رسالة الى الظور وردها

بسم الله الرحمن الرحيم

الصلاة على النبي

فتل

الشاعر

ماجد بن شارع العاصمي

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
سلام ياشاعر على بدع الاشعار=يغوص في بحوره بليا غرابه

بعد السلام وقبل سجه ومشوار=ومن قبل ماتضرب طبول الحرابه

يابن كدم وين انت ياراعي الكار=يابن الرجال اللي نحسب حسابه

ياصلب جدي (ياذرا الضيف والجار)=يانوم عين اللي زمانه شقابه

جتك الرساله تكشف اسرار واسرار=لوكان فيها لفتن وانقلابه

مريت لي منزل عليه الزمن دار=قمت اتلفت له وحبيت بابه

قامت دموعي من على الخد مدرار=كني يتيمن يشتكي حر مابه

والا مجلى من دياره على ديار=والا مسافر فوق متنه زهابه

ياما لفوبه من نشاما وخطار=واللي سطاه الوقت جاه ولجابه

بيت الكسافه هزته وقت الا عصار=وبيت المعزه شامخن مادرابه

احدن على ربعه كما ظل وانهار=واحدن يشيل السم في وسط نابه

عسى الردي ياتيه قصاف الاعمار=مدام همه في زمانه هبابه

رداه بين الناس ملفت للانظار=وكلن على ساقه يجهز ركابه

ماعادله بين المخاليق مقدار=اصبح طعام وحوش في وسط غابه

علمه قبل هالعام ذاعته الاخبار=سهير قيسي ذاعته بالنيابه

عنتر لوانه ماخذن دور غوار=عود على غوار ثم انتخابه

واليوم انا من وضع الايام محتار=هذا سوالي وانتظر منك جابه

كان العبيدي مالفاني ولازار=يبقى بعيني بين قدر ومهابه[/poem]


نقض

الشاعر الظور

سعد بن كدم

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
بديت بسم الي عزيز وغفار=جزل العطاء الي مايخيب الرجا به

يرهي لنا من مدته طول لعمار=حتى نزور الي عزيز جنابه

جاني من ابن شارع مكاتيب واخبار=وحنا نرحب به ونشهر كتابه

اطلق علي الصقر من كف صقار=الوي له الغتره ولاباهقابه

مكتوبكم عندي يساوي الف مليار=احف به وازف به واهنابه

لانه من الي ذكرهم يرث اسطار=تفخر بهم لقصين قبل القرابه

عواصمٍ دارت على كل لقطار=يانسل حلاف الفخر والنسابه

جحادرٍ راحوا وراء الشول محدار=وحطوا على نجد العذيه سحابه

يتلون شيخاً يكسر القوم لاثار=وعلى بني عمه ابصدره رحابه

قحطان ساس للعرب والتفيخار=من الخليج الى الجنوب وهضابه

والبيت له مقدم وكربه ومسمار=تقس بيت العز لاينغدابه

والوقت ياماجد تغشته لخطار=والسيف لملح ضربته في نصابه

وعنتر بلا شكه شجيع ومغوار=وعضده قوي ويفترس من عدابه

لاكن بابه قفله بين لمصار=ياحيف ياعنتر ولو صك بابه

الشام شامك كان فيك الدهر بار=وترا اليمن لك فيه ربعاً ولابه

نحب ذكره وشوره يكف لشوار=الله يرحم شايبه في ترابه

لاكن عنتر مايبي شوف غوار=وغوار ساكت عارفين جوابه

قصره على ساسه وهو فيه ختيار=وله ضيعةٍ فيها قنيب الذيابه

يقدرونه لنه خير ومختار=ومن جاه يشكي الضيم خفف عذابه[/poem]


ودمتم بخير وعافيه

أرحب ياماجد

صح لسانك انت والظور

__________________

أجمل شي في ألانسان قلب صافي يدعو لك

الله الله ..

ارحبووووو جميييع ..

صحت السنتكم مدد بلا عدد ..

جزاله غير مستغربه من الجميع ..

__________________

الله الله الله

بدع ورد مميز

صحت ألسنتكم وبيض الله وجيهكم

وكلكم روؤس عرب ولا يستغرب العلم الغانم منكم

وافيين وافييين وجعلنا مانتبدل فيكم يالقروم

تقبلوا مني وافر التحيه والتقدير

__________________

تبقى تبقى يابو ريان

شرفني مرورك جعلني ماعدمك

لاهنت

تقبل تحياتي واحترامي وشكري الجزيل

صح الله السنتكم على الابيات الوافيه

الله الله
صح لسانك انت والظور

__________________

اولا الله يبيض وجيهكم وصحة السنتكم بارك الله فيكم والمكتوب من الله ماعنه محاص

هذا اللي الله كتب لنا صوت وصدى ومعاني وعمق ونقض وفتل شعراء لاعدمناكم

ارجو الا تبقى يتيمه ننتظر ابداعاتكم القادمه وان غدا لناظره قريب دمتم بالف خير ,,

__________________

ارحب يافلاح وصح بدنك

ارحب يابوعساف ولاعليك زود يالسنافي