في عتبها أدبها

[poem=font="Simplified Arabic,7,white,normal,italic" bkcolor="black" bkimage="" border="outset,thick,orange" type=2 line=0 align=center use=ex num="0,black"]


حرام ذي تطلع وتمشي وتنشاف=رحنا ضحية ياعربها هدبها


راحت قلوب اللي يشوفونه أهداف=برماحه اللي مانصبها وأصبها


تتلف على أنه مانصبها للأتلاف=والاليامنه نصــبها نصـــبها


تخطف كما يخطف من الجو خطاف=طيرٍ يشل لياقضبها عصبها


تقلب شتاء دارٍ .. يجيها لمصياف=غروٍ لو أنه مربأبها قلبها


محاسنه عند البشر سبعة أصناف=وعندي عشر وأيضاً حسبها ونسبها


لاقفت تهز الردف مع روس الأكتاف=قارورة ٍ يسبق طربها طلبـها


تضمها سود الجدايل من خلاف=وخدودها عني هدبها حجبها


ولياأقبلت من وين ببدأ بالأوصاف=أخاف لايجرح عنبها رطبها


ولياأستحت يدها تقل مالها أطراف=تدسّها مدري قضبها ذهبها


تحرجك لومخطي بكثر التأساف=واللي ذبحني في عتبها أدبها


أحيان أتعمد يجي بيننا أخلاف=وأثير من لذة عتبها غضبها


شعورها واضح وصادق وشفاف=مدري ورى اللي حبها مانهبها


لاصار لاميت ولاجايه أسعاف=أبيعذرونه لانهبها عربها [/poem]

الحرالأشقر

__________________