ناصر الفراعنه و 4 قصايد رائعه


مجلس آخبار الشعر والشعراء والمسابقات الشعرية الشعر والشعراء عبر الأعلام والمسابقات الشعرية

إضافة رد
قديم 13-01-2008, 10:55 AM
  #1
علي بن مسفرالحبابي
مشرف
ساحة الشعر والمسابقات الشعريه
 الصورة الرمزية علي بن مسفرالحبابي
تاريخ التسجيل: Oct 2005
الدولة: مملكه الانسانيه (....)
المشاركات: 3,486
علي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond repute
افتراضي ناصر الفراعنه و 4 قصايد رائعه

[frame="7 80"]السلام عليكم ورحمة الله وبركاته
الشاعر ناصر الفراعنه هو أسمه هكذا ناصر الفراعنه شاعر طاغي
يطغى على الكلمه ...
يصفه معظم الناس بالجنون والبقيه يصفونه بالساحر
قصائده بمواقف يذكر الموقف ثم يكتب القصيده
أترككم مع بعض قصائد الشاعر الرائع وكما اطلق عليه بعض النقاد
شاعر الانس والجن ناصر بن محمد الفراعنه السبيعي




[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ان قلـت سولـف يسولـف لـي بتسبيلـة=وان قـلـت بالله يقـسـم لــي بسلـهـامـة

يــا ويــل حــيٍّ تـولّـع فـيـه يــا ويـلــه=كـم مـن شهـر مـرّ لا صامـه ولا قـامـه

حيٍّ يشوفه وشـاف الرمـش يومـي لـه=ادخـل علـى الله كيـف تشيلـه عظامـه؟

من ناعس الطرف ذبّـاح العـرب غِيلـة=كـم واحــدٍ صـافـح الـمـوت اوّل ايّـامـه

خلّـى بياضـه بياضـي عبـد عــزّي لــه=بـسْ مـا علـيّـه حــلاة الـخـدّ بالشـامـة

طـفـلٍ وتــوّه صغـيـر الـسـنّ ياحلـيـلـه=يـا ميْـت! يـا ميْـت! مـن يلـقـاه قـدّامـه

تـوّّّّه يسالـم علـى الترويـض باقـي لــه=فــي عـالـم الـحـبّ زرفـالـه ودرهـامــة

يمـكـن بـعـد ليلـتـيـن ويـمـكـن اللـيـلـة=بـــسّ آتأكّـد! واشـوفـه شــقّ هـنـدامـه

يا وش يهمّه وانـا مـا نيـب مـن جيلـه=مـن عـام الاوّل وهـو ريـمٍ وانـا رامــة

حياة من لا عشق شرواه,وش هي له؟= لا وا خسـارة يــاْ لـيـلٍ مــرّ مــا نـامـه

علـيـه كـفّــي يـحَـفـر الـقـبـر ويهـيـله=واخالـط النـاس بـسّ عْـقـال وعمـامـه

لــو بـيـن مـــزّة وتعـمـيـرة وتعسـيـلـة=يا ويـن انـا والـورَق والنـرْد والدامـة؟

سيد العذارى يوصّـي لـي واوصّـي لـه=""وقبلـي خوالـه عليـه تـوصّـي اعمـامـه

وان ذبـت انـا فيـه قبـلـي ذاب منديـلـه=ولو ذاب حتّى عليه الثـوب مـن لامـه؟

ومن يفتتن به تـرى مااحـدٍ يراعـي لـه=فتنة هل السبت مـن قامـه ومـن هامـه

مفتـون فـي طفـل تـوّه مـا لِبَـس شيلـة=اجل وشَ يْصير بي لـو كمّـل اعوامـه؟[/poem]


القصيده الثانيه


مراسله مع خالد بن مدعث الدوسري

وهذه القصيده الثانيه الشاعر ناصر الفراعنه
قصيدة التوجد والتي تحكي قصة رجل قتل امه ليلة عيد الفطر المبارك عن طريق الخطا
وحصل له احداث مؤلمة كثيرة منها حادثة في البحر ومنها فراق ابنته
ومنها سجنه عشرين عام بتهمة لم يرتكبها ومنها موته لديغا بسم الافاعي وهي
احداث سترونها في القصيدة وكانت هذه القصيده مجاراة للشاعر خالد الدوسري
ولقد جاراهم بعض من شعراء الخليج واترككم مع القصيدة
علها ان تنال على بعض رضاكم واستحسانكم


