قصيدة الشاعر / حامد بن سمحه الحياني ( في وصف الكبسولة

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ياراكب تصميم عباد الصنم = تصميم وابداع وفخامة وأنظمة
ركز عليه العبقري راعي الهمم = استاذ تويوتا بفخر وقدمه
مضمون فيه محركاته والنظم = تسلم يدين اللي زهاه وعظمه
عضمه عن كل اقربه حتى زعم = واعطاه مميزات الفوارق واكرمه
متيمز لأنساب فارق لأقتحم = متميز حتى بشكل الأحزمه
لما نطحته كنه طلاب لدم = تقول فم الليث طلعت مقدمه
ولمنه قفا كن بأكتافه ورم = دبة وقوده وسبيره واعلمه
واذا انطلق كنه شجاع لا زهم = لي سمع ابن عمه بصوته يزهمه
لما رقا رجم تعلى للقمم = عجل تقول ان عالي الرجم اخزمه
لما انحدر مع خاوي كنه قسم = حر(ن) جناحينه تسابق مقدمه
وصوت المحرك كنه ترتيل القلم = باخفاء الحذيفي والسديسي إلى ادغمه
وغنة علي جابر تقاسيم النغم = لله در اللي تفنن واحكمه
احكم مميزاته ودقق لين اتم = حتى اشتغاله كنه ضحك وتمتمه
وبوخرة الشكمان صفارة حكم = تعلن تعاشيق النمر لا لقمه
كبسولة سواقها الفذ الشهم = لما نوى المطراش عبا محزمه
صلى وكبر وادعى ثم احتزم = ثم ودع ابنه خايف لا يتمه
جبار عزمه ما يثنية العتم = يطوي الفيافي في الليالي المظلمه
من شايبة خذى الوسايا والشيم = عود غلامه قبل موته علمه
يقول لي جيت لديار أهل الخيم = تكفى يا شوق أبو خدود موشمه
اقلط ببيت اللي لظيفه يبتسم = فالمبتسم للظيف عدوه يلطمه
تلقاه بيت فيه عود ملتزم = بيت يدن النجر ذرو مخيمه
والبيت هذا مارد لحمر النعم = عشي (ن ) تضوف البيت سك ودرهمه
والنار من عود سمر تضرم ضرم = والعود الأزرق والسلوم متممه
والصحن فيه مفطح حيل الغنم = ودلال بن (ن) تتبع منظمه
انصه ولمح له وسلم واستلم = واعط الخبر وسط الرموز المبهمه
قل تراني جيت ياطب السقم = محدود وانت العلم مثلك يفهمه
شي حداني لين قضيت القمم = واعلنت بعدي عن ديار العولمه
ما للعدم لا حل بيت الكرم = غير العزيمه واختراق الأنظمه
والعلم هذا سر ياوافي القيم = والحر مثلك سر ضيفه يكتمه
والعود قال ارحب ولا هميته قسم = يكون مهر اللي تبيك ملثمه
فز لكلام العود وقال اسلم نعم = أنا اشهد انك تستحق الأوسمه
دخل بوسط اللعب وقالو له حكم = فقال صن وفاز واللعب احسمه
خذا اللزوم وقال يا يامجلي القسم = تستر وكل مغامر لا تحرمه
حرك وقال ان كان مولانا قسم = لاعبث عبث ببو جيوب مختمه
تناوش الروسي وغنا واعتزم = ثم شمر وفك الكبك من معصمه
واقبل عليه حالف ما ينلزم = ما هاب واقبل والمقفص يزهمه
عرض عليهم كنهم والله نيم = واللي معه مصيون تمره وعجمه
واصل وخلى الطقم في هم وغم = في سافي البيداء عجاجه وحصمه
كريم ما يعطي ويتبعه الندم = يعطي ولا يبطي ولو صافي دمه
حمى حمولته باليمين أم الشحم = ما كنها الا من حدايا محرمه
لو سلموا الأفغان بن لادن قسم = ما في ظهر موتره ما قد سلمه
من شانها عود يزم الحمل زم = حمل وسار وصل ما حد كلمه
صدقت يابو حسين قالوا في القدم = من لا يغبر شاربه ما دسمه[/poem]

مشكور أخي على هذه القصيدة

وصح لسان الشاعر ابن سمحه قول بفعل

ويزين المقفاص مع القومه يستاهل الكثير مخوي المطاليق

اخوي الغالي


امير الظلام


كثر الله خيرك وجمل الله حالك



الشاعر - حامد بن مفرح بن سمحه

من الشعار المتميزين والمتمكنين وشعره له طعم خاص


فصح لسانه وعلا شانه وسلم بنانه

عيني فلا هلت

__________________
« اللهم كما أحسنت خَلقي فحسن خُلقي »

مضارح ،،
فتى الجوة ،،
شكرا على المرور وانشاء تكون مشاركتنا نالت اعجابكم

شكرا على النقل وبيض الله وجهك

صح لسان الشاعر حامد والذي قادم بقوه نتمنى له التوفيق

تقبل تحياتي

__________________

امير الظلام

اشكرك على هذا الابداع ولاهنت يالقرم

ونتظر منك المزيد

تحياتي لك

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

ياسلام ياسلام ياسلام

علي الذوق في اختيار هذا الشامخه

للشاعر الذوق حامد

لاهنت يامير الظلام

ويعطيك الف عافيه

مواضيعك مميزه وطيبه من طيب راسك

__________________

إختيار رائع لشاعر متمكن ومبدع



صح لسان الشاعر وبيض الله وجهك يالوافي على الإختيار الجزل


أخوووك

لاهنت لاهنت


وصح لسان حامد


ولك مني التحية

صح لسان المبدع حامد


ولا هنت يا امير الظلام على النقل


لاعدمناك


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.