يانـجــد,, لك دمعـي على الخد سيّال ,, قرْب الرحيل وزاد نوح المولع

السلام عليكم ورحمة الله وبركاته


اولا اعتذر عن الانقطاع للفترة الماضية ,,, لظروف الحياة


وحبيت اصافحكم من جديد ,, بجديدي فالقصيد , واللي تعبر عن نفسها ومضمونها


فأرجو ان تنال اعجابكم ,,,, ولكم كل الود:


يـانـجـــد

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياربعنا والحال ماعـاد هـو عـال=الصبـر ينفـذ والهمـوم اتّشـلّـع
والهم موجه يصفق الجال بالجـال=يالين مشيي من عنا الوقت ضلّـع
يانـجــد ,,, لك دمعي على الخد سيّال=قرْب الرحيـل وزاد نـوح المولّـع
يانـجــد ,,, فكري من عنا البعد مهتال=شوف الصبر بابـه عليـك يتخلـع
واحساس ماظني له القاف يشتـال=والبعد همّـه فـي خفوقـي تفلّـع
ترني على فرقـاك مانيـب محتـال=واجزع من الفرقا جزيـع المهلـع
ذيّرت قبـل العـام واليـوم لا زال=جمرة هجيرك فـي خفوقـي تولـع
بالله ياهل نجد قبـل ابـدي الحـال=واظهـر خفايـا للمـلا ماتطـلّـع
خلوني امضي دام من قال ماطـال=قبل ابدي بنـوح الغريـر المدلـع
اللي ليا مـن نـاح بالنـوح قتّـال=واليا سكت تبطي عيونـه تتطلـع
واليـا تكلـم مـا توفّيـه الاقـوال=يكفيه دمعـن مـن عيونـه تهلـع[/poem]

ماجد بن شغاث آل روق

أررحب يابن شغاث

وصح الله لسانك وبيض الله وجهك والحقيقة ذكرتني بأبيات

للشاعر هادي بن جليغم حول هذا الموضوع أذكر منها

هذه البيتين :


يانجد والله إنك على البال يا نجد=أغيب عنك شهور وألا ليالي
عز الله إن قلبي تولع من الوجد=من كثر ماغنيت ياوجد حالي

سجل إعجابي بطرحك....

__________________


والله إنه صادق

صح لسانك يابن شغاث...
شكرا على الجزالة...
تقبل مروري..ِ

البقا يالوهابي ,,
وصح الله بدنك وصح الله لسان ابن القعيمة

ولاهنت على مرورك العطر ,,,,

صح الله لسانك يابوعبدالله واعتلى شانك


قصيدة جزله ومليانه ولو شهادتي فيك مجروحه


وديار نجد كل الشعار تغنو بها من قربها للنفس


وتقبل مروري العطر

صح الله بدنك يا فهد الهباش

ولا هنت على مرورك

حيااااااااك الله اخوي ابو حسن

وصح الله بدنك ولا هنت

وشهادتك وسام اعتز فيه يابوحسن

والله لا يهينك على مرورك العطر

تقبل مروري واعجابي بالقصيده ونتظر ان تحتفنا بجديدك

__________________

ماجد صح لسانك ولاهنت

اللي ليا مـن نـاح بالنـوح قتّـال
واليا سكت تبطي عيونـه تتطلـع
واليـا تكلـم مـا توفّيـه الاقـوال
يكفيه دمعـن مـن عيونـه تهلـع


اعجبني التشبيه والابداع منك يا شاعرنا في هذه البيتن والقصيده كلها جزله

تقبل تحياتي وتقدير

صح الله بدنك

وحياك الله ولاهنت على مرورك العطر