كـل مـا فاضـت عيونـي نـجـر ابــن حـربـان دنّــا
..........فـي ضلوعـي يسمـع اللـي مــن ورا بـغـداد دنّــه

يـوم ابـن مدعـث لنـا سـنّ الـوجـود الـحـقّ سـنّـا
..........وا فــوادي كــنّ دود الارض يـرعـى فــي مسـنّـه

وا فـوادي لـو تضنّـى يـابـن مـدعـث مــا تضـنّـى
..........كـنّّـه الـمـجـدور عـقــب الـجــور مـرمــيٍٍّ بـعـنّـه

اشـعـل التنـبـاك مــن خلقـتـه مــا شـبّــه و كـنّــا
..........ميـر كنّّـه مــن عـجـاج فــاح مــن صــدره يكـنّّـه

وا وجـودي وجـد منـهـو عــضّ بابهـامـه وحـنّّـا
..........واحــدٍٍ شــاف الـثـلاث البـيـض ســودٍ مستـجـنّـه

شــاف قـــدّام الـخـيـام خـشـيـف ريـــمٍ مرجـهـنّـا
..........وثـوّر البنـدق يبـي صـيـده وراغ الخـشـف عـنّـه

اطلـق اربـع عقبهـا اربـع ثـم سمـع صـوتٍ يونّـا
..........واثرهـا امّـه صابهـا طلـقـه و طــار العـقـل مـنّـه

واتهـمـوه بـذبـحـة امّـــه لـيـلـة الـعـيـد و تـجـنّـا
..........اتهمـتـه الـنـاس و صــدوف المـقـاديـر اتهـمـنّـه

قـالـوا اخـوانـه تــرى مـنّـا بمـنـك ولا انــت مـنّـا
..........يـفـرق الله بينـنـا و بيـنـك عـسـى مـالـك مـظـنّـه

لـك ثـلاث ايـام مـن ذلحيـن و ارحـل مــن وطـنّـا
..........عقبهـا تخـطـر عـلـى راســك مضـاريـب الاسـنّـه

ودّع مريـتـه وتـــوْ بـنـتـه صـغـيـره مـــا تـحـنّـى
..........توّهـا ام اربــع شـهـور و فــي لحَمـهـا زود لـنّـه

ركْــب غـوجـه و انقـلـب قبـلـه بلـيـلٍ مــا تـونّـى
..........والحمـايـا مــن خـلافـه ارخـــوا حْـبــال الاعـنّــه

الـمـطـايـا و الـسـبـايـا مـــن خــلافـــه عـمــدنّــا
..........والـمـنـايــا ســجّـــدٍ قـــدّام عـيــنــه يـحـتــرنّــه

كــل مــا عـنّـز عـلـى قــومٍ وطــنّ الــراس طـنّــا
..........قـالـوا اذلــف ذابــح امّـــه لعنـبـونـا لـــو نـحـنّـه

ذابـــح امّـــه لـــو زبـنّــا عـــدّه انّـــه مـــا زبـنّــا
..........لعـنـبـوك بْــيــوت قـــومٍ ذابـــح امّـــه زبـنـنّــه

الجـمـالـة مـــا تـجـمّـل فـــي ولـــد حـــرٍّ تــدنّــى
..........مـيــر دوّرغـيـرنــا وانــحــش بـقـلـبـك لا نــدنّــه

وانقلـب مــن عنـدهـم كـنّـه عـلـى محـمـاس بـنّـا
..........يـمّـة اهــل الـغـوص عـجـلات الركـايـب وجّهـنّـه

ركْــب بـابـور البـحـر و دمـــوع عـيـنـه يـذرفـنّـا
..........فـــوق خـــدّه كـنّــهــنّ اذواد بـــدوٍ مـرثـعـنّــه

يـــوم حـــلّ الـلـيـل اشـرعــة السفـيـنـه دودلـنّــا
..........و الهـبـايـب مـــا يـخـلّـنْ مـحـبـلٍ مـــا دودلــنّــه

قــام ربّــان السفيـنـه قـــال يـــا نـــاس امتـحـنّـا
..........قـومـوا ادعــوا ربّـكـم عــلاّم مــا وســط الاجـنّـه

