سالم حزام &&متغيرات المفاهيم&&

[poem=font="Simplified Arabic,5,black,bold,normal" bkcolor="transparent" bkimage="" border="groove,medium,gray" type=2 line=1 align=center use=ex num="0,black"]
أحيان تاخذني الهواجيـس وأهيـم= كني في وادي والخلايق في وادي
بيني وبين الشعـر مثـل الترانيـم=وأنا الغريب ولونـي فـي بـلادي
جينا نحب وقالو أن بالسمـاء غيـم=وجينا نعـادي ولا عرفنـا نعـادي
نمنا وقلنا الـرزق حـظ ومقاسيـم=وما ذاقت عيون الفقيـر الرقـادي
هـذا زمـن متغيـرات المفاهيـم=واللي ماهو عادي غدى اليوم عادي
العاقل اللي يقبل الجـور والضيـم=والسلبي العاجـز يسمـى حيـادي
ظلمتوا أنفسكـم ورحتـوا مظاليـم=ياللي تقولـون البخيـل أقتصـادي
لاوالله الا الجـود درب الشغاميـم=ومبدأ هل العادات وأهل المبـادي
ويوم ٍ ضوت عفر النوايا مجاهيـم=وتوشحت بيض القلوب السـوادي
قلته وأنا سالـم علـي بالملازيـم=لا أسوقها ولـوه يميـل الشـدادي
فأن صار عمر أبن آدم أوراق تقويم=وراحت حياتـه كلهـا ماأستفـادي
ما ضره أن كثرت عليـه التعاميـم=والا أن قضى عمره بحبس أنفرادي
صبرك علي يامحطم القلب تحطيم=وعليك أنا أصبر مثل صبر المهادي
شبيت نارك بالحشـا كنـك امقيـم=وشرفت لضيوفك تصيـح وتنـادي
نار ٍ تهشم جدب الأضلاع تهشيـم=ورحلت عنها يوم صارت رمـادي [/poem]