[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

أنوح من مابـي ومثلـي ينوحـي=مافي يد المخلوق حيل ن وحيلـه
والدمع في محجر عيوني يلوحـي=دمع ن عصي وجاك مثل المخيله
من ضيقة ن بالصدر عيت تروحي=عيت توديهـا سنيـن ن طويلـه
الا بغيت أسلى وتسلـم جروحـي=لكني أطلب حاجـة ن مستحيلـه
والا بغيت أشكي وأعلم وابوحـي=لهي ثقيلـه مـن يشيـل الثقيلـه؟
ياكود ربي بالزمـان الشحوحـي=ابشتكي له والعـرب تشتكـي لـه
باول حياتي طاح عالي صروحي=واخر حياتي ودعتنـي الفضيلـه
من بعدهم ماعاد عندي طموحـي=الا رجايـه بالسيـوف الصقيلـه
يارب عبدك في سؤالك لحوحـي=يرفع يدينه لـك بنفـس ن ذليلـه
يارب تجمـع والدينـي وروحـي=في جنة الاخيار تحـت الوسيلـه [/poem]

__________________

يارب تجمـع والدينـي وروحـي
في جنة الاخيار تحـت الوسيلـه

اللهم آمين
اللهم آمين
اللهم آمين

أسلوبك جميل ياناصر
وشعرك في غاية الأبداع

صح الله لسانك وبيض الله وجهك


تحيتي

الله يجعل والديك في جنات النعيم


وقصيدة جزله من شاعر جزل



أخوي ناصر المبدع دائماً


الله يجمعك مع والديك في جنات النعيم



أخوي ناصر



تقبل تحياتي,,,,

من قال سالم ياناصر وصح لسانك
مبدع دائما ياناصر وشاعريه قويه اتمنى موافاتنا بكل ماهو جديد لك
الله يجمعك مع والديك في جنات النعيم

__________________

لاهنتوا
شرفني مروركم

__________________

يالمســردي قصيدتك ما بتوحي ********** انك من اللي يكتبـون الهزيلــه

ما تكتب الا شعر جزل(ن) يفوحي********** بالعود الأزرق والمعاني الجميله

روحك وروح الكون كله وروحي ********** بـأمـر الولـي ولا لنـا اي حيلـه

__________________

سبحان الله وبحمده..................................سبحان الله العظيم

صح لسانك ياابوهذال ويسلم راسك

قصيده في من يستحقها

وبنت سعود روزها عند العرب ثقيل

اسأل الله ان يرحمها برحمته الواسعه

والله يلهمكم الصبر

لاهنت يالقرم

وتقبل تحيات مودك بحر

__________________

صح لسانكـ ياابو الفيصل
وشاكر لك على مشاعرك النبيله
واسمح لي ان احتفظ بنسخه من مجاراتك في ديواني الالكتروني.

__________________

لاهنت يا بن هذال
وبيض الله وجهك على هذه القصيده الرائعه من الشاعر الذرب ماتستغرب منك

تقبل مروري واعجابي متابعتي لانتاجك

صح بدنك يا ناصر

قصيدتك جميله من الصعب ان يمر عليها احد ولا يتغنى بها

وشرف لي ان تحتفظ بمجاراتي المتواضعه في ديوانك الالكتروني

تحياتي

__________________

سبحان الله وبحمده..................................سبحان الله العظيم