهينك ياعلي على النقل

تحياتي وتقديري للجميع

__________________