قــال شـيــخٍ مـنـهـم الا عـنــدي الـــراي المـطـنّـا
..........ضـحّـوا بـواحـد عـسـى الله ينـقـذ ايـديـنٍ رجـنّــه

و طاحت القرعه علـى اللـي ذابـح امّـه مـا تتنّـى
..........ثـم رمــوا بــه فــي ظلـمـات البـحـور المستكـنّـه

و ادبحـوا عنّـه وهـو في غـبّـة الـمـوج يتثـنّـى
............ثم عرض له من وحوش القرش جرجورٍ و صنّه

عضّ جرجـور البحـر ساقـه و صايـح و استجنّـا
..........ابــك لــولا الله كــلاه الـقـرش مــا يسـلـم مطـنّـه

وفـي ديـارٍ مـن بــلاد الهـنـد بـيـن انــسٍ و جـنّـا
..........مـن فضـل ربـي عليـه اطـراف الامــواج احذفـنّـه

ومثـل مـا قبـل امـس متهـومٍ بـذبـح امّــه معـنّـى
..........اتـهـمـوه بــذبــح سـلـطــان الــبــلاد المطـمـئـنّـه

و في السجون المظلمه خمسة عشـر عـامٍ قضنّـا
..........مــع ثــلاث مــا قـضـنّ الا عـقـب حـالـه قـضـنّـه

لا سـمـع ورقــاً تغـنّـي جــرّ مسـحـوبـه و غـنّــى
..........وكـلّ مغنـىً يزعـجـه غـصـبٍ يـجـي تالـيـه ونّــه

ولا طـرتـه بْـيـوت قـــومٍ فـــي الـخـلايـا يرفـعـنّـا
..........دار دولاب الــدبــا الــدالــوب دولابـــه و زنّـــه

وكـل مـا بـرقٍ سـرى شـرقٍ صـدوق الغيـث شنّـا
..........كــن قلـبـه فـــوق سـبــق طـيــور بـــرٍّ شـطـرنّـه

عـقــب مـــدّه جـــاه مـــن داره نــذيــرٍ مـرثـعـنّـا
..........قـــال انـــا جـيـتـك بـعـلـمٍ والله انّـــه والله انّـــه

حرمتـك مـاتـت لـهـا عـشـر سـنـواتٍ قــد مضـنّـا
..........و البنـيّـه معـمـسٍ تـقــرع عـلـيـك قـــراع شـنّــه

عمّـهـا عــزّر بـهـا فــي وســط بيـتـه مــا تهـنّـى
..........خـادمــة نـسـوانـه الثـنـتـيـن و الــلــي ضـيـفـنّـه

ثــم زوّجـهـا لـبـو سبـعـيـن عـــامٍ مـــا انقـصـنّـا
..........شـايـبٍ يـطـرب خفـوقـه لا سـمـع للـقـرش رنّــه

يـوم سمْـع هْروجهـم فاضـت عيـونـه و ازحـرنّـا
..........وسـط سجنـه كنّّـه اللـي سـاكـنٍ لــه فــي مجـنّـه

قـال يـا ربعـي افزعـوا لـي مـن سجـونٍ غيضـنّـا
..........و قـبـر قلـبـي الـدمـدم آغــادي يديـكـم يظـهـرنّـه

قـالـوا انّــا وش لـنـا انّــا والله انّـــا مـــا شـحـنّـا
..........غـيـر بنـتـك والاّ مثـلـك مــا قـربـه بـقـرب جـنّـه

وانـتـحـوا وعـيــون قـايـدهــم جــنــوبٍ خـايـلـنّـا
..........وهــو ورا سجـنـه عـيـونـه كـــلّ نـجــمٍ خايـلـنّـه

وعقب عـامٍ مـن مجـيْ ربعـه و سـنٍّ عـضّ سنّـا
..........اعـفـوا الكـفّـار عـنّـه مــن عـقـب ســـودٍ دهـنّــه

يــوم فـكّـوا قـيـد رجـلـه وانطـلـق خـاطــرْه مـنّــا
..........و انفـلـت يبـغـى ديــارٍ مــن ورا نـجـد اشحـنـنّـه

حــثّ سـاقـه مــا يـشـوف الا بنـيـتـه يـــوم قـنّــا
..........مـن عقـب عشريـن عـامٍ فـي وطـن قـومٍ مصـنّـه

