الأيام يومين

[poem=font="Simplified Arabic,6,black,bold,normal" bkcolor="transparent" bkimage="" border="double,medium,gray" type=1 line=0 align=center use=ex num="0,black"]
تذكرت وتـفـكـرت فـي سـود الليالي= أشـوف الوقت ما ينعرف عدله ومـيله
مـع الأيـام يأتـيـك حال بعـد حالي= تغـيـّر طـبع الأجواد في يـومٍ وليله
وبـان الفـرق بـيـن الـقـديـمة والتـوالـي= عـلى مـا قيل حازت فصيله عن فصيله
ويا سـامع نصيحة شـباب العمر غالي= ولا يغـُرك سحاب سناء برقه تخيله
إذا تبغي تنال المعالي لا تبالي= ولا ترضى الكـسـافة عواقبها وبيله
تغـرّب واطـلب الرزق لا تصير اتكالي= ورزق العبد مـضـمـون والمولى كفيله
ودور ما يفيدك من علوم الرجالي= تفيد وتستفيد الكثيرة والقليله
وجالس واستمع في المجالس ما يقالي= اليا جالست عرّاف وكبار القبيله
تخيـّر مـن تجالس وكن رجـل مثالـي= ومن لا تـنـفـعـك رفـقـتـه دور بـديـله
وبيـّن موقـفـك مع كريمين السبالي= اليا عـدوا هل الجـود لك معهم حصيله
واليا هـبت من الشرق وألا من شمالي= تجمـّل واعـمـل الخـير والدنيا مـزيلـه
ترى الرجـّال لـوجيـبه من المال خالي= ينال الجود مادامت أهــدافـه نبيلـه
وترى الأيام يومين ما فيها جـدالي= احسـب حسابها والفتى قلبه دليله
وترى مـن حط رجله على جال هيالـي= مصيره يفـقــد الممكنه والمستحيله
وترى بعض الراجيل ما يسوى ريالـي= مداه قريـّب ما هـو براعـي طـويله
قليل الخاتمة لا تعـدّه راس مـالي= اليا مـن بـارت البايره بـار بعـمـيله
واليا جـاك الخـطأ مـن رفـيق لك موالي= تحمـّل لـلخطـيه ولـو كانت ثـقـيله
تـعـقـّل واتـبـع القـادي ودرب الـعـدالي= وحاول دام لـك باجتـناب الشر حيله
مضى وقـت الجهل كل وقت له مجالي= وبـيـت الشعر يكفي قصيره عن طويله[/poem]

الناس تفنى والمباني والاملاك **** والقول يبقى والخبر للتوالي

الشعر معنى حكمته بعد الادراك **** وما كل ما يلمع على النور غالي

والشعر صورة شاعر فيه تلقاك **** اما لبس لك جوخ و الا سمالي


شكرااااااااااااااااااااااااااااااااا



............

__________________

صح لسانك يعطيك العافيه


لاهنت

__________________

صح لسانك

وبيض الله وجهك

الأخ عبدالله المشعلي

صح الله لسانك .. واعتلى شانك ..

قصيدة جزلة .. أشكرك يا الغالي ..

فواز ابو خالد
صح الله بدنك
وتسلم وتدوم
تحياتي

عايض الفهري
صح الله بدنك وتسلم وتدوك
تحياتي

ممدوح الحارثي
صح الله بدنك
وتسلم وتدوم
تحياتي

مشاري بن نملان الحبابي
صح الله بدنك وتسلم وتدوم
تحياتي