[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل شي ينتهي يا صاحبي في حده=يوصل نهاية طريقه والدروب انواعي
ما تشوفين الشجر لامن حدته الشده=يبسة غصونه وجاه اللي لها قطاعي
وما تشوفين الاوادم لو تطول المده=عقب ريعان الشباب يجيهم النزاعي
وما تشوفين الليالي ماهي بممتده=عشرر ساعات ويروح نجمها اللماعي
وما تشوفين البحر له جزره وله مده=وينتهي به حده اليا لامسته القاعي
الليالي علمتني والوكاد اعده=ان فرصة عمرنا اقصرمن نهار الراعي
اغنميها دامها فرصه ولابه رده=و اروي الغصن الرطيب بنسمه وذعذاعي
واخذي من العمر نقش فالزمان نعده=لو تاجل قلتي ان عمري عليه ضاعي
يا ملاك يملك الهايم بغالي وده=جامع للحسن ولا الحسن به جماعي
ذاب بستان الورود اليانعه في خده=اوذاب الورد في خده بدون ايناعي
جادل عشقه يجمع كل ضد وضده=من سواد ومن بياض بمترف الاطباعي
اه منه لاحكا لي صاحبي من قده=سلت في بحرالخيال ومانويت ارجاعي
يتكلم واتامل في العيون ويده=نظرتي له زودت في خافقي الاوجاعي
همت به واطربت عيني من دفاه وبرده=ومن دفاه اوميت بيدي لين طق اصباعي
ما رحمني كل ما افتح باب عنده سده=واقنعه لكن ما ينفع معاه اقناعي
اذكر اني بالقلم كتبت فالمسوده=اني ابا انسى غرامه داخل الاضلاعي
بس قلبي قال شي تستحي به بده=واللهان حبه بقلبك دام عقلك واعي
كيف تنسى صاحب ما لك عنه من صده=كيف تنسى كحل عين ذايبه ووساعي
لا تضيع ما بنيت وكل شي تهده=وانت مغرم به وقلبك للهوى مطوعي[/poem]
بعد التحيه والتقديررر لجميع الزملاء هذه المشاركه مصافحه اولى ارجوان تنال على اعجابكم وتقبلو تحياتي
اخوكم مانع الملاطي
صح لسانك قصيده مايجيبها الا موهوب مثلك لاهنت