ومـن ردى حظـه نهـار اغضـنْ عيونـه و ارقدنّـا
..........فـزّ مـن نومـه عـقـب عـضّـه حـنـش دابٍ بسـنّـه

ومـن اثـر سـم الحنـش يونـس ضلوعـه يطبخنّـا
..........و طــاح عــزّي لـواحـدٍ ســود الافـاعـي طيحـنّـه

يــوم هـــو فـكّــر والـــى فـوقــه نـجــومٍ يبـرقـنّـا
..........وشــاف بكـيـة بنـتـه الـلـي جــا يبيـهـا بينـهـنّـه

قال يا نجـوم السمـا تكفيـن روحـي صـوب اهلنـا
..........علّمـي بنتـي عـن اللـي صـاب ابوهـا واستسـنّـه

اشـهـد انّــا مــا بحلـنـا فــي الليـالـي اشـهـد انّــا
..........ميـر حظـي خاننـي ثـمْ مـات مــا بــه مــن يقـنّـه

ذاك وجـده وجــد حـالـي فــي وطـنّـا مــن عطـنّـا
..........مــن هـنـوفٍ خـدرهـا بـيـض الهـنـادي يحتـمـنّـه




القصيده الثالثه للشاعرالرائع ناصر الفراعنه


احسبـنـي قـبـل اشـوفـك واحــد تـشـره علـيـه"
.......... واثبـتـت شوفـتـك انــي كـنـت سـيـد العاقلـيـن

مـا عرفـت ال(ليت)وال(لوّ)و(متـى)وآه وليـه"
.......... لين شفتك خاضـب الحنـا علـى تـرف اليديـن

يوم شفتك تنقض المرجـود قلــت ايـه ايـه ايـه"
.......... ايـه هـذا الـلـي لشـوفـه مــا يشـيـن الا يـزيـن

لعنـبـو مــن لاتقـمـص فـيـك شخصـيـة سفـيـه"
.......... مثل ما هـو لعنبـو مـن لا عشـق مثلـك ظنيـن

من سببك الموت يا مـوت يمـوت المـوت فيـه"
.......... يـا نحيـف الخصـر ابـو دابيـن والمقعـد سميـن

لـو مـع الشيطـان مــن سـايـر جـنـوده لك شبـيـه"
.......... مـا بقـى حـي يبـي الجنـة عشانـك يـا حَسِيـن

ابـك لـولاك انـت مـا حــيٍّ ابــد صـفّـق يـديـه"
.......... ولا فرقنا روشن السلطان من سـرداب طيـن

ياجـمـال خيـزرانـه مـــا يـطــق الا الـوجـيـه"
.......... تربـتـه مــن قحـويـان ومــاه ورد الياسـمـيـن

مـن يشوفـك بـس لـو لمحـة يبـي نومـه يجيـه"
.......... مثـل مـن يبغـى لبـن عصفـور يالله يـا معـيـن

جعل عيـن شافتـك حلـو الكـرى غضـت تبيـه"
.......... نومة اهل الكهف وسط الكهـف آلاف السنيـن

مـن يشوفـك نــزوة الـدجـال الاكـبـر ترتـديـه"
.......... ولو تشوفك حامـل فـي خمسهـا طـاح الجنيـن

ومن يشوفك ضاع في عز الضحى لوهو نبيه"
.......... مــرة يـحـذف يـسـار ومــرة يـحــذف يـمـيـن





