السلام عليكم ورحمة الله وبركاته



اخواني وازملاي في منتدى قحطان.........

اسعد الله جميع اوقاتكم


هذا موضوع وجدته باحد المنتديات وحبيت اني انقله الى منتدانا الغاالي لما لهذا الموضوع من رووووووووعه ...

المهم

الموضوع هو ان تكتب بيت شعر او بيتين او ما حلا لك من الشعر ولكن ان يكون هذا الشعر له تأثير على قلبك وشخصك

المهم سأبدا بكتابة ما اعجبني واتمنى ان تعجبكم انتم ايضاً

ماطرد المقفي اليا صفط اشرعه-------------- مخبل الي للمقفين تباعي

من يحط اذنه على كل سماعه---------------جاه فارق مابعدها تجماعي

الشاعر الكبير\سعد بن جدلان

أتمنى من الجميع المشاركه

وتقبلو خالص تحياتي وتقديري

لا تشتكـي مـن جـور الايـام للنـاس ========= وادفن همومك في ثرى الصمت كله

اسـرار عمـرك خلهـا تحـت الانفـاس ========= لا صــار هــرّاج القـفـا فـاطـنـن لـــه


للشاعر عبدالعزيز السناني الجهني وقد غناها محمد عبده


لا هنت يا الذيب على الموضوع الرائع

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

طرات الرجل لا لحقه من الزمــان هموم**********ما يدري بسده كود خيرة بني عمه
وسيع البنايد في الشدايد قوي عزوم**********لا عظك زمـانـك شـال همك مع همه
وأنا والله إني مـــا أتهنى بحلو النوم**********ورفيقي عـليه هـمـوم الأيــام ملتمه

للشاعر الكبير / سلطان بن وسام الهاجري

__________________

الأجواد لو قاربتها ما تملها **** والأنذال لو قاربتها عفت ما بها

الأجواد لو قالوا كلام وفوبة **** والأنذال منطوق الحكايا أكذابها

الأجواد مثل النور في ليلة الدجى **** والأنذال غدراً تايهاً من سرابها

الأجواد صندوقين مسك وعنبر **** لي فتحت بيبانها جاك ما بها

الأنذال لا غسلتها ما تغسلت **** نجاسة قلوباً ما يسر الدوى بها

والأجواد مثل الزمن للشيل يرتكي **** والأنذال مثل الحشو زاد رغابها

الشاعر والشيخ\محمد المهادي

للشاعر والفارس المرحوم بإذن الله

شــــالح بــن هــدلان


أبنصح إللي من ربوعي يبى الطيب ===== لا ياخذ الا من بيوت الشجاعه
يجي ولده مذرب كأنه الذيب ========= عز(ن) لـ أبوه وكل ما قال طاعه
وبنت الردى ياتي ولدها كما الهيب ==== غبن لـ أبوه وفاشل(ن) بـالجماعه

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الحقيقه إني ما حبيت أقول شعر من يوم سجلت مع خوالي في الموقع ذا لأنهم أهل القصيد وإحتراماً لهم مني أن أعتدي عليهم وإلا ما ني قليل حيله ولله الحمد ولكن بما أنك يالبشري جديد ومن باب المشاركه والألفه إسمح لي أن أقول ما جاء على بالي الحين وسامحني على القصور :

[poem=font="Arial,5,white,bold,normal" bkcolor="transparent" bkimage="backgrounds/21.gif" border="solid,medium,crimson" type=2 line=0 align=center use=ex num="0,black"]
ما دام حـظـك ياولد ملح وذاب=إخلطه في لجة الـبحر البعـيـد
وأسمع الدنيا تباشير السحاب=وخلها بين التحـايا والوعـيـد
ولحف المعنى بضحكات العتاب=وأتركه جال الضما عله يقيد[/poem]

__________________
[poem font="Arial,4,white,bold,normal" bkcolor="transparent" bkimage="backgrounds/21.gif" border="solid,medium,crimson" type=2 line=1 align=center use=ex num="0,black"]
الليل طول والسهر منه مـــلا=والـروح عيا يـنـجـلـي همها[/poem]
( أبـو فـهـد )

القصيده للشاعر المرحوم وافي الجبعه


ياحويل دق النجر والنـاس نيـام------------------ يابوك دنـه للعـرب يسمعونـي

ياتونك اهل الكيف واللاش ماقـام ---------------- جر الفـراش وتلهـم يجلسونـي

واشعل لهم يابوك في الكيف وولام ----------- وخلك شقـردي لهـم يطربونـي

دامك بشري هاذي للشاعر علوان بشري من وادي الفيض سمعتها في احد المجالس والرجال توفى الله يرحمه لان على حكم الملك عبدالعزيز رحمه الله لكن الابيات ماقد نسيتها

ينصح واشهد انها نصيحه

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
فانا بوصيك يا ولدي وصيه=كثر الدين يهويك البحورا
تشناك الرفاقة في المشورا=تقعد غايب(ن) طول الدهورا[/poem]

الحيا ستر الوجيه من المذله والمهونه = لانقشع ذل العزاز و نزّل أقيام الأكابر

لا بغى الله يطلع المؤمن على عين تخونه = حصلت ما في الصدور وبعثرت ما في المقابر

ولا بغى الله يكشف الخاين بناسٍ يآمنونه = حط له في كل ريع من عيون الناس سابر

الشاعر الكبير \ سعد بن جدلان