¨°o.O (قصـتي مع الكـلب المـسعور اللي هااجم استراحتنا!قصة كومـيــديـه!) O.o°¨

¨°o.O (قصـتي مع الكـلب المـسعور اللي هااجم استراحتنا!قصة كومـيــديـه!) O.o°¨



[ مدخل ]

... وتكسرت سفينتهم على امواج المحيط الهندي ( أروح وطي مع اللي علمك الاثارة ))
...............^.^...............
آنا محمـد .. شاب مستقيم ساكن في بيت الوالد .. ومقيم مع الأهل من 18سنه
بصراحه اغلب وقتي في الاستراحه مع الشباب .. متقاطين 7 شباب في استرااحه ..
والأجار له 3 شهوور مطوف وكل يومين متلاقطين مع الكفيل ( تراااني سعوودي )
اقصد مع راعي الاسترااحه
سميناهاا آسترااحة الانس .. تقع عـلى الطريق العاام .. خلف البقالة الي ماتبيع ملطف جو وملطف الجو عطري المفضل ..!
يحدها جنوباً هايلكس موديل77 منقلب ..( الوصف أعتقد واضح )
الاستراااحه هذي عزيزه علي .. 23 ساعة ونصف يومياً فيهاا .. لا طفشت من دنياي عسكرت فيها
واذا حدتني ظروف الحياة وبغيت انقلب .. لجأت لها بعد الله وزال همي ياعمي
خلوني بداايةً اعطيكم نبذه عن ربع الاستراحه مع تعريف صغير لكل وااحد :
سطاام ( رومانسي ويسمع عتاااب )
سعد (( ولد نعمة ويتروش يومياً )
ابوفهيد (( اعزهم على قلبي والأقرب لي في هالعالم كله ))
ابو خدره (( مسوي عربجي وهو مافي راس امه ))
عبدالغني ((اسمراني نلقبه كرنتينا ..أحياان يتقبلهاا واحييان يـزعل ويغمى عليه ))
حمووود (( قروي ابرز هواياته جمع الطوابع والعملات النادره والحش في خلق الله ))
والسابع محسووبكم .. محــيميـِـد زعيم الجلسه
كلنا أعماارنا 20 ماعدا ابو 26 سعد هو الوحيد اللي عمره 22 سنه
كل ماسبق توطئة قبل مانتوطىى في ام الحكاية اللي راح اسردها لكم ..
_______________
ذاك اليوم لا بارك الله في ذاك اليوم ..
رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت
دزيت الباب ودخلت .. وتوني جااي ( أديوور )) وأصك الباب :
هجم علي اخوي الكبير من خلف النخله .. وبحركه من بتووع جاكي شان .. سدد لي وحده بالصدر ..
خـَـلتـني ألصق في الباب .. وأصكه بظهري
وقف قداامي .. ومعه عــصا الجريش .. وقال: جاي بانصاف الليالي وريحتك بلوت !!
قلت: روووقنا الله يجزااك خير لا تفضحناا .. فك و أفك ...
مسكني من شعري وسـحبني وخلاني أوقف قداامه زي الألف أ أ أ ..
قال: مب قايل لك احلق شعرك .. أنا اوريك ..
وحط رااسي بين سيقاانه .. ومسكني من بطني ورفعني فوووق فووق عالي السحب ..
متأثر بـ (آنـدرتيــكر) وهالمصارعه في دبي الرياضيه
ثم جيتك أمشي مليوون وعلى الأرض وآآه يا ظهري
قمت القط وجهي وبوكي ووجوالي وسبحتي الهلاليه .. وقلت :
الشرهه ماهيب عليكم .. الشرهه على اللي جاي يشوفكم ..
وطلعت زهقاااان .. وعلى وين يـاحميدان على وين ..
ما بدهااش .. مالك الا هيفااء .. الاسترااحه طبعاً
______________________________
جيت الاسترااحه .. ولقيت حموود وابو خدره يشخروون
قمت افرفر في القنوات واناظر رسايل هالمرااهقين وأتحمد ربي :
** محمد وحشتني افتح جوالك ودق تررى بامووت .. حبيبتك لمى
** سعود الرياض.. ابي اتعرف على وحده رومانسـيه وتسكن شرق سكاكا
** ميسوون الخبر: ارجع ياكل الحب ارجع ياخلوودي
** شيـخة المزايين : حدرج دمـه بـارد .. فـآرس بيـت عرسان حسين حبيبـي وبس
طفشت منهم .. فريت على الفضائيات الحكووميه .. وأثر البرامج الدينيه تدهر بالفجريه!!