وهذه القصيده الرابعه للشاعر ناصر الفراعنه

غروٍ نطحني يجرّ الغـيّ ويـل أمّـه
..........مثل أمّي أنّه عذاب الروح مثل أمّـي
عليه لبّسني إبليـس الهـوى عِمّـة
..........وابليس من قبل بن خالي وابن عمّـي
يا ليت من هو تليّن في طـرف كمّـه
..........اليا تمدّد طـرف كمّـه علـى كمّـي
غروٍ ذبحني وانا مـن لحمـه ودمّـه
..........وش بقّىْ للي مهو من لحمي ودمّـي
لا جيت اخمّه وقلـت الخمّـه الخمّـة
..........قال :ابتعد يا ولد بدري علـى خمّـي
ما يدري انّه خبر (إنَّ) وأنـا ضمّـة
..........يا حلو حلو الخبر لا رفْـع بالضمّـي
يوم انكشف لي نحَرْه وبانـت الزِّمّـة
..........قامت شياطيـن بقعـا تزمّنـي زمّـي
يا عين شيهانـةٍ فـي عالـي القمّـة
..........قمّت بريشٍ وريش البُرْق مـا قمّـي
لو في بريقعْه رحمـة كاشـف الغمّـة
..........ما كـان زوّد سـواد بريقعـه غمّـي
الزين إلى جاء لزيـنٍ ناقـصٍ تمّـه
..........والله لولاه حسن البيـض مـا تمّـي
زينٍ عليّـه تغيّـر وانعَسَـر صمّـه
..........نسى ثلاثـة ليـالٍ عسْرهـا صمّـي
ومن صار لي في الرخا عبدٍ وانا عمّه
.........لا جاء القسا صرت له عبدٍ وهو عمّي
سقى الولي يوم انا دلوٍ وهـو جمّـة
.........واللهْ ماْيسقينـي ألا صافـي الجمّـي
يا لعنبـوه انْ مدحتـه كنّـي آذمّـه
.........وغيره تمنّاني اقصد بـه ولـو ذمّـي
مدري على اسم القمر سمّوه يا يُمّـه
.........والا على اسم الغضي وجه القمر سِمّي
[/frame]
__________________
علي بن مسفرالحبابي غير متواجد حالياً  
رد مع اقتباس
قديم 13-01-2008, 10:26 PM
  #2
عادل الشبلي
عضو مشارك
تاريخ التسجيل: Jan 2006
المشاركات: 184
عادل الشبلي has a spectacular aura aboutعادل الشبلي has a spectacular aura aboutعادل الشبلي has a spectacular aura about
افتراضي رد : &&&& 4 قصايد رائعه للشاعر ناصر الفراعنه&&&&

الفراعنه شاعر غير شاعر الثقلين الجن والانس لاهنت ولاهان
عادل الشبلي غير متواجد حالياً  
رد مع اقتباس
قديم 14-01-2008, 04:44 PM
  #3
محمد الهاجري
عضو جديد
تاريخ التسجيل: Dec 2004
المشاركات: 15
محمد الهاجري has a spectacular aura aboutمحمد الهاجري has a spectacular aura about
افتراضي رد : &&&& 4 قصايد رائعه للشاعر ناصر الفراعنه&&&&

لاهنت

التعديل الأخير تم بواسطة علي بن مسفرالحبابي ; 03-01-2010 الساعة 09:19 PM
محمد الهاجري غير متواجد حالياً  
رد مع اقتباس
قديم 14-01-2008, 10:05 PM
  #4
ذيب ال سلمان
عضو مشارك
 الصورة الرمزية ذيب ال سلمان
تاريخ التسجيل: Feb 2006
المشاركات: 135
ذيب ال سلمان will become famous soon enough
افتراضي رد : &&&& 4 قصايد رائعه للشاعر ناصر الفراعنه&&&&

بيض الله وجهك، وجمل حالكـ ع النقل
اخوي/علي الحبابي

لاهنت يالقرم
والشااعر ناصر الفراعنه غني عن التعريف (شاعر الثقلين)

تقبل مروري /ذيـــب،،،،،
ذيب ال سلمان غير متواجد حالياً  
رد مع اقتباس
قديم 15-01-2008, 12:34 AM
  #5
ساج الوقت المشعلي
عضو فضي
 الصورة الرمزية ساج الوقت المشعلي
تاريخ التسجيل: Feb 2006
الدولة: الرياض--------تثليث
المشاركات: 1,008
ساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant futureساج الوقت المشعلي has a brilliant future
افتراضي رد : &&&& 4 قصايد رائعه للشاعر ناصر الفراعنه&&&&

وعليكم السلام ورحمة الله وبركاته

لاهنت اخوي ابو مسفر على نقل بعض قصائد ناصر الفراعنه الرائعة

وتستاهل زيادة السمعة على الموضوع

تقبل تحيات اخـــــــــــوك

ساج الوقت المشعلي
ساج الوقت المشعلي غير متواجد حالياً  
رد مع اقتباس
قديم 15-01-2008, 11:21 AM
  #6
علي بن مسفرالحبابي
مشرف
ساحة الشعر والمسابقات الشعريه
 الصورة الرمزية علي بن مسفرالحبابي
تاريخ التسجيل: Oct 2005
الدولة: مملكه الانسانيه (....)
المشاركات: 3,486
علي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond reputeعلي بن مسفرالحبابي has a reputation beyond repute
افتراضي رد : &&&& 4 قصايد رائعه للشاعر ناصر الفراعنه&&&&

