فلاح القرقاح وحبيب العازمي(محاوره المغتره عام 1428هــ)

محاوره شعريه بين الشاعرين فلاح القرقاح القحطاني وحبيب العازمي العتيبي
في مهرجان المغتره لعام 1428هـــ بابها بحضور صاحب السمو الملكي
الامير فيصل بن خالد بن عبدالعزيز ال سعود امير منطقه عسير

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
فلاح القرقاح =
سلام الله علي اللي نجتمع لاجله وله نشتاق= ونطرب ونتفاخر لتعنينا علي شانه
ولد خالد جمع حنكه وتفكير وكرم واخلاق=ورثها كلها من راس ابوه وروس جدانه
حبيب العازمي =
هلا يامرحبا في المجلس اللي بالعرب ماضاق=وحسب الامر من راعيه ماتنصك بيبانه
هل التوحيد وملوك الجزيره والعلم خفاق =وهذا موطن اللي يكرم ضيوفه وجيرانه
فلاح القرقاح =
نوينا نلفت انظار الرجال ونكشف الاوراق=ولايمكن نجيب الهرجه اللي مالها خانه
بعض الاحيان مانقدر نسدد راتب السواق =وبعض الاحيان نضحك بالوحش لشر جنحانه
حبيب العازمي =
تبي تطلع عليك الشمس وانته ماثنيت الساق =ولا للحرب ياشاعر عبيده غير فرسانه
ولا ياموسع الدنيا ولا يامكثر الارزاق =وبعض الناس يطغى لين ظلمه يقطع لسانه
فلاح القرقاح =
مسافات الزمن بعيد وظروف الحياه ارهاق=ولايرزق عبيده غير رب البيت سبحانه
ياشاعر راح عمرك وانت يافتاح يارزاق =ولكن البلا لواجه الديان ديانه
حبيب العازمي =
تصيب البندق العوجاء لجاها الرامي التفاق=ياحظ اللي يشب النار من زنده وصوانه
من اول مشلح الطرقي يدور الحول في المعلاق=لكن اليوم لاينزل ولايطلع عن امتانه
فلاح القرقاح =
راع الدكان اذاكانه مايعرفه لعبه الاسواق= يصدون الزباين عنه لين يصك دكانه
بعيرك راح من ديره لديره يتبع البراق=ولكن ياحبيب رجع بعيرك لمرحانه
حبيب العازمي=
انا كم قلت لك مالي دخل في الموس والحلاق= عسي الحلاق يرجع حد موسه فوق لحيانه
بعيري يوم راح الله جعل قدمه ثلاث نياق= وانا ماني بقائل رحلته مامست بطانه
فلاح القرقاح=
قليل الحظ لجاء يبغي الماء قالوا الماء راق =وعود والظماء بين بلعومه وشريانه
بعيرك في الطريق الصعب لايحدا ولاينساق =ولكن جبرته لين جات الناقه اوزانه
حبيب العازمي=
يقولون الحلال لتسلل فيه سلك دقاق=مثل قصر قديم وقضت الارياح جدرانه
تراها سنه الخلاق ترضي معشر العشاق =مدام ان الجمل موجود والسلطان سلطانه [/poem]

__________________

بيض الله وجهك

وصح لسان ابو محمد

دايم مشرفنا

فلاح القرقاح وحبيب العازمي
من عمالقة هذا الفن الجميل والعريق ..
واي طاروق بينهم لا بد ان يكون (( غير غير ))


لاهنت يا علي الحبابي

صح لسان ابو محمد

الله الله يابو فيصل


تصدق هذا الطاروق فيه من الدهاء الشي الكثير


معنا دفين ولا يسهل كشفه


لعنبو العب اللي ماهو بزي كذا


لاهنت يابو فيصل

تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

حياك الله اخي الغالي

انا سعيد بمرورك علي مشاركتي

دمت بكل الود

__________________

محاوره ثمينه معناها شيق جدا
لا هنت ابو مسفر وكثر خيرك
الحقيقه شاهتي فيك مجروحه المنتدى بدونك مايصلح
من غير قصور في الباقين

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

بسم الله الرحمن الرحيم
السلام عليكم ورحمة الله وبركاته
لاهنت وبيض الله وجهك على المحاورة الطيبة

صح لسانك يابو محمد

عزالله إنك سقته

__________________

لسماع قصائد الشاعر : فلاح القرقاح
اضغط هنا

فلاح القرقاح وحبيب العازمي
من عمالقة هذا الفن الجميل والعريق ..
واي طاروق بينهم لا بد ان يكون (( غير غير ))


لاهنت يا علي الحبابي

__________________