سؤال لمن هذه القصيدة








يابـنـت يالـلّي مالـك اشـبــاه .. يالــلّي
__________________ مــكاحــلـــك ســودا .. ورمــشــيــنــك طـــوال
و وجهك بشوش .. وحاجبك مسفهلّي
_______________________ وخصرك نحيل .. وقدّك أهيفّ وميّال
وعنقك طويل .. ونافر .. ومسـتـقـلّي
______________________ وصدرك هنـا فنجال .. وهنــاك فنجال
ســوالفك معها الــبشايـــر تِــهِـلّي
_____________________ أعذب من النسمات .. وأطيبّ من الفال
وطبـايـعـك .. لا يا بــعــد كــل مــلّي
_____________________ أحلى مـن أحلى شي يطري على البال
أطهر مـن القلب الخشـوع المصـلّي
_____________________ وأصدق من الضحكه على وجيه الأطفال
فتــنــة حـــلا .. مافيــك شـيٍ يمـلّي
_____________________ مــن جرّتــك فـ الأرض لـ حبّـــة الخــال
ويــقي مــن رواق الحنــايا وطــلّي
_____________________ عـــلى مــــكــــانٍ مانـــزل فيـــه نـــزّال
ضـلعٍ يرحب بــك وضــلعٍ يـهـــلّي
_____________________ تـربــعي وســطه مــن الجــال لـ الجــال
لـ رضاك ترخص وقفتي في محلّي
____________________ ودموع عيـني لا تــذكــرت الأطــلال
مدام مطــلوبي رضاك وحصــلّي
____________________ واللـه لـ أبـيـع أبـو ريــاليــن بـ ريـال
دوسي على روس الظروف وتعلّي
____________________ وبيعي لـ زولي ماعرفتي من أزوال
ياتــل قــلبي مــن عراويــه تــلّي
____________________ بين المفارق .. والظما .. واشهب اللال
أن كان جيتيني .. فـ أنا جيت كلّي
____________________ وأن كان رحتي .. يـ الله أن ترحم الحال
وأليا نقص قــدر الغلا ربع مـلّي
____________________ غــنّــي عــلى فــرقا المواليــف مــوّال
وأخذي من كبار السوالف وخلّي
مــاكــل رجــالٍ يــعـــوضـــك بـ رجــال