اقتباس:
المشاركة الأصلية كتبت بواسطة عادل الشبلي مشاهدة المشاركة
الفراعنه شاعر غير شاعر الثقلين الجن والانس لاهنت ولاهان
حياك الله ياعادل ومرحبا الف
__________________
علي بن مسفرالحبابي غير متواجد حالياً  
رد مع اقتباس
قديم 15-01-2008, 11:50 AM
  #7
مشاري بن نملان الحبابي
مشرف
آخبار ومناسبات قحطان
والديار وقصص وسوالف من الماضي
 الصورة الرمزية مشاري بن نملان الحبابي
تاريخ التسجيل: May 2007
المشاركات: 15,960
مشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond reputeمشاري بن نملان الحبابي has a reputation beyond repute
افتراضي رد : &&&& 4 قصايد رائعه للشاعر ناصر الفراعنه&&&&

لاهنت وبيض الله وجهك
__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..
مشاري بن نملان الحبابي غير متواجد حالياً  
رد مع اقتباس
قديم 29-01-2008, 01:17 PM
  #8
الحد الرهيف
عضو فعال
تاريخ التسجيل: Jan 2006
المشاركات: 448
الحد الرهيف is a glorious beacon of lightالحد الرهيف is a glorious beacon of lightالحد الرهيف is a glorious beacon of lightالحد الرهيف is a glorious beacon of lightالحد الرهيف is a glorious beacon of light
افتراضي رد : &&&& 4 قصايد رائعه للشاعر ناصر الفراعنه&&&&

بيض الله وجهك، وجمل حالكـ ع النقل
اخوي/علي الحبابي

لاهنت يالقرم
والشااعر ناصر الفراعنه غني عن التعريف (شاعر الثقلين)

تقبل مروري /الحدالرهيف،،،،،
__________________
الحد الرهيف غير متواجد حالياً  
رد مع اقتباس
قديم 29-01-2008, 01:54 PM
  #9
ابن خضير

.: مراقب قسم ســـابق :.

 الصورة الرمزية ابن خضير
تاريخ التسجيل: Mar 2007
الدولة: @الرياض @
المشاركات: 17,553
ابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond reputeابن خضير has a reputation beyond repute
افتراضي رد : &&&& 4 قصايد رائعه للشاعر ناصر الفراعنه&&&&

بسم الله الرحمن الرحيم
السلام عليكم ورحمة الله وبركاته

صح لسااااااااااااااااااااااااااااان لفراعنه

والله لا يهينك ويعطيك العافيه
__________________
ابن خضير غير متواجد حالياً  
رد مع اقتباس
قديم 29-01-2008, 03:31 PM
  #10
عبدالعزيز بن طالع الرفيدي
عضو فضي
 الصورة الرمزية عبدالعزيز بن طالع الرفيدي
تاريخ التسجيل: Sep 2007
الدولة: الخبـــــــــــــــر..
المشاركات: 1,298
عبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond reputeعبدالعزيز بن طالع الرفيدي has a reputation beyond repute
افتراضي رد : &&&& 4 قصايد رائعه للشاعر ناصر الفراعنه&&&&

الله يبيض وجهك يابوفيصل

جعلني ماعدمك .. وتسلم يدينك .. الله لايهينك..

وصح لسان الشاعر..

ارقى تحياتي لك يابوفيصل..
__________________
عبدالعزيز بن طالع الرفيدي غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سبحان الله! ما هذا المخلوق الغريب العجيب! هو حقيقي و ليس خرافة! [صـور] آل معمر مجلس الباديه والرحلات 11 24-12-2007 10:06 AM
الروح .. النفس .. الموت ...!! فواز أبوخالد المجلس الـــــعــــــــام 7 12-12-2007 06:42 PM
قبل الحذف .... صور خمور خالد العاصمي عالم الصحه والغذاء 17 24-10-2007 08:57 PM
الخادمه والشاب.... عبدالعزيز بن طالع الرفيدي المجلس الـــــعــــــــام 12 16-10-2007 04:33 PM


الساعة الآن 07:04 PM

سناب المشاهير