لا صحوا الناس .. حطوا افلام واغاني ...
واذا نامواا.. حطوا برناامج فتااوي واحاديث !!!!
بيني وبينكم الدش مو صافي .. يقطع ..
والشاشه ترووح وتجي.. أشرت لها عيت توقف
صكيته وأخذت لي غفوة ..
جاني الهندي لقماان حق الاسترااحه معه كيس صاامولي يصحي فيني:
بابا خالد بابا خالد ... قووم "سئوور يجي " ..
رفعت الكااب عن وجهي .. صكيته طرااق .. قلت اطلع من سمااي مانقصتك
قال: والله سئوور يجي ..
ناظرت الدريشه : النور بدا يشقشق والدجاج يبقبق ( ياهوه يانزار قـباني خخخخ )
قلت له من هاللي جاي هالحزة !!
قال: سئوور كبير اسود
قلت: تكلم زين وش بك كأنك ملحووق .. عااد علي نفس الجمله ..
قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده:
سلف ملح .. مااجي صلصه ..
وانا طالع .. صكيت باب الاسترااحه عشان مايدخل هالنشبه منصور وانا ابي انوم ..
يمين .. يساار ..
مالقيته .. وين راح منصور؟!!
قلت: أكيد ابطيت عليه ورجع استراحتهم .. باروح له قبل يرجع ويصحيني وانا ميـت على النوومه..
وهنا بدأت الحكاايه (( بدري يالشيخ ))
مشيت !!
مشيت !!
وفجأة ..
وقفت ..
ثم مشيت (( أخ يا آثارة هوليوود يا انا ))
والله وانا في الطريق سألت النفس :
وش جايبه منصور هالصبحيه ..
هو وربعه يجون المغرب ويمشوون وحده الليل .. غريبه ..
وصلت استراحتهم لقيتهاا مقفله ولا فيه اي سيارة عند الباب ..
قلت .. الله يرجك يا لقماانووه ماعمرك جبت الكـلام صح ..
ورجعت آدراجـي لأني نعساان
وانا راجع .. لمحت زووول اسود كبييير !!!!
والله صاادق لقمااان !!
وبديت اجمع حبل غسيل افكااري وأتذكر الكلام اللي سمعته من يومين :
(( يقولون فيه كلــب اسود مسعور "سئوور" يدووج بهالحواري وياكل خلق الله ))
بلعت ريقي اللي نشف ..
وأمعنت النظر ..
والنتيجه:
فعلاً .. أخوكم محـمد أمام الكلــب المسعوور وجهاً لوجه !!
** يقول الفيلسوف اليوناني مرطا خووف :
أسوا شيء أن يدااهمك الموت وانت لم تكتب وصيتك ..
الكلــب قداامي .. والأرض فاضيـه مافيـها آحد .. وعزرائيل مابيني وبنيه الا ثوااني لا اكثر!!
قلت لنفسي : حط رجلك !!
" بس المشكله اني صكيت باب الاسترااحه .. ولما انحااش واقعد اطق الباب واحتري هالخيشه
حموود وخويه العربجي يصحوون ثم يفتحون ..
اكون وقتهاا نقانق بالمتبل الصيني في بطن ابو الشباب قصدي ابو الكلاب
أقترب الكلــب المسعوور مني !! صار وجهي بوجهه .. وعيني بعينه ..
ودمعت عيني ودمعت عينه كفاناا من زود الفرح هلت دمووع
للأسف .. من قراادة حظي .. ومن حسن حظ المستر مسعوور ..
لما قررت الهرب .. لمحت الدلخ حموود وابو خدره فوق سطح الملحق يوازنون
الدش !!
يبوون يلحقوون على برناامج مكسـرات هذا الصباح
لما شافوني وجهاً لوجه امام الكلــب ..
قاموا يصفروون ويشجعوون .. وصاار ابو خدره يطق في صحن الدش زي ابو هلال مع الطبل
التركي في مدرج الهلال وحموود يقول:حيوا خالد حيووه .. وعبدالغني كل اللي
اذكره انه استنزل على طق ابو خدره !!
.....
عااد انا زعيمهم واقوااهم .. فـمن العاار أهرب أمامهم ..
وقررت المواجهه ( أخس يا بتال ) (( بتال القوس )))
قلت في نفسي : الله واكبر ياحميد.. وش الكلــب يعني ؟ مجرد قطو حجم عائلي!
وش قطو .. الا فاار بس ( مورم حبتين ) اهجم عليه وخلك حيادي (( الله من الهلوسه ))
بنفس الوقت .. سمعت لقماان الهندي هو وربعه .. مسوين راابطه ويغنوون لي :
بابا محمد.. ياكلك
