اخواني المشاركين والمنتمين لشبكة قحطان

السلام عليكم ورحمة الله وبركاته

هاضني لبدع هذه القصيده موقف اخونا ( مسفر بن سعد بن شارع الفهري ) والمسجون في

سجن بيشه بعد ماأرسل قصيده من داخل السجن يزهم فيها ربعه وقد وصلتني القصيده ورديت

بقصيده أزهم فيها صاحب السمو الملكي الامير فيصل بن خالد وأطلب جاهه وقد وصلته القصيده

وعسى ان تكون باب خير للسجين وأهله

القصيده أقول فيها

[poem=font="Simplified Arabic,6,chocolate,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

أبدا بذكر الواحد الغفار=معبودنا اللي يعلم الاسرار

رب خلق كل العباد لطاعته=ومقسم رزقه مع الاسحار

انك تدبرني على خير ماترى=وانك تغفر الذنب ياغفار

ومن عقبها باهل مافي خاطري=وابدع بيوت تقنع الشعار

سلام يافيصل عريب المجنى=ياطير حر من نسل الاحرار

ياميرنا اللي نفتخربه ونقتدي=لاجا نهار فيه مخذ الثار

كسبت علم الطيب من جدانك=من نسل ملوك حاكمين الدار

جيتك وليبك يابو خالد حاجه=مسلم وفي الثانيه محتار

ودي تعطيني من فراغك ساعه=واعطيك علمي تو ذا الحضار

ماودي اطلع منك غير بطلبتي=داخل على ابوك الوفي البار

ومن قبلها بادخل على رب الملا=اللي يقديني بكل اقدار

في مجلسك باعطيك علمي واسمعه=وياسعد من ينصاك في بوار

جيتك من الصبيخه وديرت لابتي=وماهو بيخفاك الذي قد صار

وجيتك من شيخ عادته يكسب الوفا=الشيخ ابن شفلوت سعد الجار

شيخ يضد المعتدي لانوابنا=ويجعل كبار المشكلات صغار

لاكن انا ذا اليوم كفاي له=ببيوت شعر ولا عليها غبار

لنا ولد عم سجين وقدله=خمسة عشر عام وتروح اعمار

لايشمله عفو ولا له نجده=وقضيته ياسيدي في عار

ورجل مافي راسه شعور وغيره=ودك انه يحرق في لهيب النار

له مدت مسجون في وسط بيشه=ومعاملتهم ترقب القصار

ابوه يدعيله على انه يخرجه=رب على عباده شفيع وقار

وامه تهل دموعها رحمة له=الين جاها خاطف الابصار

جتها جميع امراض ذا الوقت وانطوت=على ولدها ماتبي تختار

لكن طال الصبر وزاد بها المرض=وجتها المنيه تحت ظل جدار

وماتت وهي تدعي ان الله يخرجه=من محنته لاقفت مع الزوار

وليومك هذا مادرا بموتة امه=خفنا عليه تصادفه الاخطار

في وسط سجنه كالقعود البارك=يرقب متى يقدم على الجزار

فوجيهنا عندك ووجيه اجدادنا=هذي قضيه تلفت الانظار

فتكفا يابو خالد وتكفا تكفا=حن بنتظارك تصدر القرار

وتعتق سجين شيب السجن راسه=يبغي الفرج والفك والفرار[/poem]

وسلامتكم

__________________

اسال الله في هذا اليوم ان يفك اسره



بيض الله وجهك يالبصيري

و تحري بالعلوم الغانمه فديتك

و صح لسااااانك مدد
تقبل مروري يالقرم

اخوك الصغير

تركي الجعادنه

اسأل الله ان يفك كربته
وان يسعد بخروجه والديه



والشكر لك على هذه القصيدة المعبرة
ووقفتك بها مع ابن شارع

اشكرك

__________________
مجموعة من صوري





مدونتي

بيض الله وجهك وصح لسانك

__________________
ALHUBABI2007@HOTMAIL.COM

بيض الله وجهك

على هذي القصيدة

ومطلق يا قحطاني

ورفيقكم الله يفك قيده

ويعينه ويعين جميع المسلمين

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح لسانك

وبيض الله وجهك يابن عمي ..

__________________


http://www.qahtaan.com/works/up/get....fmnp1261962149

بيض الله وجهك يابو معيض بياض يرفع على كل نايف


ولك فائق التحيه

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

صح لسانك على هذه القصيده المعبره

وأن شاء الله أن يفك أسره

والله يكون في عون ابن شارع

تحياتي

__________________

مشكور أخي الفاضل على نقلك لهذه القصيدة




وعسى الله أن يفرج كربته وكربت جميع المسلمين

__________________

نسأل الله العلي القدير أن يفك اسره

تقبل مروووووووووووووري