بعد التحيه ارجو من الاخوان المشاركه وحتى لو كان نقل من منتدى اخر بعض المعلومات او الصور المفيده والجديده لتعم الفائده ولكوني من المعارضين ان يكتب تحت المقال او غيره كلمة منقول من كذا او من منتدى لأن الانتر نت ليس له حمايه فكريه او حقوقيه ملكيه فمن اراد ان ينسبه فلينسبه .وانا مشغول الفتره هذي لتجهيز وتدريب طيور القنص من تدهيل ومدعى وتعليم وتدريب وهدد............... الخ ...وسوف اكون متواجد حسب ماستطيع كون التجهيز صباح ومساء ولاتقصروووون .

__________________

انت وينك ... قيد لك فتره ماشفناك

لا تتعذر ... لازم تحضر اهنا دايما .... ياخوي فقدناك الله يهديك

اسمع اذا بتغيب كم يوم لازم تبلغ الاداره حتى نعرف حنا وين انت فيه

وحمدلله على سلامتك

هلا ابن الاروق شلونك انا موجود وادخل كل يوم تقريبآ بس عندي حول عشرين طير فروخ احرار لازم اعلمها خبرك سهيل ظهر والقنص دق بابه ولازم اعلمها كلها عشان تكون جاهزه للمقانيص , وخبرك صبح ونهار وفي الليل جلسة سمر مع أهل الطيور وتجهيز المواتر الى اخره وفارس قحطان موجود بيحل بدالي لين اخلص وانا في نفس الوقت موجود ولايهونون الغير وبشارك وجيبلكم العلوم ولايهمك يابن العم...تحياتي

__________________

صقر القحاطين

الله يكون في عونك

ولا تخلينا من الصيد عطنى منه

ونكفيك انشالله في غيابك

ولكن دائما ،،، ننتظر مواضيعك المميزه بفارغ الصبر

اخوك
فارس قحطان

__________________

صقر القحاطين

والله يعينك

أيه والله أنها تعب وخاصه الوقت هذا دعوي وهدد لا وبعد عشرين فرخ الله يعينك صدق
أنا كان عندي طير واحد وكان مسوي فيني البلى كله ولكن بعد وناسه معليه يارجال
بس الله الله بالتصوير عشان يكون مصدره من عندنا وأما الصيد فوالله مانيب حولك
والله يستر عليك .....


سعيد المهداني

اللــــــه يعينك
وابشر باللي نقدر عليه .


وان معك في كلمة ( منقول ) بس وش نسوي ، لأنه لو صار فيها اي غلط من ناحية المعلومات بيكون العتب على ناقل الموضوع او كاتبه ، لكن للابتعاد عن المشاكل نضع كلمة ( منقول ) ، وهي ماهيب ضارة ان شاء الله .



أخــــ السيف النادر ــــوك

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

اخوي صقر القحاطين
الله يكون بعونك
وانت رح وسنع امورك ولك كافي ان شاء الله بس عاد
حن ما ودنا نقول ذا الكلام ثم تنسانا
والله يعينك ويحفظك ويستر عليك

__________________
[frame="6 80"]عدت من جديد [/frame]