هبه هبه .. ياكلك ...
مع وااهد فلفل .. هم همممم
والسيارات على الطريق العام تتفرج .. والمرور كثف الزحمه ( الله من زين الوصف ))
والهلكوبتراات فوقي تبااشر النتائج ..
وانا والمسعوور قباال بعض وكل وااحد محترم خصمه
قبل ان اهجم .. حاانت مني التفااته عااجله واثر ابو فهيد ينزل من اللـوميـنا حقته ..
ويجي مسرع لـ موقـع المعركه ويصرخ :
كـِله الا محمـد ( قايل لكم اعز وااحد على قلبي)) ..
وتذكرت عدناان لما جااء مسرع لـ جنود القلعه وأنقذ (...) حمودي هههههههه
جااء ابو فهيد مااشي ألفين متـجـه للكلــب ..
الكلــب مطنش وببروودة دم لما وصله ابو فهيد سوى حركه هيدروكربتراديه خاطفه ....
وآلين ابو فهيد قداامي يخررر دم
قام الكب يحك ظفووره .. ويصفر وقذلته فوق عينه اليسرى : قال لي:
هااه يـا الآطـخم اسدحك جنب خويك .. ولا آكلك وأحط عضامك فوقه ؟! أختر ..
قلت : احذف الاجابتين بعدين هذا ما قد شفته ولا هوب خويي ( جحدت ابو فهيد مسكين بس .. الضرورة ))
قامت اسنانه تصرصر من الحمااس ..
رحت مسووي زيه ..
ومن قوة الدوس على اسناني .. نقـز ضرسـِي قداامه في ارض المعركه !!
قعد ينااظره مستغرب ..
استغليت الفرصه .. وبحركه نابعه من تأنيب الضمير الانسيابي :
نـقزت عليه وتـمسـكت فوق ظهره .. وصفق الحضووور
قعدت اخنق فيه بـقوة ..
التفت علي ببرود .. وقال :
يالحبيب .. كلــب* عندك انا .. راكب ضهري!! لا خل أوديك استراحتكم احسن ..
أنزل وتطاااق زي الآواادم ..
أستحيت وانا ناازل ومتولم للنحشه ..
انقلبت الأرض وصاارت سمااء ..
وصاارت رجلينه ويدينه في بطني وصدري .. ووجهي بوجهي ..
خشته بـ خشتي
تذكرت بهالموقف رشدي اباضه ومديحه يسري
قلت له .. الله يستر من رومانسيتك
وفتح فمه وشفت انيابه ..
على فكرة .. اقصر أنياابه أطول من أصبع رجل ابو جيراننا
وأنقض على رقبتي ..
و ............. و .............
________________
فاصل اعلاني
دن دن دن فااصل ميوزيك مع دقة خطر
..............
طبيت على ابو فهيد وخميته من الخوف ..
سمعته يسب ويلعن !!
أيضاً سمعت صووت بوووري معلق ..
لا أخفيكم سراً أيضاً سمعت صووت فراامل عنيف جداً ..
دفـعني ابو فهيد .. وهدأ السرعه .. ووقف يمين الخط .. والتفت علي وعيوونه حمراء معصب:
عسى ما شر يالثور .. بغيت تخلينا نجيب العيد في هالتريله اللي قبل شوي ..
فركت عيوني .. قلت : سلامات عسى ما شر يالحبيب ..
قال : انت مدري وش سالفتك .. من مسكنا خط الشرقيه وانت حلووووم :
رد الكلــب .. هات الكلــب ...
قلت بسرعه مسوي آسـحب السـالفه : وش كلــبه .. وش مسعوور لا عضني ولا شي
قال: انا قايل عضك .. انا قايل مسعوور !!
تورطت .. قلت : ايه بس من الربشه يمكن انك نسيت ..
________
وصلنا الشرقيه وآنبـسطنـا ..
ورجعنا استراحتنا ..
والحمدلله صاار سيناريو حلم مرعب ..
لا كلــب ولا هم يحزنوون ..
________-
يالربع ..
لا ينط لي وااحد منكم ويسأل اسئله بايخه ويقول :
اصلاً يانصاب الكلــب مايتكلم ..
ترى القصه تعليق في تعليق وبلاش اسئلة رابع جـ وسادس متوسط أووكي
حقوق الطبع والنشر والتأليف محفووظه
جميع شخصيات الروايه حــقيـقيين
فقط السيناريو خراافي

واعذورنا عن الانقطاع بسبب اعطال فنيه

خهخهخخهخهخهخ

ههههههههه

الله يعطك العافية يالغالي


مبدع كالعادة


والحمد لله على السلامة



بصراحة قصة محكمة ومحبوكة



تسسسسسسسسسسلم