أرسل الشاعر /علي بن سالم بن شبله ال سلمان الحرقان قصيده للشاعر الكبير/ سعيد بن مانع بن مذكر ال سلمان الحرقان..

يا ما حلا سجة في حزة الغربه ** مع رجالن تلين قسوة القاسي

طراة بالي ليشفت النار مشتبه ** في ديرة مبعدة عن صجة الناسي

من دلتك يا وسيع العرف خذ صبه ** فنجالها يابن مانع يقعد الراسي

يا راكب اللي يعشق الريع ويذبه ** جيبن مخصص على تقطيع الأرماسي

طرقتك يالسايق أدري بإنها صعبه ** فدور خوين كفو خوته نوماسي

منصاك رجل يعمل الطيب ويحبه ** الشاعر اللي يعد الدر والماسي

نطمع بخوته وأما الاش بنكبه ** لا خير في خوة ما هي بعلى ساسي

شرواك قرمن لزومن أتحزمبه ** يا شبل شيخ علومه ترفع الرأسي

كفه نديه يوم إيد الاش منجبه ** عارف فهيم يحل العسر والباسي

العز يا سعيد لازم نعتلي دربه ** ما دام درب الخطر والذل ينداسي

سوق المراجل ترى يا أخوك من طبه ** لزوم يتعب ويتعب معه الإحساسي

الذيب جرا العوا في قمة القبه ** جايع ولا عاد له بالهون مجلاسي

وصلاة ربي عدد ما طاف بالكعبه ** على الرسول المفدى صفوة الناسي

.................................................. .................................................. .

فرد الشاعر / سعيد بن مانع ال سلمان


يا مرحبا أقلط ونار العز مشتبه ** لمندوب ابن شبله ضيافه ومجلاسي

الشاعر اللي يصوغ القاف ويصبه ** شعره وراثه ما هو تلفيق ولحاسي

الشبه اللي تنومس حيها شبه ** فعله طري وعلمه يرفع الرأسي

سوق الغلا من يسوق فيه يكسبه ** والرجل من هرجه يقدر وينقاسي

واللي يحب الجزايل قلبي يحبه ** من لابتي الأقربين ونايد الناسي

بحر المراجل عميق وغبته غبه ** ما هو يجيها سوا سابح وغطاسي

واللي ما يطمع بفعل الطيبه كبه ** ما دام ما له عليها عزم وإحساسي

وأنا لك إحزام في الشدات تلتبه ** والله ما أقصر ما دامه عايشن راسي

واسلم وسلم ونار العز مشتبه ** وصلوا على من بعث للخلق نبراسي


وســــــــــــــــــــــــــــــــــــــــــــــــ ـــــــــلا متـــــــــــكــــــــــــــم........

الشاعر /علي بن سالم بن شبله ال سلمان الحرقان و لشاعر الكبير/ سعيد بن مانع بن مذكر ال سلمان الحرقان..



الله الله


جزززززززززززززززززززال ولا جبت الا جزل يابو سالم



صح الله السانك والسان الشاعر سعيد بن مانع




سجل متااااااااااااااااااااااااابع يا القرم

__________________

صح لسانك ولسانه ومجملين .............

__________________

مرحبا يا بن راكان وبيض الله وجهك على المرور الطيب ولا هنت

أرحب يابن مبارك ومشكور يالغالي على المرور

بيض الله وجيهكم ياهل الخبت

ومسااااااااااااجله اكثر من رائعه

صح الله لسانك يابن شبله ولسان الشاعر
سعيد ابن مانع وبيض الله وجيهكم

__________________

ووجهك أبيض يابو مسفر ولاهنت على المرور الطيب

ولسانك يابو فراج ولاهنت على المرور

صح للسسسسانك ياعلي انت وسسعيد شعراء كبار لاهنتم جزل ماتجيبون الا الجزل