قصيدة رائعة اقرأها واعط رايك

اقدم لكم هذه القصيده..
أتمنى تعجبك 00وهي منقولة:
[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="groove,medium,gray" type=4 line=0 align=center use=ex num="0,black"]
قالوا علامك صامت وقلـت يانـاس=كثـر الكـلام يقـل لاجلـه مقامـي
الصمت حكمه والحكي مصدر إفـلاس=ولقيت في صمتـي يزيـد احترامـي
الصمت له معنى وله ذوق وإحساس=مركب نجاتك فـي بحـور الظلامـي
ترى الرجل صوره من الراس للساس=ثـم يتبيـن جـوهـره بالكـلامـي
إما نطق فـي كلمـة ترفـع الـرأس=تضفي على شكلـه جديـد الاسامـي
وإلا يعـود معدنـه معـدن نحـاس=يرميه سهمـه بعـد ماكـان رامـي
لا صار عندك من ثمينات الألمـاس=خله بصـدرك ليـن وقـت التمامـي
أخاف يطلعلك مـن النـاس بـلاس=وإلا سفيـه مـا يــرد السـلامـي
الله خلق خلقه علـى عـدة أجنـاس=وكلـن يسوقـه مذهبـه للأمـامـي
والله خلق بالطير قمـري وقرنـاس=ووقت الهدد مـا ينغـزي بالحمامـي
لا جال في صدرك من الهم هوجـاس=وعينـك يحاربهـا لذيـذ المنـامـي
ونفسك عليله والفكر صار محتـاس=اترك طمان القـاع وارق السنامـي
عليك بالعالـي ليـا هـب نسنـاس=يبري الجـروح الخافيـه والعظامـي
وخلك لربعك دايـم الـدوم نبـراس=وخص القريب وخص ولد العمامـي
خلك لهم في داجـي الليـل مقبـاس=ولصاحب أصدق من حقوق الغمامـي
ربعك ذراك ليا لحق راسـك البـاس=قدم لهم شربك ولـو كنـت ضامـي
وخلك لثوب الطيـب والعـز لبـاس=واتـرك دروبٍ تنتهـي بالحـرامـي
وفعل الجميل وواجب الضيف نوماس=ومن لا نفع بالضيق نفعـه عدامـي
بيت الكريم أبوابـه بـدون حـراس=وبيت البخيـل يعـد مثـل الهدامـي
كلٍ بهـا الدنيـا نصيبـه بمقيـاس=ياخـذ نصيبـه لوجفـوه الأنـامـي[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
إما نطق في كلمـة ترفـع الـرأس= تضفي على شكله جديـد الاسامـي
وإلا يعـود معدنـه معـدن نحـاس = يرميه سهمـه بعـد ماكـان رامـي [/poem]

لاهنت يا بن درعان قصيدة طيبة فيها من الحكم الطيبة



لاهنت يا بن درعان

السلام عليكم ورحمة الله وبركاته


اررررحب يابن درعان


والله لا يهيينك على القصيده


عز الله انها كايفه وكلها حكم


لكن من صاحب هذه الأبيات ياليت انك ذكرته حفاظاً على حقوق الشاعر



.

__________________

والله اني ما ادري من شاعرها لني وجتها مكتوبة على هذا الشكل وسالت عن شاعرها وكل قام يعطي اجابة
لكن مشكورين على كل حال يا ابراهيم وفارس

بسم الله الرحمن الرحيم
السلام عليكم ورحمة الله وبركاته


صح لساااااااااااااااااااان قايلها


والله لايهينك على النقل

__________________

وخلك لربعك دايـم الـدوم نبـراس وخص القريب وخص ولد العمامـي
خلك لهم في داجـي الليـل مقبـاس ولصاحب أصدق من حقوق الغمامي

مااحسن هذا الكلام خللك لربعك دايم الدوم نبراس ,,,,,,, والبقيه جزاك الله خير

السلام عليكم ورحمة الله وبركاته


كلمات جزيلة المعانى ...................وعسى نكون ممن يستفيدون من الكلام


الصيب فى مثل هذ المجالس الطيبة والكلام اللى له معنى ..

ما قصرت على العرض ....المفيد ..............!!!!!!!!!!!

اشكركم على المرور والله لا يهينكم جميع

قصيده جميله --وصور شعريه تنبض حكمه

يعطيك العافيه

تحياتي

__________________
أبشرب من دلتك لو كلها سم .. ما أهز فنجانك و لا أقول كافي

دامها من يمناك و تقول لي سم.0. بسم الله أشرب كل سمك عوافي

بسم الله الرحمن الرحيم
السلام عليكم ورحمة الله وبركاته


ابيض وجه على النقل الطيب

والله لا يهينك

وصح لسان قايلها

__________________
سبحان الله وبحمد سبحان الله العظيم