محاورة سعد بن شفلوت و خولان بن عامر بدون ردود

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
خـــولان بـــن عــامــر
عد نشو السحاب وعد برق المخيله = ياهلا مرحباااااا يانجمنا فـي سمانـا
يابن شفلوت لو تسمح دقايق قليلـه = ودنا نسمع الموجز ونروي ضمانـا

سـعــد بـــن شـفـلــوت

عد برق نزل في الارض وبله وسيله = مرحبا في وطاك ومرحبا في وطانـا

الشعاعير غايه والمشاعـر وسيلـه = والله اللي عطاكم والله اللي عطانـا


خولان بن عامر


بيض الله وجه اللي رقاها وهي له = في نهار تفاخرقومنـا ووامرانـا
اليدين الكريمه واليدين البخليـه = في لليالي رداها واضح من ورانا


سعد بن شفلوت


كل شاعر قبيله يفتخـر فالقبيلـه =علمه ينومس الطارف وذكره شعانا

اليمين القصيره واليمين الطويلـه =والله انها على طول الدهر ماتدانا

خولان بن عامر

ياسعد ويش سوى الحضرمي في كفيله = قـام يضحـك ويتهزابشريـة نمانـا
الركايب لهـا ياطيـر شلـوى دليلـه = راحت القوم واحنـا يالعبيـدي كمانـا


سعد بن شفلوت

قامت الناس في عصره تبيع البليله =غير انا وانت باقي سمننا في جنانا

راعي السجن لو يخلون بكره سبيله =يمكن يمد كفه في عشاك وعشانـا

خولان بن عامر


راح سمن العرب ما باقي الا صميله = قامت القوم تغزل ياسعد في لحانـا
العرب من فصيله والولد من فصيله = مابقى الا يخاشرنا وياكـل غدانـا

سعد بن شفلوت

لقمة من عصيده شربة مـن عبيلـه =جعلها بالعوافي كانهـا فـي حدانـا

ويش رايك تدور لك مع الناس حيله =جاك ماجا ابن عمك وانت ماجاك جانا

خولان بن عامر

وين راعي المعالي وين راعي الفضيله = مستواهم بعـد بكـره مثـل مستوانـا
راح ذاك الزمان اللـي قديـم موديلـه = بعد ماراح قمنا مـن الهمـوم انتوانـا



سعد بن شفلوت

ذاك عند العجوز وذاك عند الحليله =تحت فية عصاك وتحت فية عصانا


من زرع برّ يا خولان يجني حصيله =الحق الوقت قبل الوقت يلحق مدانا


خولان بن عامر

بعد بكره تشب النا خشـم الفتيلـه = تزعل اصحابنا من قبل تشمت عدانا
يانجوم السماء يالساريه علمي لـه = اللحى شيبـت ولا لحقنـا هوانـا



سعد بن شفلوت

قبل بكره تجيك الحاجـه المستحيلـه =كان مالله حماك وكـان مالله حمانـا

ياهل الشيب طحتوا من عيون الجميله =انتهـا منتهاكـم وابتـدا مبتـدانـا



[/poem]